ايوووووووووووووه
نفس حجم الجراند بونتو بالمللي
عرض للطباعة
ايوووووووووووووه
نفس حجم الجراند بونتو بالمللي
في وجهة نظري المتواضعة العربية ديه محترمة جدا, حوار إنها بطة ولا لأ أنا لسة ماجربتهاش بصراحة بس هقولك على حاجة "الشد سواق" وبرده جرب العربية قبل ماتجيبها.
واضح ان كل الابهات بيفكرو بنفس الطريقه:) انا والدى اسه مش شافها بس متوقع نفس الرد :)
انا والدتى شافتها كان ده ردها"ده صغيره اوى" لما ركبتها و شفتها من جوه اقتتعت بيها جدا و اكتر حاجه انبسطت منها ابواب العربيه بتقولى حديد ما شاء اله :) و برضو العربيه من برا تحسها ضيقه لكن على الحقيقه غير كده مش عارف ليه :)
اقتباس:
بسم الله الرحمن الرحيم
دخلت معرض سيارات وسألت الموظف اللي جوه عن العربيات الفيات وبالأخص بونتو ايفو، فقالي أنه لسه بايع عربيه مانويل ب 90 ألف جنيه، وقعد يشكرلي في العربيه وفي شكلها من بره ومن جوه وإنها 77 حصان، وقالي حاجه أنا مستغربها :rfds:ومش مقتنع بيها بصراحه، قالي إن العربيه 77 حصان بس الحصان ده محسوب بالطريقه الأوروبيه مش الأسيويه يعني 77 حصان دول يعادلو 105 حصان أسيوي وقعد شرحلي إزاي بيقيسوا قوة الماتور في أوروبا وإزاي بيحسبوه في آسيا بس بصراحه أنا نفضت وما ركزتش.
الموضوع ده قتل بحثا فى المنتدى هنا واستقرينا ان المصنعين الاوربيين بيدوا قدرة الموتور وهو راكب على العربية من على الحدافة وفيه اتهامات للكوريين واليابانيين انهم بيذكروا قدرة المواتير برة العربية.
المهم أنا عن نفسي إقتنعت بالعربيه أوي خاصة إن فيها ABS & EBD وكمان فيات شركه عريقه وأكيد التكنولوجيا فيها أعلي بكتير من العربيات الكوري والياباني وبعدين 1400 سي سي هتوفر معايا في البنزين جامد.
العربية فعلا حلوة جدا وعوامل الامان فيه عالية والتكنولوجيا اللى فيها زى ما فيه عضو هنا قال مش موجودة فى عربيات تانية اغلى منها بكتير اما عن استهلاك البنزين فحدث ولا حرج، اللينيا التربو فى السفر بتعمل 5.1 ليتر لكل 100 كيلو
المهم دخلت علي النت وقعدت أدور علي العربيه دي ورأي الناس فيها فلقيت إن معظم الناس بتشتكي من سحبها وبيقولوا عليها "بطه"، وكمان التكيف بتاعها تعبان أوي، من الآخر موتورها ضعيف، وناس تقول دي عربية للبنات فقط وحاجات كده.
نقطة السحب دى انا معاك فيها بسبب واحد بس، انا كنت على طول بركب الفيات التربو ولما جيت اركب الجراند بونتو ال77 حصان حسيت ان العربية سحبها مش حلو وكنت بستغرب ان كل الناس اللى معانا اللى يجربوا العربية يقولوا على سحبها حلو وده ناتج ان فعلا حسب انت كنت راكب ايه قبل كده، عايز اقولك ان صاحب العربية نفسه كان معاه النيو اكسنت قبل الجراند وكان بيقول ان الجراند افضل من ناحية الموتور.
التكييف بقى بصراحة جامد ومش ها تحس ان فيه مشاكل معاه، وانا مجرب تكييف الجراند والايفو واقولك ان تكييف الايفو افضل والمروحة بتاعته قوية ما شاء الله.
أنا بعد ما قريت الحاجات دي اتلخبطت :whtauwant:، العربيه سعرها حلو أوي وكمان عربيه أوروبي وتقيله في السوق، بس موضوع السحب ده مشكله والمشكله الأكبر هي التكييف، أنا أصلا مابحبش الشد والجري والحاجات دي بس عايز أبقي في عربيه مريحه وتكيفها يريحني وسحبها لما أحتاجه ألاقيه.
العربية مش ها تريحك بس دى ها تدلعك اووووووى بس ياريت تجيب الفئة التانية ها تنبسط منها اووووووووووووووووووى.
قريت ناس بتقول إن الموتور بيلين بعد 10000 كيلو وبعد كده بيبقي سحبها كويس، بس كويس ده يعني إيه؟؟ كويس لما أقارنه مع العربيات التانيه؟؟؟ ولا كويس بالنسبه لحالة العربيه في الأول؟؟
فعلا حالة العربية والموتور بالخصوص بيختلف للاحسن بعد اول 10 الاف كيلو.
بجد الموضوع محير يا ريت لو حد عنده العربيه دي يفيدني في القصه دي :ask:
وعايز أسأل برضو عن الشنطه بتاعتها إيه ظروفها كبيره ولا صغيره "كام ليتر"
شنطها واسعة لعربية هاتش باك يعنى ها تكفيك، حجم الشنطة 235 ليتر ولو منزل الكنبة ها تبقى 1030 ليتر
ولو حابب تنزل تشوف العربية على الطبيعة تحت امرك نتفق على ميعاد وننزل فرع يوسف عباس تتفرج عليها وتركبها وتقولى ايه رأيك بعد كده.
آســــــــــــــــــــــف علي الإطـــــــــــــــــــــ ـــــــــــــــــــــــــ ـــــــــــــــــــــــــ ــــاله
تحياتي :120105~352:
الفتيس مش ممل ولا حاجة بس محتاج شوية تعود، الفتيس مصمم انه يفصل اول ما تشيل رجلك من على البنزين والعربية تقف خالص ولازم فعلا تدوس بنزين عشان تتحرك وانا فى رأيى ان النظام ده افضل عشان حاجتين، اولا توفير البنزين المستهلك فى الاوتو العادى وتوفير تيل الفرامل المستخدم لايقاف السيارة من الحركة.
اما بالنسبة لاوماترا لو الفتيس نفسه حصل فيه حاجة جامدة واستعصى عليهم تصليحه ها يغيروه من فيات ايطاليا، مع ان مفيش اى شكوى بخصوص الفتيس حتى الان.
يا سمسم الراجل بيتكلم فى نقطة تانية، ان العربية مش بتفضل دايسة بنزين حتى وانت شايل رجلك من على الدواسة
موضوع الفرامل ده يا سمسم بقى العربية لو فضلت 10 دقايق مش ها تتحرك من الثبات الا لما تدوس بنزين مش موضوع حاجة نازلة فى فيات وكده، اللي بتقول عليه ده فى الHill Holder وده مش موجود فى الايفو.
انا شرحت لحضرتك وفعلا الكلام مظبوط.
يا سمسم الفتيس اللى بتقول عليه ده لسه منزلش فى عربيات فيات، الفتيس اسمه DCT وده زى الDSG ونزل فقط فى الالفا روميو، لكن الديوالوجيك ده ديسك واسطوانة عاديين بس دبرياج كهرباء وكومبيوتر بيتحكم في الدبرياج ده.
حضرتك لازم تفضل ماسك فرامل حتى لو على طريق عادى لانها هترجع ل ورا او تمشى ادام..ف لازم تفضل دايس فرامل طول الوقت او تشد الهاند وتجيب n ....ازاى زى المانيوال امل هيا اية! ما هى جير بوكس مانيوال وكمان هتحس بالنقلات وانت ماشى بس دة شوفتو فى البرافو يمكن مش باين عندك لان سحبها مش زى البرافو
damasry
تسلم يا غالي علي التوضيح الممتاز ده ما شاء الله عليك.:D:D:D:D:
أنا أصلا معايا دلوقتي شاهين ، إنتو عارفين إن موتورها فيات، بس بصراحه موتور الشاهين مقرف أوي والعربيه بتسخن عشان نظام التبريد زباله، أنا خايف تكون الفيات لسه معتمده علي نظام التبريد ده لغاية دلوقتي دي تبقي كارثه
لأ طبعا, حضرتك بتتكلم على عربية التكنولوجيا بتاعتها من أوائل التمانينات, مافيش عربية جديدة بتسخن أصلا
عربيتى البونتو كلاسيك (اللى هى أقدم من الايفو) لما بتسخن فى الزحمة و كدة المروحة بتشتغل على السرعة التانية و صوتها بيعلى شوية, بس كدة