aveo automatic العربيه دى اخبارها ايه ؟؟؟؟؟؟

**mostafassy** · 06-09-2010 11:42 AM

يا جماعه من فضلكم اى حد عندو معلومات على الفتيس الاوتوماتك فى الافيو يقولى عليها

الفتيس ده معمر ولا هيضرب على طول

الواحد معندش ثقه فى الاوتوماتك الكورى

**Hosam_Optrawy** · 07-09-2010 03:10 AM

اولا فتيس الافيو يابانى من شركة Aisin

ثانيا الفتيس الكورى بشكل كويس ومعمر مفيهوش حاجه وهايعيش بالاهتمام والصيانه

ثالثا الافيو الاوتوماتيك تقفيل مصرى وفى منها شكاوى كتير فكر فى بديل ليها

**ahmedsamir5edr** · 07-09-2010 05:04 AM

الأفيو المانيوال .. بطه بلدي
ما بالك بالأووتو

**eng_sherif_00** · 07-09-2010 11:19 AM

لو عايوز افيو يبقى الكورى المانيوال ممتازة جدا والافضل فى فئتها

**mimo116** · 07-09-2010 11:57 AM

فكر في بديل انا جربتها ... الاعده مش مريحه زي اللي في فئتها و التجميع مش اد كده و الشكاوي منها كتير ..

**akram2011** · 07-09-2010 12:45 PM

يا حبيبى كتبت كتير جدا وقلت ابعد عن الافيو وغنيلها
ومش هاكتر عن كدة
يلاش بلاش

**Dr_Smart** · 07-09-2010 01:22 PM

مع صاحبي بقالها سنه .. 2010 اوتوماتيك .. و كلمة حق العربيه كويسه جدا ولغاية دلوقتي ماظهرش فيها اي عيوب صناعه او تقفيل

سحبها حلو ( مش واو ومش بطه بلدي خالص ! ) والفتيس نقلاته ناعمه واستجابته كويسه ( احسن من فتيس الهيونداي والكيا عن تجربه ) واستهلاك البنزين زي العربيات الكوري ال 1600 .. عادي يعني مش موفره زي منصور مابيقول في اعلاناته ومش بلاعه

التكييف حلو بس بيأثر عالسحب جامد ... برضو نرجع نقول هيفرق مع اللي عايز يجري لكن لو سواقتك هاديه مش هتفرق

عفشتها جيده بالنسبه للعربيات اللي في فئتها .. وكسيارة عائلية او سيارة مدينه ثباتها جيد جدا

عايز اقول ان صاحبي سواقته وحشه وعمل بيها اكتر من حادثه ... منهم واحده طلع فوق رصيف على سرعة 60 ... وواحده خبط بجنب الاكصدام في رصيف عالي وهو على سرعة 120 عشان العربيه عومت منه ( نتيجة تهوره مش بسبب عيب في العربيه )

وعلى الرغم من كده العربيه ماشاء الله كويسه ( طبعا بعد تصليحها في المرتين عشان اكيد كان فيه خساير كتير هي مش دبابه هههه )

انا حبيت انقل التجربه دي بحياديه على قد خبرتي المتواضعه جدا في السيارات

والله تعالى اعلم

**Dr_Essam** · 07-09-2010 02:55 PM

المشاركة الأصلية كتبت بواسطة ahmedsamir5edr

الأفيو المانيوال .. بطه بلدي
ما بالك بالأووتو

أكيد بالنسبة للفيرنا بتاعة حضرتك هتبقى بطة و بلدى كمان .. لكن أحنا مش داخلين سباق رالى ... و الشوارع مش مستحملة شد و جرى و سباقات ...الأفيو سحبها مرضى جدا"

المشاركة الأصلية كتبت بواسطة felix

نصيحة
انسى الافيو خالص وبلاش منها

حضرتك جربتها الأول و لأ سماع بس

المشاركة الأصلية كتبت بواسطة Hosam_Optrawy

اولا فتيس الافيو يابانى من شركة Aisin

ثانيا الفتيس الكورى بشكل كويس ومعمر مفيهوش حاجه وهايعيش بالاهتمام والصيانه

ثالثا الافيو الاوتوماتيك تقفيل مصرى وفى منها شكاوى كتير فكر فى بديل ليها

كلأم سليم 100*100 و عيب الأوتوماتيك أنها تقفيل مصرى و هو أقل جودة بكتير عن التقفيل الكورى.. و أنت و حظك ... ليا واحد صاحبى معاه الأوتو 2009 و بقالها سنتين معاه و بيشكرلى فيها جدا"

المشاركة الأصلية كتبت بواسطة mimo116

فكر في بديل انا جربتها ... الاعده مش مريحه زي اللي في فئتها و التجميع مش اد كده و الشكاوي منها كتير ..

يعنى أيه الأعدة مش مريحة ؟؟؟؟؟؟
على فكرة هى كراسيها مريحة جدا" جدا"سواء الكراسى الأمامية أو الكنبة .. و ذلك بشهادة من يكرهون الأفيو فى المنتدى قبل من يحبونها..

**shouk_1987** · 07-09-2010 03:40 PM

المشاركة الأصلية كتبت بواسطة mimo116

الاعده مش مريحه زي اللي في فئتها و التجميع مش اد كده و الشكاوي منها كتير ..

الأعدة مش مريحة على أساس ايه ؟؟؟
إومال الفيرنا و اللانوس اللى مريحين ؟؟؟؟
لعلمك أنا معايا فيرنا و أخويا معايا أفيو و فرق السحب مش رهيب ولا حاجة

-

الموضوع: aveo automatic العربيه دى اخبارها ايه ؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

AVEO 2009 Automatic HP

AVEO 2009 Automatic HP

محتار أجيب لوالدتي Aveo Automatic والا Automatic new Accent

Aveo 5 automatic or Getz automatic

Proton WIRA automatic or Sirion automatic or AVEO automatic?????????

الكلمات الدلالية لهذا الموضوع

المفضلات

المفضلات

ضوابط المشاركة