عفـــشة 128

**Drhsiham_eg2004** · 11-03-2008 06:53 PM

السلام عليكم :)
الحقووووووونى :D:D انا ما صدقت لقيت ناس بتفهم :D
انا معايا 128.. ايطالى هى ... بس 1976 1100CC
أنا ماشى من غير عفشه بقالى شهور
رحت لبتاع زوايا و عفشجى و الأتنين قالولى نفس الكلام
قالولى انتا محتاج 4 مساعدين و مقصين قدام و طقم جلب مساعدين ورا و العربيه محتاجه تتعلى من ورا

مأســــاه .. قدام ... انا محمل على السوست و الياي
طبعا بتاع الزوايا قاللى أظبطلك زوايا ازاى كده و العفشجى سألنى على الستابيليتى
قلتله أول ما أوصل 100 بتبدأ العربيه تترجرج تحت رجلى قبل كده عادى بس طبعا أى حاجه صغيره فى الأرض بتلزقنى فى سقف العربيه .. قالى مادام ثابته معاك فى الرينج اللى بتستعملها فيه خلاص متغيرش عفشه !!!!!!!

المهم اللى أنا عايز أعرفه بقى
اتقالى على 800 نوع مساعدين
اللى يقوللى الألكون الأسبانى زيت على هوا
و اللى يقوللى البولندى زيت على هوا برده ده اللى بيعيش و اياك من الأسبانى
و ناس قالولى مادام عفشه... يبقى ألماااااااااانى وش
و ناس قالولى اياااك تجيب الزيت على هوا... هات زيت بس و انساه

وانا مش عارف أى حاجه فى أى حاجه

فبعد اذنكوا هتعبكوا ... عاوز أعرف رأيكوا... اجيب ايه و لا أعمل ايه
ايه الأحسن و الأسعار ايه و منين
فى المساعدين و كمان المقصات

و معلش كمان ... أعرف ازاى علبة الدركسيون عايزه تتغير خالص ولا عايزه حشو بس :(
لحسن انا عندى بتزيأ و بتطأطأ و بتكلبش لوحدها و حاجات مريبه :((

صدعتكوا اسف

**SEATLOVER** · 11-03-2008 07:11 PM

بص يا سيدى الموضوع بسيط إن شاء الله
لو انت بتحب العربية دى و عايز تستمر فيها و شايف انها مريحاك و مفيهاش مشاكل غير دى اعمل الاتى
1-غير المساعدين الاربعة ب مساعدين (اسبانى )
2-شيك على الكبالن بالمرة قبل المساعدين لو مفيش طقطقة ورجة جامدة مفيش مشكلة
2- هات مقصين و جلب (اللمانى )
3- شد القنطرة اللى ورا و زودها بشريحة او اتنين (عشان الرفع )
4-بعد كدة اظبط زوايا و رصص

بالنسبة لعلبة الدركسيون لو فى كلبشة جامدة و العربية ماشية و سخنة ..غير علبة على طول احسن و اضمن .

**Xpert** · 11-03-2008 07:17 PM

هات مساعدين مونرو ... و حاول توصل لدرش ملك الزوايا بتاعنا شوفه ..

**hazem_khidr** · 11-03-2008 07:52 PM

هات مساعدين مونرو ... و حاول توصل لدرش ملك الزوايا بتاعنا شوفه ..

بالضبط المونرو احسن حل و ما تسمعش كلام اللي يقولك طالما العربيه ثابته معاك يبقي تسيبها ما تعملش شغل دا ما بيفهمش.
المساعدين الاماميه بالذات لو وحشه الشاسيه حيفتح و ال 128 ما بتصدق:)
المقصات تجيبها الماني و الجلب والكاوتش و كده هات انضف حاجه و شوف بلي الفتيس بالمره.
الكبالن شوفها لو وحشه غيرها لو كويسه غير الكاوتش بتاعها و شحمها كويس.

**Nader** · 11-03-2008 08:49 PM

لو مظبطش عافشة الـ128 هتبهدلك وفعلاً لو المساعدين الامامي تعبان الحوض هيفتح.

اهم حاجة استنضف المساعدين.

شوف المساعدين الغاز والزيت دول للاداء الشاق الرياضي بيثبتوا العربية جامد بس

ناشفين شوية. الغاز بس اريح واصلاً ال128 بعد الـ100 بتبقى نعش طائر فمش

هتحتاج الغاز.

**sab3aawy** · 15-03-2008 06:26 PM

المساعدين المونرو صناعة بلجيكى ، لكن بالنسبة للسيارات الأوروبى هى افضل اختيار من وحهة نظر الثبات
لكن من وجهة نظر النعومة عندك المساعدين المايلى الألمانى ، فحسب احتياجك ثبات او نعومة

المساعدين الأسبانى كويسين برضه لكن مش معمرين زى المايلى والمونرو(المونرو فيه ناس عملت بيهم 150 ألف كيلومتر فى بلدنا المكسرة وهو بحالتهم)

المقصات تجيب كنترول او مايلى المانى او اوكاب ايطالى ومثلهم بارات الديريكسيون

علبة الدريكسيون لو محتاجها تجيب اوكاب ايطالى (بس اتأكد انها اصلى)

الكبالن ألمانى

شيك على جلب المقصات الخلفية ، لو المقصات سليمة هات طقم جلب ولو المقصات تعبانة هات مقص كامل

لازم تضبط زوايا قدام وورا وتظبط ريجلاش علبة الديريكسيون على الشعرة اللى تخليها لا تخبط معاك ولا تبقى تقيلة فى إيدك

لازم بعد ما تركب العفشة يكون خط العتب السفلى للسيارة موازى للأرض ، العربية لا تكون مكفية لقدام ولا مدلوقة من ورا،

لازم العجل الأمامى والخلفى يكون رأسى تماما، لو ملموم او مفرشح لازم بتاع الزوايا بضبطهولك برزجينة علشان يكون رأسى تماما

**Drhsiham_eg2004** · 17-03-2008 09:28 PM

أنا بجد مش عارف أشكركم ازاى كلكم :)

الموضوع: عفـــشة 128

LinkBack

أدوات الموضوع

عرض

-

-

الكلمات الدلالية لهذا الموضوع

المفضلات

المفضلات

ضوابط المشاركة