الموضوع: قدامى صب كينوود 600 وات وجى ام كينوود 250 وات

المشاركة الأصلية كتبت بواسطة Ali_mehrem

لما ربنا يكرمنا فى مصر بالصبات اللى اسمها subwoofer مش السمعات اللى عندنا و بنسميها subwoofer يا بوب احنا لو فى عندنا حاجه من MTX زى jackhammer او اى موديل من نفس الشركه او kicker او bose او JL audio و طبعا اقوى شركة rockford fosgate هنبقى فى level تانى من audio عندنا فى مصر هو فى فلوس مع شباب كتير و فى حاجات متوسطه برضو فى مصر و فئه نفسها تمتلك الانواع دى بس للاسف احنا محكومين بالمستوردين اللى عايز حاجه تيجى تتباع و يكسب فيها 4 او 5 اضعاف تمنها و متقعدش فى حضنه و محدش يشتريها و ربنا يسهلها و حد يحس بينا

بص انا من كل الماركات دي ما عرفتش غير الـ bose ودي سمعت منها سماعات هيدفون كان ثمنها ألف جنيه !!!

بس صوتها كان فعلاً خرافي .. وواضح من أسعارها على النت انها سماعات اسطورية ده غير اني سمعت انها بتنزل راكبة في السيارات المرسيدس الحديثة

الماركة التانية اللي اعرفها توازي البوس هي جامو Jamo دي برضه سماعات أسطورة

ودي شفت منها في مصر طقم اربع سماعات ستاند للقصور كانو موجودين في كفي شوب في ميدان المساحة اسمه العناني ثمنهم وقتها كان حوالي 25 ألف جنيه .. صوتهم لا يمكن وصفه من حيث النقاء او القوة او الديتيلز اللي بتسمعها وبتحس بجد انك بتسمع أغنية تانية خاااااااالص غير اللي انت حافظها

بس أعتقد الموضوع ده لو حد معاه فلوس سهل يتحل بإنك تشتري من على النت وفي ناس كتير دلوقتي شغلتها هي انها تشتريلك الحاجة من على النت وتشحنها لمصر وبتدفع ثمن بسيط على الشحن والجمارك وعمولة بسيطة ليهم لأن كل واحد فيهم بيكون عنده صندوق شحن فبتكون تكلفة الشحن بتاعته اقل بكتييييييير من لو انت اشتريته بنفسك

بس لحد ما يحل علينا العصر الذهبي ده .. الصبووفرات دي كلها كده ما تقومش بالواجب