الحل ده كويس قوي وربنا يصبرك ولو غحتجت أي حاجة أنا تحت أمرك ولو الدنيا قفلت جيب فتيس إستيراد وريح دماغك (حل صعب لكن الوحيد الي مضمون)
عرض للطباعة
انا دلوقتى بعت شكوى للشركة فى كيا عن المشكلة وتفصيلها ويا مسهل يمكن يلاقو حل :ask:
شكرا للاستاذ / كمال لترجمة صيغة الشكوى ورغم انه من قسم شيفروليه بس فى الاصل من بيت نايل موتورز ودى القيمة الحقيقية للمنتدى .:36_3_18[1]:
بعتلك يا نورمال على الخاص
ربنا انشاء الله معاك المهم تبلغنا لو فيه تطور
يامسهل يارب
وربنا يجيب الشفا من الشكوى دى
والنبى ياشيخ لو حد كلمك طمنا وقولنا
ويارب الفرج من عندك
أن شاء الله تلاقي الحل ماهو مافيش حاجة في الميكانيكا والألكترونيات مالهاش حل
ربنا معاك يابو ليلى وان شاء الله الشكوى تجيب نتيجه
ربنا يسهل يا ابوليلى والميل ده يجيب نتيجه ان شاء الله
اخي العزيز الفاضل (ابوليلي)
انصحك بهذه الادعية
استغفر الله العظيم الذي لااله الا هو الحي القيوم وأتوب اليه
اللهم ((ياجامع الشتات - ويامخرج النبات - ويامحيي العظام الرفات - ويامجيب الدعوات - وياقاضي الحاجات - ويامفرج الكربات - وياسامع الاصوات من فوق سبع سموات - ويافاتح خزائن الكرامات- ويامالك حوائج جميع المخلوقات- ويامن ملأ نوره الأرض والسموات- ويامن احاط بكل شيء علما وأحصى كل شيء عددا - وياعالما بما مضى وماهو آت -اسألك اللهم بقدرتك على كل شيء وبأستغنائك عن جميع خلقك وبحمدك ومجدك يااله كل شيء ان تجود علي بقضاء حاجتي إنك قادر على كل شيء يارب العالمين ))
ياعظيما يرجي لكل عظيم ياعليما انت بحالنا عليم
اللهم اصلح لي شأني كله بما اصلحت به شأن عبادك الصالحين
ولاتكلني الي نفسي طرفة عين ولا اقل من ذلك
اللهم اقضي حاجتي ونفس كربتي ومانزل بي من حيرتي ((اصلح لي سيارتي))
وصلى الله على سيدنا محمد وعلى آله وصحبه وسلم
الهم اقذف فى قلبى رجائك واقطع رجائى عن من سواك حتى لا ارجو احدا غيرك
اللهم وما ضعفت عنه قوتى واقصر عنه علمى ولم تنته اليه رغبتى ولم تبلغه مسالتى
ولم يجر على لسانى مما اعطيت احدا من الاولين والاخرين من اليقين فخصنى به يا ارحم الراحمين
لا اله الا الله الحليم الكريم
لا اله الا الله العلى العظيم
سبحان رب السماوات والارض ورب العرش العظيم
الحمد الله رب العالمين
ياودود ياودود ياذا العرش المجيد يامبدىء يامعيد يافعال لما تريد أسألك بملكك الذي لايرام وعزك الذي لا يضام وبنور وجهك الذي ملأ اركان عرشك واسألك بقدرتك التي قدرت بها علي جميع خلقك واسألك برحمتك التي وسعت كل شي لا اله الا انت يامغيث اغثني -يامغيث اغثني-يامغيث اغثني
اخوك (حاتم السباعي)
فى استجابة سريعه للشكوى اللى بعتها امبارح لشركة كيا فى كوريا
فوجئت باتصال النهارده الصبح الساعه 9 صباحا من التوكيل بيسالنى عن الايميل اللى بعته وفيه شكوى .
اختصار الشكوى اللى كتبتها كانت فيها ....انى عندى مشكلة فى العربية كذا ...كذا ..كذا وجيت ادخالها التوكيل قالى ادفع 4000ج علشان ادخلها عندى واشوف فيها ايه ومشكلتى فنية وعيب صناعة وعاوز حل وقولولى اعمل ايه وبعت كود العطل ....
الشكوى دى كانت امبارح الساعه 10 مساء .لقيت تليفون من مدير خدمة العملاء على حد كلامه وبسالنى ايه سبب الشكوى اللى بعتها
رديت وقلت انا مش باعت شكوى فيكم انا عندى مشكلة فى عربيتى من اول ما اشتريتها وعاوز اعرف حلها ايه ....رد وقال وايه المشكلة .....حكيتله عن المشكلة بالتفصيل ....قالى حضرتك ممكن تداخلها عندنا بس تدفع مبلغ 4000 قيمة شهاده الصيانة وبعدين نشوف فيها ايه ....قلتله انا عارف الكلام ده من الاول بس انا مش بتكلم عن صيانة عادية انا بتكلم عن عيب صناعه ظهر فى العربية
رد وقال احنا هنا متخصصين وهنعرف المشكلة منين وحتى لو معرفناش بنبعت لكوريا المشكلة وهما بيقولو نعمل ايه .....من هنا لهنا وكلام ملوش لاازمة خلصت المكالمة على انى اروح عندهم وادخل العربية وهما يشوفو فيها ايه بعد ما ادفع مبلغ 4000 ج قيمة شهادة الصيانة وبعد كده لو فى قيمة اصلاح اى شى هدفعه ......
لا جديد وكانت مجرد محاولة واشوف رد كوريا ايه .
طبعا فى استغراب من سرعه الرد والاهتمام بمشكلة العمبل وده فى حد زاته كويس دى نقطة
نقطة تانية انا عندى شك ان الايميلات اللى بنبعتها للشركة الام بتحول اوتوماتك على الوكيل مباشرة من غير حتى ما يبص عليها .
هبعت رسالة تانية النهارده برضه واحكى فيها اللى حصل واشوف كلامى صح ولا غلط .
اسال الله العظيم رب العرش الكريم ان يفرج همك ويزيل كربك في هذه الايام الكريمة
امين
لا تياس هانت اهه
بص حضرتك انا معايا العربية لو حصل فيها حاجة فعلا بكره نفسى زى اى حد فى المنتدى بيحب عربيته جدا
بس انا شايف انك من الاول كنت دفعت المبلغ 4000 واشتريت دماغك من الاختراعات ومن ان كل واحد يألف وخاصة ان دى عربية زيرو
دى حاجة الحاجة التانية انت مش واخد ضمان خليجى من المعرض اللى مشترى منه العربية؟ لو كده فعلا روحلهم بالعربية او اشتكى فى حماية المستهلك
ثالثا ما تجرب انك تبعت المشكلة لشركة كيا نفسها يعنى شوف مهندس من تكنو وان مثلا وخليه يكتبلك المشكلة بالظبط وابعتها وشوف ايه ردهم
وربنا ان شاء الله يسترها معاك دايما
لو كنت اعرف ان الموضوع هيوصل لكده من البداية مكنتش كملت فيه ثم ان المركز اللى معاه مشهور ومعروف جدا بس رجلى اتسحبت ودفعت على اساس ان العطل راح وبعد ما دفعت رجع تانى وهكذا
انا مشتريتش ضمان خليجى للاسف الشديد وغلطة كبيرة بدفع تمنها دلوقتى
اطلع بس فوق شويه هتلاقى الشكوى اللى بعتها والرد
واشكرك لدعمك والله المستعان
لا حول و لا قوة إلا بالله...
انا لسه حالاً شايف الموضوع والله, و ماشوفتش
المواضيع القديمه قبل كده..!!! بس هقرأهم طبعاً
زعلتني جدا جداا جدااا والله يا ابوليلى, و بجد ربنا يكون في عونك...
انا حاسس بيك, و بالمعاناه اللي انت فيها, و اصعب حاجه انك ماتبقاش
عارف عربيتك فيها ايه بالظبط, و هتتصلح ازاي و امتى..!!! شئ صعب
لكن ربنا ان شاء الله معاك, و يوفقك في حل المشكله بشكل جذري و ترتاح
عموماً انا موجود لو محتاج اي حاجه, و دي بجد مش عزومه, و انت عارف
اننا جيران, و انا معاك يا باشا في اي وقت و اي حاجه محتاجها...
ربنا معاك, و يوفقك للخير ان شاء الله...
لا حول ولا قوة الا بالله
ربنا يحللك المشكلة دى على خير
طيب ما كنت تدفع ال 4000 جنية و تعمللها شهادة صيانة و ساعتها العربية حاتتصلح في التوكيل ببلاش ولو ثبت انها عيب صناعه يا يغيروا الفتيس يا يغيروا العربية
انما انت رحت دفعت ال 4000 جنية في مركز مريب و في الاخر مافيش نتيجه
بالمناسبة انا اشك نى مغير بودي فالف للفتيس بجانب شضغل الضفيرة و اصلاح كونترول يونيت
اللي اعرفة حاجتين
ان الكونترول يونيت مابيتصلحش
ولوباظ بيتشال و يتغير مش حايفتحه فني و يديلة لحامات دة مش مكوة
و ان البودي فالف غالي جدا و هو اغلى ما في الفتيس
يعني تمنة مفروض انة لوحدة نظريا يبقى في ال 4000 اللي دفعوهملك
اشك ان المركز دة عمل حاجة اصلا
انت خدت منة البودي فالف اللي تم تغييرة ؟؟
انا سالت مدير صيانة التوكيل مباشرة لو دفعت ال 4000ج فى امكانية انى ادفع تانى فلوس لو حاجه اتغيرات قالى ايوة دى حاجه ودى حاجه .
باقى كلامك انا معه تماما.
بس بسال نفسى سؤال العربية مشيت شهر واسبوع وزى الفل معنى كده ان فى حاجه اتعملت فى العربية .
لان كل مرة العيب بيرجع بعد يومين او تلاتة بالكتير .
لا مأخدتش القديم وهو انا كان فى دماغ لكده وقتها .
يعني ال 4000 ج دول بس علشان يكشفوا عليها
و لو ثبت انة عيب صناعه حايدفعوك تمن فتيس مثلا ؟؟
لا يبقى تبعت للشركه الام فورا ان العربية دي فيها عيب صناعه و ان الوكيل بيستهبل و مش عايز يحل الموضوع و بيطلب بمبالغ فلكية
و اكتبلهم المبالغ علشان يعرفوا انها كتير لان هما اصلا بيبيعوا العربية ب 10000 دولار مثلا
ايوة بالظبط كده هدفع قيمة اى حاجه تتعمل او قطع غيار بلاضافة الى المصنعية + ض مبيعات كمان
بعت شكوى وردها زى ما كتبت كده
على فكرة العيب مش من الفتيس نهائى لان الفتيس لا يشتغل يا اما ميشتغلش وانا العيب اللى عندى بيروح وبيجى مش ثابت ومش موقف العربية بمشى بيها عادى جدا اى نعم انه غلط انى امشى على غيار واحد بس ربنا بيسترها معايا
والله المستعان
ابعتلهم تاني وقولهم انك مش موافق على صيغة الكلام معاك واجبارك على دفع 4000جنيه من قبل ما حد يبص في العربية وبعدين يحملوك تكاليف صيانة عيب صناعة في العربية
والميل حتى لو بيروح للوكيل في مصر مش حاجة وحشة لأن الناس في كوريا بتبص عليه برضه.... وانا عندي طرق تانية انه الميل مايبانش انه جاي من مصر اصلاً زي انك متكتبش بيانات العربية اصلاً او انك تبعت الميل على انه سؤال على حاجة في كوريا وبعدين توجه الكلام لمدير خدمات ما بعد البيع في كوريا
انا لما بعت الميل لشيفروليه انجلترا ردوا عليا بالميل واللي ردت واحدة محترمة جداً وباين في التوقيع بتاع الميل انها انجليزية
هرتلة النقلات في العربيات الاوتوماتيك بتبقى غالبا من البودي فالف
و حصلت معايا في الهوندا قبل كدة و غيرت الفتيس اتحلت
ربنا معاك يا باشا وابعت تاني للوكيل برة وان شاء الله تتحل
انا مش مستوعب حكاية ال 4000 جنية دي لية
طيب ما هو انا مثلا لو وديت عربية برة الضمان التوكيل بيكشفوا عليها و يدوني ريبورت و بيصلحوها بالكامل بدون اي شهادات ضمان او غيرة يبقى اية فايدتها
يعني مثلا انا عربيتي شاريها من اكتر من 3 سنين و طبيعي انها برة الضمان سواء بالمدة او الكيلو متر
و باوديها منصور و بتتصلح و بيتكشف عليها عادي و بملاليم
يعني مثلا دخلتها كشف عالكمبيوتر دفعت 50 جنية باين زائد ضريبة مبيعات حاجة كدة بين ال 50 و ال 100 بالكامل مش متذكر
يعني واحد معاه مازدا موديل 99 مثلا ماهو ممكن يدخلها التوكيل صيانة و اصلاح و كلة و مايدفعش مليم غير تمن الاصلاح و لا شهادة و لا ملحق و لا كراسة
يبقى اية فايدتها طلما ان الضمان مش حايقوم باللازم لو عيب صناعه
ياريت تقول الكلام دة في ايميلك ليهم
ربنا يصبرك يا ابو ليلى ويعوض عليك خير اصبر ان فرجه قريب
وان شاء الله دا تكفير ذنوب
بص ياسيدى انا شايف انك تمشى فى اتجهايين مختلفين
الاول شركة كيا الام نفسها وتسالهم برضه لو فى فريق صيانة بيزور مصر علشان تبقى تحت اشرافهم وتدخل العربية بدون مصاريف لانك لما اشتريت العربية اشتريت اسم كيا وتحاول تقنعهم انك تدخل مجانا او يقللوا المصاريف على الاقل.
الاتجاه التانى أكيد انت معاك فاتورة شراء عربية من المعرض وبالتالى كلم حماية المستهلك واحكيلهم بالتفصيل الملل او تروحلهم وده الافضل طبعا وتتكلم معاهم وتاخد معاك كل الاوراق
وانا واثق ان اكيد فى حلل بس طبعا حضرتك قول دايما الحمدلله وعليك بكثرة الاستغفار
والله انا زعلان زيك تماما ومن امبارح بفكر فى المشكلة دى ونفسى اساعدك بس مش عارف ازاى؟ بجد لو احتاجت اى مساعدة احنا كلنا هنا اخوات وتحت ارك فى اى وقت
توكيل كيا بيعمل دلوقتى ضمان للسيارات الخليجى مش بس صيانة بس لسه هيعلنوا عنه بعد العيد
ممكن اكواد الاعطال اللى عندك يا وائل
الجزء الاول
عدى العيد وكل سنة وانتم طيبن ورحت لمركز ابناء صبحى سند على الاتفاق اللى تم بنا قبل العيد .
يابشمهندس العيب رجع تانى .....رد وقال انت اللى جابك النهارده الناس كلها اجازة وهترجع على يوم الخميس المفروض كنت تتصل فبل ماتيجى ...؟؟
قلته اتصلت وانت رديت عليا وقلت بعد العيد ودينى جيت على حسب الاتفاق ثم انا كل ده والعربية ماشى بيها على التالت بقالى اسبوع الاول كانت بتروح وبتيجى دلوقتى ثابتة على كده .
قال ..وانا اعمل ايه الناس لسه فى اجازة خد عربيتك ورح وتعالى يوم الخميس
هنا فقدت اعصابى وصوتى على ....قلته يعنى ايه انا دافع 4000ج علشان تقلى انا اعمل ايه شفلى العربية فيها ايه اتصرف .....قالى ...انت غسلت العربية ولا جيت جنب دفيره الكهرباء ...
قلته ابدا ولا فتحت الكبوت من ساعتها وبنرفزة فتحت الكبوت قلتله اتفضل شوف ( العربية كلها تراب ) قلى طيب دخل العربية واخد المفتاح وجه واحد داخلها جوه .
الجزء التانى ..
.جه ابنه شخص محترم وهو اللى كان متابع عربيتى من البداية وجاب الجهاز وبيكشف على العربية قلته هتلقيها مدايك الكود p0748 وفعلا لقى نفس الكود .قلته والحل قلى احنا عملنا كذا وكذا قلته عارف كل ده لانى دفعت حقهم واتفضل الفواتير ....من هنا لهنا وصلنا ان الكنترول يونت لاازم يتغير لان كل حاجه اتعملت قلته انا عارف من البداية وانا جيت هنا علشان ااكد المعلومة دى مش اكتر . وبدانا من اول السطر فى المشكلة وكل ده وانا بدفع فلوس ....رغى كتير كتير والاخر ان فعلا العربية فيها مشاكل ومقاومة ضربه وفيوز ايه وسلك سايح وكذا وكذا وكذا .
احنا دلوقتى عندنا عربية سيراتو جابت توتال وفيها كنترول زى عربيتك هنجرب عليها ونشوف قلته وبعدين وبسؤل مباشر ...لو لقينا الكنترول ده بتعها والعربية بقت تمام هدفع تانى فلوس ...؟
قال اكيد وبرضه من هنا لهنا مفيش فايده هدفع يعنى هدفع وقلى تعالى يوم الجمعه نشوف الموضوع ده ..
قلته انا لا هاجى ولا اروح والفلوس دى انا مش مسامح فيها وعوضى على الله .
قلى ليه بس احنا فعلا عملنا فيها شغل كتير حوالى شهر قلته كل اللى اتعمل هنا ده انا عملته بره من غير ما ادفع مليم ( احمد الشحات مدير مركز تكنو وان والناس اللى معانا يومها تشهد بعد ما كشف على العربية وجرب كل حاجه قالى محتاجه كنترول يونت لو تفتكرو )
قلته مافيش فايده من الكلام خرجلى العربية قلى لو مشيت بيها كده غلط ...ضحكت وقلته انا بقالى 4 شهور ماشى بيها كده .
ومشيت وانا عارف من البداية ان المشوار مش هيجب همه والحمد لله وقدر الله وما شاء فعل ..
الجزء الثالث .
فى خطوات تانية هعملها لانى كنت محضر نفسى من قبلها فى مكان تانى لو تفتكرو فى الموضوع اللى كتبته اول مرة عن المهندس ( الهامى ) اللى فى الحرفيين اللى بيصلح الكنترول يونت .
كلمته وقالى تعالى يوم الخميس جيلى شويه كنترولات نيو سيراتو ونجرب ونشوف ...والسعر ..قلى بس نشوف الاول وبعدين نتكلم ومش هيزيد عن 4000 ج من وجه نظرى بشغل الكهربه .
قدر الله وما شاء فعل .
ربنا معاك
لا حول ولا قوة الا بالله
أبو ليلى أنا عارف اللى انت فيه دلوقتى والخنقة اللى أكيد مسيطرة عليك
بس معلش قدر الله وما شاء فعل
بس انا مش معاك فى انك تسيب حقك عند ال..... اللى صلحلك العربية
أنا مقدر نرفزتك وعصبيتك بس لو انا مكانك فى الموقف ده
هشوف كام واحد لبط بتوع الصوت العالى وقلة الأدب بمعنى أصح بلطجية بس على مستوى شوية
وهروحله ويايصلحوها من غير ما أدفع تانى يا هدغدغ الورشة فوق دماغهم
المهم
شوف كده هتوصل لإيه ولو محتاج اى حاجة من بورسعيد أو تسأل على أى حاجة كلمنى ومتترددش
وربنا معاك ويقويك
ربنا يكرمك ويقويك يا ابو ليلى
المصدر
OBD-II Check Engine Light Trouble Codes
الفائدة
اكواد الاعطال للسيارات للماركات عامة
الكود بتاعك
P0748 Pressure Control Solenoid Electrical
ده معناه وياريت حد ياكد
ان فيه مشكلة فى الصمام ده متعلقة بالدايرة الكهربية فيه
الصمام ده جزئين
كهربى بيتحكم فى عمل الجزء الميكانيكى
الهدف منه انه بينظم الضغط للسائل اللى بينظمه
....................
الكلام الاتى من منتدى اجنبى
Error code p0748 came visiting today - Subaru Outback - Subaru Outback Forums
بس العربية سوبارو
هنقول ايه هنا
العطل فى الصمام نفسه وده ممكن يكونموجود جوة الفتيس او سؤ تركيب للفيش والموصلات اللى فى الفتيس او الصمام
Steady AT Oil Temp warning light means "overheating". Flashing light means a problem identified by the transmission control module on-board diagnostics.
P0748 indicates that the transmission control module diagnostic system is detecting either a short or an open circuit between the module and pressure control solenoid "A". While this could be a problem in the solenoid itself, which is inside the transmission, it could also be as simple as a bad contact in one of the pins of the wiring harness connector going to the transmission. This could be checked simply by removing and reconnecting the connector.
(Note: After trying this, drive the car to see if the problem itself has disappeared. Don't depend on the warning lights. The lights might stay on for several driving cycles even though the problem has been corrected. Your scangauge might be able to clear the codes earlier if the problem has been resolved.)
السلام عليكم
اخي الكريم ابو ليلي ( قدر الله وما شاء فعل ) لعله خير ان شاء الله .
قال تعالى : ( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ ) ...
( إنَّ عِظم الجزاء مع عظم البلاء ، وإنَّ الله عز وجل إذا أحب قوماً ابتلاهم ، فمن رضي فله الرضا ، ومن سخط فله السخط )
قال رسول الله صلى الله عليه وسلم ( ما من مسلم تصيبه مصيبة فيقول ما أمره الله " إنا لله وإنا إليه راجعون ، اللهم أجرني في مصيبتي وأخلف لي خيراً منها " إلا أخلف الله له خيراً منها )
ارجو في النهاية ان يفيدك هذا الرابط
Most Error Codes - Kia Forum
Streetkiaz.com - Forum - 2nd Gen Sephia / Mentor 1998-2001 Tuning - Engine codes p0343 and p0101
post_id=238553
اخوك
ماجد
السيد المحترم أبو ليلى ... كان الله فى عونك و انا مقدر جدا اللى حضرتك فيه بجد
بس عاوز أقول حاجة ... واضع من الكود ده P0748 Pressure Control Solenoid Valve A - Electrical إنه المشكلة فى حاجة اسمها Electrical Solenoid Valve A و متهيألى ده هو الصمام اللى غيروه لحضرتك فى مركز الصيانة ... بدليل إن العربية مشيت مع حضرتك شهر و اسبوع من غير أى مشاكل ... يبقى إذن المشكلة كانت فى الأساس من حاجة تانية هى اللى بوظت الصمام ده و لما حضرتك غيرت الصمام ... العربية قعدت فترة كويسة و بعد كدة لنفس السبب المجهول باظ الصمام ده تانى و خلى العربية ماشية على ال Safe Mode "Gear 3"
إذن المشكلة فى الأساس هى إن جهاز تشخيص الأعطال اكتشف مشكلة الصمام و لم يكتشف السبب الأصلى اللى بوظ الصمام ده ... بس بم إن المشكلة فى الأساس كهربائية مش ميكانيكية بدليل إن الصمام ده "كهربائى Electrical" مش ميكانيكى ... قد يكون الكونترول يونت أو أى حاجة تانية .... حاول حضرتك تخلى الفنى بتاع الجهاز إنه يدور عن المشكلة فى مكان تانى ... و تذكر حضرتك إن السيراتو ليها فيشتين Diagnostic واحدة تحت التابلوه من جوة جنب علبة الفيوزات و التانية فى الكبوت على اليمين فوق... لأن اللى فهمته عن تشخيص الأعطال بعد ما لفيت لفة فى النت إنه ممكن المشكلة متظهرش فى حتة و تظهر فى حتة تانية بشكل تانى ...ربنا يعوض فى اللى اتصرف و بإذن الله الرد اللى جاى أكون بنهنيك بإصلاح المشكلة اللى انا كمان بقالى- يمكن من أول ما ظهرت عند حضرتك - متجنن و عاوز أعرف إيه السبب فيها و بجد قلبى معاك
تقبل مرورى و اعذرنى لو كنت مش بفهم أوى فى هذا النوع من الأعطال بس انا بحاول أترجم لحضرتك اللى فهمته يمكن ده يوصلك لحل
السلام ختام