بس تنكر ان السيينا ال 1400 وال 1600 كانوا وحوش وصباح الحرق.. بجد بحث ان العربيات الفيات دى بتحب الحرق ماكنتش باعرف اسوق براحه ابدا
عرض للطباعة
بس تنكر ان السيينا ال 1400 وال 1600 كانوا وحوش وصباح الحرق.. بجد بحث ان العربيات الفيات دى بتحب الحرق ماكنتش باعرف اسوق براحه ابدا
هو انت بتمشى فى المهندسين الصبح كدة بتعدى من البطل احمد عبد العزيز وعربيتك على الشنطه فيه صورة قنبله سودة كدة ولا مش انت؟؟
انت من حلوان؟؟؟
انا ساكن فى مدينه 15مايو على فكرة
عارفها طبعا انا كنت بروح هناك كتير من اربع سنين كدة كنت بقابل واحدة صاحبتى هناك دايما..
قبل كدة العربيه عملتها معايا هناك وكان منظرى زباله.. كنت راكن مش كويس فى الشارع وواقف جنب العربيه بتكلم مع واحدة فاقلت اركن عدل رحت ادور العربيه لقيتها مش راضيه تدور خالص ولا حتى العداد بتاع الحرارة والبنزين بيقوم.. قلت اكيد قواطيش البطاريه قعدت اخبط ولا الهوا وكان يوم حد وحر جدا.. قعدنا نزق وكان منظرى حقير وسط الناس فى الكليه عشان زى مانت عارف الشارع ديق قوى ومتروس ناس بس ولا الهوا مرضتش تدور ابدا.. رحت شلت البطاريه وحتى ماكانش معايا فلوس كتير وقتها:L_bhuhhh[1]: رحت شلت البطاريه على قلبى ومشيت كتير ومفيش تاكسى واحد راضى يعبرنى وطبعا العربيه الازاز مفتوح وموقف 2 جنبها امان ورحت على الكهربائى معرفش ازاى لقيته فاتح يوم الاحد بس كشف عليها قاللى انها انتهت بمعنى الكلمه.. قلت له طب اعمل ايه انا عاوز اروح بس قاللى اتصرف بقى..
المهم واقف على الشارع والدنيا حرررررررر وبحاول اوقف تاكسى لقيت واحد وقفلى وقاللى اركب ولا انا اعرفه ولا حاجه رحت ركبت وصلنى وشال بطاريته وحطها عندى العربيه دارت انا ساعتها كنت هاتحزم وارقص خدت العربيه وطرت..
بعد كام يوم كدة رحت هناك تانى كنت راجع من المعادى ورحت على هندسه حلوان ووانا واقف كدة سمعت صوت فسسسسسسسسسسسسسسسسسسسسسس بابص على الكاوتش لقيت فيه مسمار اساسا ماينفعش يدخل فى كاوتش عربيه تخين جدا ومالوش سن اصلا.. بصيت على الكاوتش وبصيت على اللى واقفه معايا.. رحت غيرت الكاوتش وقلتلها انتى فقر ووالله مانا جاى هنا تانى :H_angry[1]:..
اظن من ساعتها شفتها مرتين صدفه او مرة :C_laugh[1]: وبعيد عن الجامعه خالص..
ههههههههههههه معلش بقى وتخيل أنا كنت بدب المشوار ده ب128 مو77 وتخيل براحتك كميه المواقف الي حصلت
منهم مره جابت مستر فرامل قدام الكليه ورجعت من هناك لحد مصر الجديدة على الدائري بفرمل بالهاند!!!! وسرعتي حوالين ال90!!!!
هههههههه عارف الاحساس الحقير دة كان معايا لادا زمان وكانت عربيه زباله بمعنى الكلمه جابت قبل كدة سرفو وكنت ماشى من غير فرامل... احساس حقير