يا جماعة انا هتجنن ازاي افتح التربو على الاخر
عرض للطباعة
يا جماعة انا هتجنن ازاي افتح التربو على الاخر
مش فاهم وضح سؤالك بس عايز تفتري جيب أخر الدواسه (بس إمسك الدركسيون كويس)
دوس بنزين على الاخر :)
بس بلاش تزود عن 6000 ار بي ام
دوس بنزين علي الاخر وطير يا معلم
اصل في عربيات عشان تطلع كل اللي جواها تدوس للنص و بعدين تلبسها في الارض.
اصل انا شديت مع نيو اكسنت قبل صيانة ال 10000 و ثبت معايا لحد 120 هو اى نعم عربيته وزنها اقل من طن بس بردو واللا اه
يا باشا ده قدامي
كنا رايحين الأوتو كروس انا و يوكو و هيونداي جيتز مركب فلتر و علبة و مجنط (عربية عالية يعني ) و الجيتز بقي اهي 1600 في اللعبة ديه
والله اول ما الأشارة فتحت الجيتز لسة بيحرق راح يوكو اول في تاني اصلا معرفش الجيتز راحت فين
جايب اخره و احنا تقريبا بقينا في نص الأوتوستراد و ده لسة في اوله! و عمال يبعد في المراية كمان :whtauwant:
اللينيا لو فتحت مفيش حاجة تسد معاها اقل من البي ام دبليو
يا جماعة من غير زعل... ممكن بس اقولكو انه التربو اللي في اللينيا ده كل لازمته انه يعوض انه العربية 1400 مش 1600 عالوزن ده؟ يعني لو عربية 1600 خفيلفة شوية او هفية شويه ممكن تثبت مع اللينيا عادي
يا باشا
حضرتك جربت تعد في واحدة ؟؟؟؟ جرب كده و ارجع قوللي حسيت بأيه
لو علشان يعوض ال200 سي سي دول كانت هتبقي 120 حصان و عزم 206 نيوتن ؟؟ و الكلام ده الموتور و هو في العربية مش الموتور بس زي ماركات تانية للأسف
و بعدين اذا كنت انا لسة بقول مقطعين جيتز tuned مش stock ( مش ديه صغيرة برده عال1600 و التعديلات ) ده غير الباقي و غير اللي يوكو بيعمله ما شاء الله
لأ كلامك صح في السرعة القصوى بس لكن في التسارع لأ لإن العزم 200 نيوتن وللعلم الbmw 318 عزمها 180 فقط
وال320 عومها 210 يعني التربو بيديك تسارع ال2000 سي سي وأكبر دليل إن اللينيا موتورها ال2000 سي سي المش تربو من 0-100 في 9 ثواني وكسر وال1400 التربو في 9 ثواني صافي لإختلاف الوزن
هاتلي عربية 1600 منغير تربو تسد معاها لو حتى بالارقام أو في الواقع ال لينيا تكسب علشان زي الناس ماقالوا العزم بتاعها
يا جماعة دي آخر مرة حد يتكلم على موتور اللينيا بعد اذنكم اتكلموا على على أي حاجة تانية فيها براحتكم انما الموتور دي نقطة محسومة ومفيهاش كلام
انا اسف مش خدت بالى ان الرجالة قامت بالواجب و ردت :)
السيفيك والكورولا mmt اللى هما يعتبروا أقوى مواتير 1600 بأقطعهم وأرقصهم وبعدين أستناهم تانى وارقصهم إنتوا بتتكلوموا فى إيه بس واللى عايز يجرب معايا أن موجود (جراند بونتو تى جيت 120)
لأ فيه 1600 ومعدين ال120 هورس باور كمان بس أنت مش واخد بالك
وحكايه نت و جروس قتلت بحثا
أحمد بأمانه ربنا ياسر مسدش معاك فى أول مقابله
ولا الراجل كداب :)
بالهداوه يا جدعان عزم اللينيا يطلعها من الثبات وعلى السرعات القليله من أجدعها عربيه
بس بعد كدا الروس هتتساوى
أه حاجة أخيره ال 2000 سي سي بتاعتها من 0-100 في 10.2 ثانيه مش 9 وكسر حتى!!!!
يعني التربو بتاعتها أعفى من ال2000 سي سي!!!
والي مش مصدق يسأل الناس الي راحت مقابله فايد ويسألهم كنت بسيبهم يشدوا مع بعض وأبقى أخر واحد واشد أجيبهم كلهم!!! بما فيهم النيسان والتيدا (الي إتنين 1600 والنيسان موتورها عفي) وكمان كان فيه مرسيدس قديم وإبيزا قديمة وعربيات كتير!!!
وبطلع من ال316 وال318 على كل السرعات ومن ال320 لحد ال160!!!
وكمان طلعت من الباسات الtsi!!!
وقولوا أي حاجة على اللينيا معادا الموتور لإن مفيش 2 يختلفوا عليه!
ويا ريت الموضوع بتاع الموتور ده يتقفل عشان ملوش لازمة لإن مينفعش حد يتكلم من غير ما يجرب ولا يشوف الي كان بيشد معايا ب320 وفتح بقة وحضن الدركسيون عشان يشوف مين العربيه الي كان بيشد ومرة واحده طلع وراه وطلع منه
فعلا سد شويه وبعد كده طلعت منه وأكتر من مرة! وهو طبعا مبيكدبش بس إسأله لما الطريق فتح عملت إيه (فرق مني مرتين في غرز بعد ال160 وجبته وطلعت منه!!!) بس أنا كنت قايله إن العربيه مش ظابطه زوايا فكنت بخاف أكل غرز ومع كل فرمله العجل يصفر بطريقة غريبه!!! فكنت مقلق منها ساعتها
وممكن نجرب تاني لو تحب
أما موضوع على السرعات العاليه بتتساوى الروس فعلا لكن بعد ال160 لكن الفرق الي بتاخده تحت ال160 بيبقى صعب يتعوض على السرعات العاليه (يعني بتقفل عدادك قبل ما هو يعرف يقرب منك حتى)
ده غير إني لما شديت مع ياسر كان معظمة فوق ال160 فكانت الروس خلاص إتساوت
فعلا وعشان كده ال320 بتطلع بعد مده (بعد ال160) مع إن العزم واحد بس هو عزمة بيطلع متأخر عني لكن أنا عندي التربو بيضعف تأثيره بعد ال4500 rpm على عكس الإصدار ال150 حصان!!!
ومفيش زعل يا نورمال بس أنا مبحبش الناس الي داخلة تقول أي كلمتين وخلاص ومقتنعين إن أي عربيه 1600 ممكن تسد معاها!!!
ده أنا جربت مع فرنا أكتر من مرة وكل مره بزعله جامد (كل السرعات) مع إنه بيزعل كل العربيات ال1600 الي في البلد على السرعات الواطيه!!!
يبقى لما الناس تتكلم تتكلم بالعقل وبالأرقام أو بالجربة وأكتر من مرة مع نفش العربيه وسواق مختلف!!!
يعني أنا مرة لانوس شد معايا لحد ال140 (مكنتش بشد قوي نص الدواسه) وبعد كده سبته بمزاجي (مكنتش عاوز أجري) هل يطلع يقول إنه قطعني وغن اللانوس موتوها أقوى من اللينيا!!!
ولا من يومين شديت مع فرنا في الأتوستراد وبعد ما فرقت عنه 200 متر على الأقل إديت إنتظار وإستنيته قام جي طاير من جنبي وشاتم وجري وأنا مجرتش وراه يقول إن هو قطعني (في حاجة إسمها عقل)
أنا نفسي أسوق اللينيا عشان تعرف الفرق
حاجة كمان مفيش عربيه أقل من 2000 سي سي ممكن تجبني بعد ال160 عن تجربة مع عربيات كتييييير
ويوم مقابله فايد إستاذ بشوي (صني) وأستاذ أحمد tv (تيدا) خلتهم يقفلوا عداداتهم وطلعت منهم وأنا فاتح التكيف!!!
طب يوكو لما يكون فى مقابلة .... ابعتلى ع الخاص ;)))))
انتم فاهميين طبعا !!
و انا معاكم لو سمحت عشان انا فعلا نفسي اتعرف عليكم و علي فكرة انا طالع من سيفيك 2010و الينترا و هانزل اشد مع النيو اكسنت تاني (لانه صاحبي اساسا) و انا عملت صيانة ال 10000 و هئولوكوا النتيجة.
بس يا ريت نتقابل في العيد اه رأيكم؟؟؟؟
مع إن الإسلوب مدايقني
بس من عنيا الإتنين وهتتصور فيديو كمان بس مفيناش من الي يزعل بعد كده
إن شاء الله ومتشدش بالعربيه وهي قربت على الصيانه عشان فلتر الهواء بيكون جاب أخرة وأداء العربيه بيبقى وحش من كتر ما الفلتر مسدود (ده الي خلى ياسر يسد معايا شويه)
لا انا عملتها خلاص انا دلوئتي 16000 كم هروح اقطعه
لا بص انا مبحبش اطلع من ثبات احنا بنبقي مشيين علي 20 و نروح كابسين و فعلا انا عند ال 6000 بحس ان السحب قل ليه بقي؟؟؟؟؟
اه المعلومات القيمة دى دانتو ناس زى الفل و الله. شكرا
عشان منحني الhp (القدرة) بيبتدي يقل جامد
للأسف لأ
بالظبط بس الثانيتين دول مش ملحوظين قوي (مش أي حد هياخد باله منهم) وعشان كده الأحسن تنقل قبل ال6 على طول عشان لو نقلت بدري هتنزل تحت ال4 الاف