الموضوع: مقال حمدي قنديل الذي يقاضيه الوزير أبو الغيط لأجل سطر فيه .....

المشاركة الأصلية كتبت بواسطة tyler_durden

الريس قال مافيش حبس في قضايا النشر ..

قولنا و قالوا طول بالوا ماقفلش لكاتب جرناله

و ادى ادى ادى اديها كمان حريه

انت مش بتذاكر كويس

المشاركة الأصلية كتبت بواسطة أشرف فتحى

يعم أحمد حرااااااااااااااااااااااا ااااااااااااااااااااااااا اام عليك....

كل ما أشد اللحاف على ودانى واقول لا عارف ولا عايز أعرف...

لا فاهم ولا عايز افهم................

لا ليا حقوق ولا عايزها.................

انا أقصى طموحى اروح لعيالى بعشر ارغفه بلدى من ابو بيريزه بدل ما أجيبهم الرغيف ب 60 قرش.....

أنا أقصى طموحى انى اروح لعيالى مش خايف حد يخبط عليا الباب ويقولى تعالى كلم الباشا فى القسم....

أنا اقصى طموحى ما أقابلش ولا حاتم ولا فرج....

أنا أقصى طموحى ان ميجيش يوم ومقدرش ادفع مصاريف المدرسه....

أنا أقصى طموحى أروح من الشغل فى ساعه ونص بدل ساعتين ..

أنا أقصى طموحى لما أتعب واروح التأمين يعاملونى معامله بنى أدم....ولو إحتجت نقل دم ميكونش ملوث...

يوووووووووووووووووه.....كل ما قول مش هتفرج على اخبار ولا هقراها ولا هشترى جرايد.....

تيجى تلسعنى قلم زى كده....

مش عايز افوق...مش عايز أفوق....مش عايز افوق...

لو فوقنا هنموت....

اقرا يا أشرف كده

[gdwl]تقوم نظرية ماسلو على أن كافة إحتياجات الإنسان النفسية والجسدية تندرج تحت خمسة درجات أساسية:




الضرورات الأساسية من الغذاء والهواء Physiological needs

حاجة الأمن والمأوى Security needs

حاجة الإنتماء كالحب والصداقة Social needs

حاجة إحترام النفس والتقدير Ego needs

حاجة تحقيق الذات والإشباع النفسي Self Actualization and Fulfilment

ويقرر ماسلو أنّ المرء لا يبحث عن ضرورة من الضرورات في مستوى معين قبل أن يتحقق له ما يلزمه من ضرورات في المستوى الأقل. بمعنى أنه لا يبحث الفرد عن تحقيق ذاته وهو فاقد للطعام أو الشراب.[/gdwl]


للأسف انت طموحاتك بدل ماتكون زي اي واحد في سنك و مستواك الاجتماعي حاليا في المرحلة الخامسة اللي هي انك تحس بذاتك و حريتك و تحسن قدراتك الوظيفية و المعنوية او تمارس هواية محببة , بقت للأسف إنك عايز تروح بيتك معاك عيش و تتعالج لو مرضت ....المستوى الأول و التاني يا بني أدم يا محترم

و ده بتخطيط مقصود و بفعل فاعل علشان حياتك و طموحك ما يطلعش انك تتمنى تبقى حر او ليك حق في اكتر من كده

انت راضي بكده ؟؟؟

صحيح اللي يجيبه ربنا خير و احنا احسن من غيرنا و الحمد لله على الصحة و الستر .....بس ربنا ما يرضاش بالظلم

وهانعمل ايه ؟؟؟

مافيش حاجة للأسف لأنها طبلت و خلاص

يبقى لو مالناش فيها عيش ...يبقى نشوف عيشنا في غيرها

لو اتغطيت النهاردة و سديت ودانك

هاييجي يوم هاتلاقي اللي يصحيك ...لما طموحك ده يبقى حلم

و يمكن ييجي يوم يبقى خيال

انا زعلااان قوي و انا باكتب الكلام ده