الموضوع: صور الشمس صبيحة ايام العشر الاواخر من رمضان (متجدد)

المشاركة الأصلية كتبت بواسطة dr ahmed

تحرى ليلة القدر بيرفع الهمم مش بيقللها
وزى ما انت شايفين كلها ظنون ويبقى الاجتهاد هو الهدف
والأفضل خاصة للعامة أنهم يعرفوا أنها مش حكر على ليلة 27 زى ما الناس بنشوفها مالية المساجد ليلة 27 وما قبلها وما بعدها لا نجدهم

انا متفق معاك تماما فى ان لازم الناس تفهم انها مش 27 (على فكرة الناس العادية كمان بتفتكر انها 27 باليل مش 26 بالليل)

لكن حضرتك وناس كتير بنحاول نجتهد اكتر بكتير فى العشر الاواخر اكتر من الايام العادية فى رمضان

وفى ناس بتسهر وتتهجد املا فى انها تصل لليلة القدر..لكن يا ترى اجتهادهم حيبقى بنفس الدرجة لو شافوا صورة زى اللى حضرتك نشرتها (انا حتكلم على نفسي حسيت ان هى فعلا وللاسف شوفتها بعد معدت وبقيت اكسل مش زى الاول) واكيد فى زى كتير

وهو ده الحكمة من اخفائها لكى يجتهد الجميع فى العبادة ولا يتكاسلوا

طيب سواء كانت الصور دى صح او الصورة الاولانية هى الاصح استفدت ايه؟ مفيش اى فايدة لان مفيش انسان طبيعى حيعرف ان ليلة القدر عدت وحيبذل نفس المجهود فى العبادة (والا كان اجتهد من اول رمضان بنفس القدر)

لكن من الناحية التانية السلبيات المترتبة على نشر الصور اكتر (حتى لو كانوا نسبة قليلة حتتاثر سلبا)

فانا كان راى اننا نصور وكل حاجة بس مننشر ش الصور ولا نتناقش الا اخر يوم فى رمضان

والله اعلم

الحقيقه انه انا راقبت الموضوع من اةل العشر الاواخر
وحتى الآن انا متأكد انها كانت ليلة ال 25
في يوم 25 اشرقت الشمس مكسورة وملهاش حراره اطلاقا والجو كان فيه ندى ومع ذلك مفيش رطوبه عاليه
وكمان كانت ليله هادئه جدا
منطقتي مليئه بالكلاب وفي اليوم ده مكنش في ولا كلب ولا اصوات مزعجه
كان يوم ملئ بالتسامح

والله اعلم

تحياتي

والله اعلي و أعلم فعلا انا حسيت جامد جدا انها كانت ليلة 25 مش عارف ليه بس فعلا انا اليوم ده من ساعة ما صحيته الصبح وحاسس ان الدنيا جميلة .. ورايقة والجو جمييييييييييل سبحان الله وموضوع النباح ده برضو ملاحظه بس من اول العشر الاواخر ... انما فعلا انا حسيت انها كانت يوم 25

عموما حتي لو كانت 25 الايام دي كلها بركة اعظمهم ليلة القدر لكن الباقي برضو فيه خير ونفحات وبركات
اللهم ارفع مقتك وغضبك عنا
اللهم ارحمنا فوق الارض وتحت الارض ويوم العرض عليك
اللهم اغفر ذنوبنا واستر عيومبنا وبلغنا رمضان اعواما عديدة وازمنة بعيدة يا رب العالمين
تحياتي

يارب تكون ليلة القدر