الموضوع: عايز حد يصلح كاسيت بايونير

روح لامبير في عباس العقاد كويس و مجبره قبل كده
كويس اوييي

متشكر يا جماعة لمشاركتكم..

المشاركة الأصلية كتبت بواسطة halimo

عندىكاسيت بايونير عايز اصلحة حد عندة فكرة مين يصلحة هو محتاج ترس لان فى ترس اتاكل وانا وديتة لاكتر من واحد قالولى محتاج ترس مش متوفر بسهولة والتوكيل قالولى حنبعت نستورد ترس من اليابان اما التكلفة من اول 150ج وانت طالع حد عندة فكرة مين يصلحة ويكون فاهم لانة بايونير يابانى مو KEH-P7455SW centrat اشتريتة سنة 99
مزود بجهاز انذار وريموت طبعا بس فى الحقيقة هو عدة جامدة جدا ومستخسرة!!!!!!!

صديقي العزيز

انا هدييك خبرة تجارب كتيرة في مجال التصليح و انت ليك القرار بعد كده
جبت انا و اصحابي كاسيتات ياما و كنت جايب السي دي بلاير قبل ما الwriter ينزل مصر يعني بالمختصر المفيد عندي خبرة معدية في المجال ده
و لما كان جهاز يموت من حد فينا و يحتاج تصليح حاجة زي ترس متآكل او تغير مجموعة تروس يبقى اعرف ان الجهاز متجه الى صفيحة الزبالة بخطى ثابتة و عملية تصليحه ما هي الا نوع من العبث لا معنى له بتاتا كأنك بتنعش مريض متوفي اكلينيكيا و على رأي سمير غانم في المتزوجون :"اظبط البنطلون....الجاكيتة تضرب" :D
و كونه صامد معاك من 99 لغاية دلوقتي يبقى كتر كتر كتر خيره يا راجل يا مفتري ده اتخن واحد قعد5سنين و لو صلحته هتقع في مشاكل تانية ....مش بفول عليك لأ بس دي حقيقة للأسف
و ساعتها هتقول لنفسك : يارتني كنت جبت جديد"

و انا عارف ان حاجة زمان لايمكن تتعوض كجودة و عمر طويل و لكن التطور هيخلي ارخص سي دي بلاير معاصر يديك اداء افضل 100مرة من جهازك القديم
و نصيحة......متوجعش قلبك معاه
عارف لو طقم سيور؟ كنت اقولك ماشي لكن تآكل ترس دي معناها ان الميكانيزم الداخلي في طريقه للهلاك

يا عم احمد انا بصلحة علشان ابيعة واجيب جديد ان شاء الله البايونير الجديد بس صعبان عليا ارمية فى صفيحة الزبالة فعايز ابيع حاجة شغالة ، ومتشكر جدا لنصيحتك الغالية.