ليه معظم الوكلاء فى مصر مابيحترموش عقولنا

**grumby78** · 07-09-2010 10:28 PM

المشاركة الأصلية كتبت بواسطة abokoko

====
عن طريق رقم ال vin
ممكن تعرف المويل وحاجات تانيه عن العربيه

الرقم التاسع والعاشر
مثلا 10 = 2010
11= 2011

اشكرك جدا على المعلومه بس مادام هيا واضحه كده يبقى مافيش توكيل ممكن يضحك عليك او يزور الرقم ده ولا ايه . يعني المفروض انك ترفض استلام السياره طالما الرقم لايتوافق مع مايعلنه الوكيل انه موديل السياره ...

**abokoko** · 07-09-2010 10:44 PM

المشاركة الأصلية كتبت بواسطة grumby78

اشكرك جدا على المعلومه بس مادام هيا واضحه كده يبقى مافيش توكيل ممكن يضحك عليك او يزور الرقم ده ولا ايه . يعني المفروض انك ترفض استلام السياره طالما الرقم لايتوافق مع مايعلنه الوكيل انه موديل السياره ...

===
لان الامر مش منتشر ومعروف
وممكن حضرتك تتاكد من ده مع اصحابك وعربياتهم
وتسالهم وهتلاقى ناس كتير ما عندهاش فكره
انا عرفت المعلومه دى من المنتدى هنا
وممكن حضرتك تعمل بحث عن كلمه فن vin وهتلاقى المعلومه كامله

**aymanay32** · 07-09-2010 11:06 PM

لانهم بيشوافوا الحكومة بتعمل معانا كدة
المرور بيعمل معانا كدة و
يعنى لما يوقفك فى لجنة رادار و يقولك رخصك و يديك مخالفة رادار بتعمل ايه
انته فى مصر مبتعرفش تاخد اى حق و لا باطل مع الحكومة
و لانك مالكش كلمة او موقف ممكن اى حد يضحك عليك و يبيعلك الاونطة
و مش هتعرف تعمل معاه حاجة الا اذا كنت مسنود
يعنى عندك واسطة كبيرة

هنا المعرض هيقولك هعملك تخفيض كبير و ممكن يديلك العربية ببلاش علشان الواسطة بتاعتك

و هيعوض خسارته مع عشرين واحد غيرك

**Ahmed Nouh** · 07-09-2010 11:10 PM

العربية ليها دورة حياة , خلالها بيحصل تعديل او اكتر فى الكماليات او الشكل لكن ده مش بيبقى كل سنه

علشان كدا طبيعى جدا انك تلاقى عربية موديل 2009 و 2010 و 2011 منها مفيش اى فرق بينهم

دى مش مشكلة الوكيل , هى الشركة الام معملتش تعديلات فى العربية

لما مثلا تكون عربية موديل سنه وتانى سنه تنقص او تزيد فيها كماليات او تجهيزات او مقاس جنط مثلا ده بيبقى تعديل من التوكيل على الدفعات الجديدة لغرض تسويقى وزيادة الطلب على العربية لكن مش من الشركة الام

يعنى الوكيل لو شايف ان مفيش داعى تسويقى لتعديل اى مواصفات فى العربية يبقى طبيعى هينزلها زى ما هى موديل السنة الجديدة لا هو لعب فى ورقها ولا يقدر اصلا تكون 2010 ويبيعها لك على انها 2011 , اللى فى ايده يعدل الشكل او المواصفات الفنية زى الموتور وخلافه هى الشركة الام فقط

لو انت شوفت مثلا نفس موديل العربية نزل منه شكل جديد برا ومنزلش هنا دى بتبقى ساعات علشان التوكيل شايف انه مش مستعد لتقديم موديل جديد دلوقتى , او علشان خطة تسويق العربية عندنا فى مصر من الشركة الام لسه مجاش ميعادها

يعنى مش اى توكيل يقدر يدخل اى عربية من الشركة اللى ماضى معاها فى اى وقت , حسب ما الشركة تشوف وحسب المنتج من الموديل والطلب عليه وترتيب اولوية الاسواق اللى هيدخلها