أنا محتارة جدا، أجيب إبيزا هاتش باك والا هوندا سيتي تجميع تايلاندي والا نيسان تييدا هاتش باك؟؟؟
مع الوضع في الإعتبار أني يهمني أوي شياكة العربية من جوة و من برة و الثبات و توكيل محترم
و شكرا
عرض للطباعة
أنا محتارة جدا، أجيب إبيزا هاتش باك والا هوندا سيتي تجميع تايلاندي والا نيسان تييدا هاتش باك؟؟؟
مع الوضع في الإعتبار أني يهمني أوي شياكة العربية من جوة و من برة و الثبات و توكيل محترم
و شكرا
لو الهاتش باك الايبيزا أحلى من التيدا فى الشكل والثبات بس التيدا أوسع من الايبيزا من الداخل ولو عايزه سيدان خليكى فى الهوندا وأنا بأرشحلك الأيبيزا لأنها شكلها أشيك وبناتى أكثر وياسلام لو لونها يكون سبور بالترتيب أحمر أو برتقالى أو أبيض أو أزرق تبقى تحفة وربنا يوفقك فى اختيارك
شكرا جزيلا على الرد
انا شايف الهوندا تكسب
1- الهوندا شكل جاااااامد جدااا
2- الهوندا معروف عنها انها عربيه معمره و عمرها طويل
3- التوكيل محترم
4- الابيزا صغيره اوى بحس انها عامله زى البكانتو و انا بصراحه بحب العربيه الكبيره بتدى برستيج اكتر
5- الكماليات الفرق بينهم مش كبييير
6- الابيزا فتيس dsg الفتيس طبعا رائع و كل حاجه لكن فى اكتر من شكوى فى المنتدى منه فى عربيات فولكس و فى عربيتين تقريبا مغيريين فتيس و سعره غالى جدا يبقى نبعد عن الشر و نغنى له احسن
وجهة نظر برضه... بس الهوندا تجميع تايلاندي و أنا قلقانة من الموضوع ده
الهوندا مفيش مشاكل تقلق منها غير أنها مش كبيره سيدان صغيره لو أبيزا فتيس 6 نقلات مش 7 كنت رشحتلك الأبيزا .
ايه المشكله فى انها تجميع تايلندىاقتباس:
وجهة نظر برضه... بس الهوندا تجميع تايلاندي و أنا قلقانة من الموضوع ده
1- كفايه ان العربيه عليها لوجو هوندا ده لوحده كفايه( موتور هوندا - عفشه هوندا كل حاجه فى الاساسيات لكن لازم يكون فى نسبه من التصنيع المحلى ( التايلندى ) و دى بتكون فى الفرش - البطاريه و الحاجت الصغيره دى زى ما بيحصل فى مصانع مصر لكن انتى فى الاول و فى الاخر راكبه عربيه هونداااا )
2- العربيه عليها ضمان 125000 كم يعنى لو فيها اى حاجه لا قدر الله على التوكيل و التوكيل محترم بشهاده الناس اللى تعاملت معاه
3- حضرتك روحى اتفرجى على العربيه و شوفى تقفليها ( التايلاندى )عامل ازاى لو لقيتى التقفيل وحش خلاص فكرى فى غيرها
بعيد عن موضوع التقفيل
الهوندا موتور 1500 لكن جااااااامد 118 حصان يعنى احسن من مواتير كتير 1600 و موفر جدا فى البنزين
عموماً حضرتك ممكن تكونى فكرة على كل من السيارتين الايبيزا والهوندا سيتى من قسمى الهوندا والسيات بالمنتدى هاتلاقى
تقييم شامل من ملاك السيارتين الايبيزا 2010 والسيتى 2009 وتعرفى مميزاتهم وعيوبهم من تقييم اصحابهم لأنه مؤكد هايفيدوكى أكثر مننا
وربنا يوفقك فى اختيارك
أنا بس ليَّ اضافة يا فندم
الDSG اللي موجود في الIbiza والGolf والLeon مختلف عن بتاع الPassat القديم القديم كان 6 سرعات الجديد مطور و 7 سرعات.
و بالنسبة لصاحبة الموضوع أنا كنت حكيت تجربتي عن العربية في الموضوع ده http://www.nilemotors.net/Nile/177863-a.html
هي فعلا عربية تحفة وتستاهل وزنها دهب. بجد توكيل محترم, ثبات عالي جدا حتى علي سرعة زي 180. كنت ماشي امبارح علي الدائري ساعة الفطار 180 ولما كنت بأنزل ل100 أحس إني مش ماشي بس مفيش فرق في الثبات نهائي, ناعمة علي السرعة القليلة وبتبتدي تتقل علي السرعة العالية عشان البور بتاعها اليكتريك هايدروليك, أداء وتسارع وهمي بتطلع من أي عربية 1600 ولحد 1800 cc , بتوفر جامد في البنزين من غير حرق. عيبها بس شوية كماليات مش موجودة زي الجانط السبور وهي طبعا اصغر من السيدان.
ممكن حضرتك تشوفي العربيات علي الطبيعة أحسن بس بلاش الCity عشان باسمع إنها مش ثابتة ( ملاكها في قسم هوندا ) وكان مفتوح موضوع عن ثبات الCity.
الTida والIbiza متقاربين. بس اللي أنا جربته وعجبني جدا الIbiza فعلا عربية حلوة.
السلام عليكم،
بس التيدا أكبر من الابيزا بكتير حتى لو هي هاتشباك وأعتقد أنعم، وكمان مش التيدا دي في فئة أعلي من الابيزا. ولا أنا غلطان ؟؟
طبعا البنت لو راكبة ابيزا هتبقي شيك عليها جدا وركنتها سهلة ليها وبعدين مش منتشرة ودي ميزة تانية
بالنسبة للفتيس فية حاجة الناس مش عارفاها جدا ان الفتيس دة محترم جدا ومثالي للقيادة عندنا بس المشكله ان في ناس مش عارفة ان الجديد دايما احسن واكثر تكنولوجيا
وبعدين الاذواق تختلف طبعا وربنا يوفقك في الاختيار
نظريا آه بس عمليا لأ
الهاتش باك في الTida قد الIbiza عندي ( واحد صاحبي معاه Tida هاتش باك سودا برده :ma: )
ومن نحية النعومة لو عفشه تبقي Tida لو سواقة تبقي الIbiza ( من غير استغرب ) وفتيس الIbiza الاوتوماتيك النتشه بتاعته اقل بكتيييييير من الTida صعب تحس بيها إلا لو ركزت وماشي يادوب مشعر بنزين. برده دركسيون الIbiza اليكتريك - هيدروليك انعم من الTida وهي واقفه.
لا أنا ولا هو حاسين إنها فئة اعلي. الIbiza بقيت اقرب لGolf أكتر منه الPolo القديم, عشان الPolo الجديد برده كبيرة. الTida لسة عليها كتيرعشان تبقي في فئة الLeon أو الGolf أو الBravo. الSuper Mini مبقاش Mini خلاص الفئة ديه بقي فيها الCorsa والFiesta والIbiza والPolo والEvo والMazda 2 والFabia. كلها في الجديد عربيات مبقتش Mini خلاص.
بقالى اسبوع يا جون بدور على سيات تانيه بجنط لونين يكون لسيات ومش لاقى , مش عاجبنى شكل الطاسه الى موجوده حاليا فى الابيزا خالص و المشكله كل الجنوط الموجوده فى سيات شكلها مش عاطفى ولو كان الجنط من بره التوكيل على طول ماهيصدق يخرج العربيه من الضمان .
شكلى هستنى لحد ما ابيزا 2011 تنزل يمكن التوكيل يعمل مفاجأه و ينزل بوكانيجرا بموتور tsi 150 هورس باور :ma:
[img2]http://img713.imageshack.us/img713/5366/29797405033256760695761.jpg[/img2]
لا يا باشا هات جنط من بره زي ما أنت عايز بس المهم خلِّي بالك من مقاس المسامير بتاعته هتلاقيه مقاس الفولكس أو الOcatvia ال5 مسامير. أنا سألت في التوكيل بس أنا مستني يبقي معيا فلوس:36_9_4:. الشهر ده أنا ناوي أعمل فرش:colsmil:. وحتى لو نزل الBocanegra أو الCupra ديه عايزة اقل حاجة بنزين 98 :majd(4):
السلام عليكم،
بس يا جون التيدا من جوا واسعة جداً والابيزا من جوة مش نفس الوسع خالص.
بص هو معاه Tida سودا 2008 هاتش باك بس احنا قعدنا ورا وقدام عندي وعنده ومش حاسين بفرق جوهري. اللي فعلا تحس بفرق ورا عن الIbiza الCerato واللي حسستني بفرق قدام جنب السواق الCivic 2009 و ورا زي الCerato.