السلام عليكم
انا من اسبوع كدا كنت بعمل صيانه للعربيه ومنهم
انى اقولت انظف الرادتير عشان افوق شويه العربيه والحمد لله جه بفايده المهم

بعد الصنايعى مخلص كل حاجه وابتدى التركيب سالتو عن الميه قالى انو عندو الميه
وورانى الجراكن ال 4 لتر و 1 لتر
طبعا انا ديما بجيب ال 4 لتر سواء من كارفور او من اى مكان وكنت بفك الخراطيم وبنزل الميه وبغسل الرادتير بالخرطوم واحط الجركن ال 4 لتر
طبعا انا سببى انى اروح هناك عشان انا مش هقدر اسلك الرادتير زى الصنايعى اكيد

المهم قولتوا بكام قالى ب 25 جنيه قولتوا ماشى ورجع قالى بس انت هتاخد الجركن ال 1 لتر
قولتوا ازاى انا دما بخط ال 4 لتر قالى ده بيبقى غلط على الرادتير لازم ميه معدنيه من الحنفيه يعنى
والميه الخضرا بتكون حاميه على الرادتير وبتسبب مشاكل فيما بعد والافضل واحد لتر والباقى مياه عاديه
انا قولت طيب ده واحد شغال عندو برضوا اسئل الراجل الكبير بتاع الليله واكدلى فعلا الكلام
وابتدى يحط الجركن ال 1 لتر ومعاه مايه وبقى لون الميه برضوا اخضر بس اكيد التركيز اقل

وانتهى الموضوع وماشى مبسوط بصراحه وحاسس بفرق بس قولت اسئل واحد تانى على موضوع ال 1 لتر وال 4 لتر وفعلا اكدلى نفس الموضوع

اتمنى يكون فعل اده كلام صحيح وانا حبيت انبه برضوا لان ناس كتير هنا بتجيب جركن 4 لتر ديما
وكل عام وانتم بخير ديما بأذن الله