في حد ريحلي ع الكروز

**kamalsalem** · 05-09-2010 03:45 PM

العربية كانت مركونة كالعادي تحت البيت ونزلت النهاردة الصبح عشان اجيب الكتالوج وكتيب الضمان من جامعة الدول

فيييين وانا بركن بعد ما روحت لقيت الاكصدام اللي ورا فارق من مكانه بتاع ملي ونص كده يعني مفيش دوافر مكسورة الحمد لله

قعدت ادوس عليه بإيدي كده يمكن يرد مكانه لكن مردش وانا مش عايز اتعافى عليه عشان مجرب العافية قبل كده ف فيات سيينا وبوظت الدنيا اكتر

والله ممكن انا اللي اكون عملت فيها كده عشان كنت بركن ف حته مزنوقه اوي ومن غير ما احس لقيتني بزق عربية لانوس ورايا بس مكنش معشق والعربيتين كانوا بيتحركوا مع بعض

هي دي لو رحت لسمكري هيبوظلي الاكصدام؟ ولا ممكن يريحوا مكانه بالراحة؟ بفكر افك دماغي منها وامشي كده... ده مللي ونص ف جنب واحد... بس عندي هس هس كده وشبح الجثة (البولونيز) بيقوللي متسبش فيها الهول عشان ميبقاش خبطة هنا وترييحه هنا وتبقى في خلال سنه مشنة

قال أنا... كمال سالم... اللي بفرملة واحدة جاب ربع افنسيس ب 40 الف جنيه واتكسر عندي وش فانوس ب 3 جنيه.... بدور على ترييحة ف اكصدام فبر.... ولا يوم من ايامك يا بولونيزتي يا معذبة الكل

**zeznia** · 05-09-2010 04:32 PM

الف سلامه علي الكروز ياباشا
عرفة بقي قيمة العربيات القديمه : )
انصحك تسيبها دلوقتي خالص وتعمل صيانة البودي مره كل سنه او سنتين علي حسب استخدامك

**fawzyyyy** · 05-09-2010 07:13 PM

يا باشا انت في مصر متشيلش هم
حتلاقيها مش باينة متحطش في دماغك

**hema_fg2** · 05-09-2010 08:36 PM

ياعم ولا يهمك ولا تحط فى دماغك اى حاجه والله انا معايا اوبترا 2010 العربيه كانت لسه جديده ونزلت من البيت لقيت السقف متنى مش عارف من ايه تلاقى العيال ولاد العفريت قعدوا ع السقف ولا حاجه مع انى والله ع طول بركنها فى الجراج بس تقول ايه ساعتها كنت مكسل بقى.... وخلاص الموضوع عدى ومحطتش حاجه فى دماغى......سيبها لله وتوكل ع الله اهم حاجه انك تبقى سليم وزى الفل

**KHALED AYMAN** · 05-09-2010 08:51 PM

هههههههههههه
كلنا لها ..
معلش قدر الله و ما شاء فعل
بص عشان انا حاسس بالى انت حاسس بيه ..
الواحد بيحب العربيه الجديده ميكونش فيها غلطه
ولو لقيت شويه تراب بتروح تمسحهم لحسن يكون تحتهم نقره ولا خربشه
المهم
"لو" باين روح لسمكرى "استاااذ" يركبه مكانه مظبوط
و"اوعى" تعمله فى التوكيل
لو مش باين فكك

**mhmdalsaadany** · 05-09-2010 10:04 PM

سيبك منه يا كبير هي دي مصر وطالما مش باين يبقى خلاص مش المللي دا اللي هيعكنن عليك دا عين صغيره اوي هههههههههههههه شكلها عين واحد صيني ههههههههههههه

**mido** · 05-09-2010 10:47 PM

مبروك عليك ختم الصياعه :) هى دى مصر العربيات كلها ملطوطه

**Gabrial** · 06-09-2010 12:47 AM

معلش يا كمال بك ،كاس و داير على الجميع،سبها مدام مش باينة .

**zizo18000** · 06-09-2010 12:48 AM

انا في اول اسبوع للعربيه معايا و انا بدخلها الجراج الاكصدام اللي ورا شبك في سلسله و اتخلع كله من ناحيه الشمال و كنت لسه هقعد اعيط جنبه لولا واحد ابن حلال ماشي في الشارع جه و ركبهولي علي طول و لا كان فيه حاجه بس بجد منظره و هو مخلوع كان مرعب

**kamalsalem** · 06-09-2010 01:11 AM

المشاركة الأصلية كتبت بواسطة fawzyyyy

يا باشا انت في مصر متشيلش هم
حتلاقيها مش باينة متحطش في دماغك

والله قشطة يعني ممكن تتساب

المشاركة الأصلية كتبت بواسطة hema_fg2

ياعم ولا يهمك ولا تحط فى دماغك اى حاجه والله انا معايا اوبترا 2010 العربيه كانت لسه جديده ونزلت من البيت لقيت السقف متنى مش عارف من ايه تلاقى العيال ولاد العفريت قعدوا ع السقف ولا حاجه مع انى والله ع طول بركنها فى الجراج بس تقول ايه ساعتها كنت مكسل بقى.... وخلاص الموضوع عدى ومحطتش حاجه فى دماغى......سيبها لله وتوكل ع الله اهم حاجه انك تبقى سليم وزى الفل

انا لو كنت لسه عايش ف بيت اهلي مكنتش اشتريت عربية... عندهم قطيع كلاب في الشارع... الكلب من دول قد البغل ويروح هوووب وطالع ع السقف... ويدور على اي حاجة يعضعض فيها... ابويا معاه بيجو 405... الكلب بقوله هش... بصلي بكل قرف... ومد بوزه خد الكاوتشه بتاعة الايريال اللي مغطية مكان دخوله... ومشي

المشاركة الأصلية كتبت بواسطة khaled ayman

هههههههههههه
كلنا لها ..
معلش قدر الله و ما شاء فعل
بص عشان انا حاسس بالى انت حاسس بيه ..
الواحد بيحب العربيه الجديده ميكونش فيها غلطه
ولو لقيت شويه تراب بتروح تمسحهم لحسن يكون تحتهم نقره ولا خربشه
المهم
"لو" باين روح لسمكرى "استاااذ" يركبه مكانه مظبوط
و"اوعى" تعمله فى التوكيل
لو مش باين فكك

والله قعدت اضحك على حوار التراب عشان لسه عامل كده دلوقتي وانا طالع البيت... وسمكري استاذ دي كنت اعرف واحد عند الجامعة كان اسمه سيد سنكرة... وبعدين اتعلم شرب الهباب الحشيش وبقى بيعمل اي حاجة المهم الزبون يديله مقدم عشان يشتري الجرعة... وراح سيد سنكرة ف شربة كوارع

المشاركة الأصلية كتبت بواسطة mhmdalsaadany

سيبك منه يا كبير هي دي مصر وطالما مش باين يبقى خلاص مش المللي دا اللي هيعكنن عليك دا عين صغيره اوي هههههههههههههه شكلها عين واحد صيني ههههههههههههه

تلاقيه الراجل بتاع الفول اللي تحت البيت... كل ما اجي نازل يقوللي صباح الخير يا استاذ كماااال... اقوله يا عم والله انا مهندس ومقيد في النقابة كمان... يفوللي ربنا يحميك.... كل يوم من ده

المشاركة الأصلية كتبت بواسطة mido

مبروك عليك ختم الصياعه :) هى دى مصر العربيات كلها ملطوطه

الله يبارك فيك.. بس انا اللي اعرفه انه ختم الصياعة في العربيات بيبقى الحكة اللي في الرفرف اللي قدام يمين تحت الفانوس من غرزة طائشة... ربنا يعافينا والله

المشاركة الأصلية كتبت بواسطة gabrial

معلش يا كمال بك ،كاس و داير على الجميع،سبها مدام مش باينة .

مانا هسيبها... بقولك يا سيد السمكري بتاعي اتعلم شرب الحشيش... يعني بقى عندي بقال صاج مش سمكري

المشاركة الأصلية كتبت بواسطة zizo18000

انا في اول اسبوع للعربيه معايا و انا بدخلها الجراج الاكصدام اللي ورا شبك في سلسله و اتخلع كله من ناحيه الشمال و كنت لسه هقعد اعيط جنبه لولا واحد ابن حلال ماشي في الشارع جه و ركبهولي علي طول و لا كان فيه حاجه بس بجد منظره و هو مخلوع كان مرعب

انت مرزق والله... انا كنت هقلعلهم ملط في الجراج واجري اصرخ وافول كتاكيييت كتاكييييب... وايه بقى بيركب عدل الاكصدام؟

الموضوع: في حد ريحلي ع الكروز

LinkBack

أدوات الموضوع

عرض

في حد ريحلي ع الكروز - انشر الموضوع فى :

-

-

-

-

-

-

-

-

المواضيع المتشابهه

ماهي نسبة الانضغاط في محرك الكروز ونوع البنزين الأمثل لمحرك الكروز

زنه فى الكروز

نور الكروز

الكروز جنط 16

الكروز

الكلمات الدلالية لهذا الموضوع

المفضلات

المفضلات

ضوابط المشاركة