انا عندى البطارية باظت ومش لاقى زى اللى راكبة فيها (varta) ومش عارف اجيب نوع ايه اللى يبقى كويس يا ريت حد يفيدنى وجازاكم الله خيرا واجيب 70 امبير ولا 55 زى اللى فيها
عرض للطباعة
انا عندى البطارية باظت ومش لاقى زى اللى راكبة فيها (varta) ومش عارف اجيب نوع ايه اللى يبقى كويس يا ريت حد يفيدنى وجازاكم الله خيرا واجيب 70 امبير ولا 55 زى اللى فيها
مفيش فارتا في السوق؟ ده انا داخل اقولك نفذ في الفارتا وش
طب اي سي ديلكو بقى بس برضه جافة
انا شاري بطاريه ممتازه في الشاهين
الحمد لله من 2006 تعمل بكفائه حتي الان
البطاريه جافه وكوري
من المهندسين شارع البطل احمد عبد العزيز
وان احتجت بطاريه مش ها جيب غيرها
المحل وكيل ومستورد لهذا النوع علي ماظن وكان ضمان سنتين
لو مؤيد ليها ارسل لي علي الخاص
فعلا فارتا 55 امبير ناقصة و غير متوفرة حاليا . الموجود اما اى سى دلكو او فى نوع تركى و دا نصحونى بية و جبتة ب 460 جنية و الحمد لله شغالة بقالها شهرين كويس على فكرة انا جبت البطارية التركى من توكيل فارتا فى فيصل الحاج ممدوح .
و لية عاوز تحط 70 ؟؟ انت عندك استهلاكات و تحميل كتير ؟؟
انا من اسبوعين جبت ac delco من سمير بيومي ميدان الدقي 55 امبير ب 250 جنيه طبعا مع القديمة
طب هو انا ممكن اسأل سؤال؟ انا دايماً كده كده بجيب 70 على أساس اني كتير بشغل الكاسيت والعربية مبطلة و بركب اكسسوار كتير في العربية ودايماً ببقى سايب حاجة بتتشحن في الولاعة (موبايل - اي بود - الخ) فهل ساعتها البطارية ال70 قرار حكيم؟
بعد اذن صاحب الموضوع طبعاً اهم المعلومة لينا كلنا طبعاً
الفكره في الفرق بين الـ 70 امبير والـ 55 امبير بشكل مبسط , هو كميه الطاقه المخزونه داخل البطاريه واللازمه لتشغيل المارش لبدء عمل المحرك
وطالما عربيتك في الدواره او مع المارش مفهاش احمال كهربيه كبيره فالبطاريه ال 55 امبير مناسبه
لكن لو في احمال كهربيه كتير عند بدايه التدوير فهتحتاج طاقه اكبر والبطاريه الـ 70 امبير هتكون مناسبه اكتر
واعتقد عشان كده بتلاقي العربيات النقل والشاحنات الكبيره شغاله على بطارييتن او اكتر متوصلين ببعضهم , وطبعا ساعات على بطاريه واحده بس كبيره جدا
طبعا انا بقول الكلام ده بطريقه مبسطه وعلى حسب ما افهم , لكن الكلام العلمى والدقيق ممكن حد من الاخوه الافاضل يوضحهولنا بشكل منسق اكتر :-)
موضوع 55 و لا 70 امبير كمان يتوقف على حاجة مهمة . هل صاحب السيارة بيخرج بس بالليل و لا الصبح و بالليل ؟؟ لانة لو بيخرج بالليل بس و عندة اكسسوارات زى ما بيقول و بيسبها شغالة و ضيف على كدة كمان الاضواء و نور الفرامل المستمر فحتى ال 70 امبير هتموت منة ما بالك بال 55 . و بعدين استهلاك البطارية بالمنظر دا يضعف البطارية و يقصر عمرها عكس بطاريات الموبايل او اللاب توب . لان الشرائح الداخلية للبطارية بتضعف و يحصل فيها تاكل و فى النهاية ربع و لا ربعين . الخلاصة لازم يبقى فى توازن بين الاستهلاك و الشحن سواء 70 و لا 55 و كل واحد عارف اية اللى حاطة فى العربية