استفسارات عن الإبيزا عايزة اشتريها

**gha** · 03-09-2010 01:54 PM

السلام عليكم,انا طالبة من حضراتكم عدة استفسارات او معلومات عن الابيزا,لانى فعلا بفكر جديا فى شراء ابيزا 2011 او 2010 اوتوماتيك 1600طبعا,يعنى اللى فى السوق حاليا قريباجدا ان شاء الله.
-اخبار التوكيل ومراكز خدمة البيع ايه , وخصوصا رأى الاعضاء اللى امعاهم ابيزا.
-قطع الغيار متوفرة ولا ايه واسعارها غالية ولا معقولة ولا ايه؟
-اخبار اعادة بيع العربيه فى السوق ايه ولو انى مش بفكر فى البيع لكن الله اعلم بالظروف فى المستقبل.
-وياريت ذوى الخبرة اللى اشتروها وجربوها يقولوا رأيهم فيها وفى ادائها و يعنى المميزات والعيوب .وبشكر تعاون سيادتكم معى وانتظر اراؤكم فى اقرب وقت ممكن .

**mazennet2010** · 03-09-2010 11:46 PM

المشاركة الأصلية كتبت بواسطة gha

السلام عليكم,انا طالبة من حضراتكم عدة استفسارات او معلومات عن الابيزا,لانى فعلا بفكر جديا فى شراء ابيزا 2011 او 2010 اوتوماتيك 1600طبعا,يعنى اللى فى السوق حاليا قريباجدا ان شاء الله.
-اخبار التوكيل ومراكز خدمة البيع ايه , وخصوصا رأى الاعضاء اللى امعاهم ابيزا.
-قطع الغيار متوفرة ولا ايه واسعارها غالية ولا معقولة ولا ايه؟
-اخبار اعادة بيع العربيه فى السوق ايه ولو انى مش بفكر فى البيع لكن الله اعلم بالظروف فى المستقبل.
-وياريت ذوى الخبرة اللى اشتروها وجربوها يقولوا رأيهم فيها وفى ادائها و يعنى المميزات والعيوب .وبشكر تعاون سيادتكم معى وانتظر اراؤكم فى اقرب وقت ممكن .

يا ريت يا جماعه تفيدونا
انا كمان بفكر اشترى العربيه بس خايف من قطع الغيار واعاده البيع؟؟؟؟؟؟؟؟؟

**kamatsho** · 03-09-2010 11:51 PM

العربيه قطع غيارها متواجده فى التوكيل بتاعها

سعر قطع غيارها مش غاليه ولا رخصيه يعنى بين البينين مقارنه بعمرها الافتراضى

بس معمره جدا

سعر اعاده البيع مقارنه بعربيات كتير مش كويس يعنى سعر اعاده البيع مش فصالحها

توكيلها بسمع انه محترم جدا مقارنه بتوكيل عربيات كتير غيرها
مميزاتها فى نظرى اكتر من عيوبها بـ كتير

سحبها زى الفل . واسعه . ماتورها نضيف جدا . خامات الصالون ناس كتير بتشكر فيها

**Sherlock** · 04-09-2010 04:03 AM

التوكيل اعتقد جيد جدا , مفيش زحمه و الناس فاهمه و شايفه شغلها .

بخصوص إعاده البيع تحديدا بيدخل فيها عوامل كتير , وإبيزا سمعتها حلوه و لو حاله العربيه جيده وقت اعاده البيع إن شاء الله مفيش اى مشاكل سواء ماديه او فى توافر الشارى .

عيوب العربيه هيا المقعد الخلفى فى السفر فقط , شكل التابلوه عادى ومش مميز زى مثلا تصميم العربيه من الخارج , كان ناقصه شويه شغل بس خاماته جيده , العربيه مفيهاش جنوط , بالاضافه ان العفشه رياضيه و مش مريحه فى الطرق غير المستويه , العربيه لو مليانه ( 4 + السائق ) ممكن تحك فى اى مطب رخم .

تسارع العربيه ممتاز جدااااا وملحوظ
ثبات العربيه سواء فى المناورات و الطرق المستويه جيد
فيها مثبت سرعه + كمبيوتر رحلات
شكلها مميز و الواجهه الهجوميه تحفه ومش مصطنعه
فتيس موفر فى البنزين + وضع رياضى + مانيوال
عزل ممتاز و التكييف جيد
بالاضافه طبعا ان مكونات العربيه من الداخل كلها المانى ( يعنى سمعه حلوه )

العربيه ناقصها زينون و جنوط فقط .

**mazennet2010** · 04-09-2010 07:10 PM

المشاركة الأصلية كتبت بواسطة sherlock

التوكيل اعتقد جيد جدا , مفيش زحمه و الناس فاهمه و شايفه شغلها .

بخصوص إعاده البيع تحديدا بيدخل فيها عوامل كتير , وإبيزا سمعتها حلوه و لو حاله العربيه جيده وقت اعاده البيع إن شاء الله مفيش اى مشاكل سواء ماديه او فى توافر الشارى .

عيوب العربيه هيا المقعد الخلفى فى السفر فقط , شكل التابلوه عادى ومش مميز زى مثلا تصميم العربيه من الخارج , كان ناقصه شويه شغل بس خاماته جيده , العربيه مفيهاش جنوط , بالاضافه ان العفشه رياضيه و مش مريحه فى الطرق غير المستويه , العربيه لو مليانه ( 4 + السائق ) ممكن تحك فى اى مطب رخم .

تسارع العربيه ممتاز جدااااا وملحوظ
ثبات العربيه سواء فى المناورات و الطرق المستويه جيد
فيها مثبت سرعه + كمبيوتر رحلات
شكلها مميز و الواجهه الهجوميه تحفه ومش مصطنعه
فتيس موفر فى البنزين + وضع رياضى + مانيوال
عزل ممتاز و التكييف جيد
بالاضافه طبعا ان مكونات العربيه من الداخل كلها المانى ( يعنى سمعه حلوه )

العربيه ناقصها زينون و جنوط فقط .

الف شكر على ردك
ويا ريت اعرف ايه اخبار الاعطال
وممكن تتصلح بره التوكيل ؟

**Sherlock** · 05-09-2010 02:01 AM

المشاركة الأصلية كتبت بواسطة mazennet2010

الف شكر على ردك
ويا ريت اعرف ايه اخبار الاعطال
وممكن تتصلح بره التوكيل ؟

اعطال فى عربيه المانى زيرو ؟ إنسى اى حاجه اسمها اعطال إلا فى حاله سوء الاستخدام لا قدر الله .
وطبعا اى حاجه فى العربيه يفضل انها تتعمل فى التوكيل , و تحديدا فى اول سنتين علشان الضمان .

**eng_zoka** · 05-09-2010 02:57 AM

المشاركة الأصلية كتبت بواسطة sherlock

اعطال فى عربيه المانى زيرو ؟ إنسى اى حاجه اسمها اعطال إلا فى حاله سوء الاستخدام لا قدر الله .
وطبعا اى حاجه فى العربيه يفضل انها تتعمل فى التوكيل , و تحديدا فى اول سنتين علشان الضمان .

معلش بس هو ايه تعريف سوء الأستخدام يعنى مثلا الشد و القرص على الموتور و الخرز دى تعتبر سوء أستخدام ؟؟؟

و سؤال تانى بعد أذنك هى العربية فيها الذراعين اللى ورا الدريكسيون بتوع التبترونك ولا لأ؟؟؟

**Sherlock** · 05-09-2010 03:07 AM

المشاركة الأصلية كتبت بواسطة eng_zoka

معلش بس هو ايه تعريف سوء الأستخدام يعنى مثلا الشد و القرص على الموتور و الخرز دى تعتبر سوء أستخدام ؟؟؟

و سؤال تانى بعد أذنك هى العربية فيها الذراعين اللى ورا الدريكسيون بتوع التبترونك ولا لأ؟؟؟

سوء استخدام بمعنى عدم الالتزام بمواعيد الصيانه للعربيه او انك تعمل صيانه العربيه بره التوكيل , تركيب اى كماليات برضه بره التوكيل و اى ميكانيكى يلعب فى الكهربا او الموتور , دا سوء استخدام .

ذراعين ورا الدركسيون ؟ لأ مفيش .. تقصد عتلات التسقيط ؟ لأ برضه .

هو جون فين

**eng_zoka** · 05-09-2010 03:47 AM

المشاركة الأصلية كتبت بواسطة sherlock

سوء استخدام بمعنى عدم الالتزام بمواعيد الصيانه للعربيه او انك تعمل صيانه العربيه بره التوكيل , تركيب اى كماليات برضه بره التوكيل و اى ميكانيكى يلعب فى الكهربا او الموتور , دا سوء استخدام .

ذراعين ورا الدركسيون ؟ لأ مفيش .. تقصد عتلات التسقيط ؟ لأ برضه .

هو جون فين

متشكر جدا يا باشا و العربية جامدة جدى و مش عارف لية ما أنتشرتش زى بقيت موديلات الأبيزا السابقة

**John_Samy_1** · 05-09-2010 02:21 PM

المشاركة الأصلية كتبت بواسطة Sherlock

سوء استخدام بمعنى عدم الالتزام بمواعيد الصيانه للعربيه او انك تعمل صيانه العربيه بره التوكيل , تركيب اى كماليات برضه بره التوكيل و اى ميكانيكى يلعب فى الكهربا او الموتور , دا سوء استخدام .

ذراعين ورا الدركسيون ؟ لأ مفيش .. تقصد عتلات التسقيط ؟ لأ برضه .

هو جون فين

إزيك يا باشا عامل إيه؟ معلش ماخدتش بالي من الموضوع

أنا هرد علي حضرتك في المشاركة الاولانية
التوكيل في الصيانة أو تظبيط أي حاجة فوق الممتاز, وحتى الأعضاء اللي اشتكوا من عدم توافر قطع غيار للموديلات القديمة قالوا إن الكشف بتاعهم حلو وكانت معاملتهم حلوة. وحضرتك هتلاقي تقرير عن صيانة ال10,000 في توقيعي.

قطع الغيار موجودة بس اسعارها مختلفة. يعني الكماليات غالية زي مثلا كاسيت DVD أو جنوط. الحاجات التانية سعرها اغلي من الياباني والكوري بس معقول جدا بالنسبة للأوروبي وطبعا الحاجات ديه معمرة جدا. اصلها معظمها قطع فولكس الماني. عامةً فيه ناس كتير شغالين في قطع غير فولكس وسيات و سكودا بره التوكيل. بس أنا هدي حضرتك مثال في اللي أنا جربته فلتر الزيت بـ70 جنيه مثلا جوه التوكيل الماني. بره التوكيل فيه فلاتر انواع تانية بـ45 جنيه الماني برده.

اعادة البيع حضرتك هتخسري فيها لو حضرتك قارنتيها باي عربية كوري بس ده حال الأروبي عموما. عامةً أنا مشفتش Ibiza 2010 للبيع مستعمل فـمش قادر أحكم قوي. بس برده العربية ديه شبابي والطلب هيزيد عليها خصوصا إن متورها حكاية ومفيش أي عربية 1600 ( من غير turbo ولا تعديل ) بيطلع منه عن تجربة.
وده تقرير عنها
http://www.nilemotors.net/Nile/119447-2010.html

أنا هقول لحضرتك العيوب ونسيب المميزات فالاخر

العربية زي ماالفئة بتاعتها بتقول ( Super Mini ) صغيرة في الشنطة. أنا بكون مراجع الكراسي اللي قدام قبل الآخر بسنة وبيقعد واريا 3 ومش بيشتكوا بس أنا عارف إنهم معندهمش براح قوي. بس رجليهم مش بتكون خبطة في الكرسي ولا حاجة من الكلام ده. بس عن تجربة مثلا الCerato فيها براح عنها.
الشنطة صغيرة ولو ناوية تحطي فيها شنطة سفر يبقي لازم تلغي الكنبة اللي ورا وتتنيها عشان توسعي الشنطة.
الموتور صوته رياضي وعالي مع الكبس. بس لحد 130 مع قفل الإزاز صوته هادي كل 10 كيلو زيادة صوته بيعلى بس زي ماالأستاذ حاتم قال قبل كده أنا بالنسبالي مزيكا. هو مش مزعج بس رياضي بس طبعا مع السفر مده طويلة فوق ال130 يجيب صداع في حدود 130 بيكون صوته واطي.
رغم إنها عربية شبابي بس مفيهاش جنوط رياضية ولا حتى الطاسة بتاعتها شكلها رياضية
مفتقد التكيف الClimate Control عشان العربية تكيفها بياخد مثلا 10 دقايق علي سرعة 2 وتبقي العربية تلاجة. بقوم منزله تاني لواحد عشان ببرد, رغم إني مش عامله علي اقصي تبريد قبل الاخر بـحتة كده. وبعد نص ساعة مثلا ارجعه تاني ل2 عشان إزاز العربية عدي مش ملون وبيدخل سخونة. أنا نفسي في سرعة 1 ونص مثلا
بس كده مفيش حاجة تانية مديقاني.

المميزات بقي اللي عجباني.

العربية كلها الماني من جوه ويادوب التقفيل اسباني. ومبنية علي Platform ثورة في نوعه من فولكس واجن وبنوا علية Polo الجديدة اللي هي Car of the Year 2010 وكمان الAudi A1 الجديدة. يعني تكنولوجيا متطورة
الثبات عالي جدا والعربية بتقفش في الارض. وفيها حركة مش موجودة غير فالعربيات الالماني إنك وانتي بتلفي الدركسيون العربية نفسها بتتحرك مع الدركسيون ( جربي تلفي الدركسيون علي الاخر والعربية واقفة وحضرتك تفهمي قصدي ) عشان تدي العربية ثبات في الملفات والغرز
الفتيس ال7 سرعات حكاية في الشد وحكاية في الماشي بالراحة. البنزين لو حضرتك ماشي بالراحة من من غير تكيف علي طريق مفتوح زي الدائري مثلا مع شوية في وسط البلد بيكون 6 لتر لكل 100 كيلو. مع التكيف بيكون 7 لتر.
العربية بتجري جدا. لو حاتيط الفتيس علي الS بتبقي وحش وبتطلع من تقريبا من أي حاجة ( أنا طلعت من 318 عادي ) بجد عربية جراية قوي
تقفيل العربية والعزل حلوين, لو قفلتي الإزاز مع الكاسيت صعب قوي تسمعي حاجة بره (كنت هالبس عشان مش باسمع زمارة العربيات اللي عايزة تاكل غرز من جنبي).
رغم إن العربية صغيرة بس مريحة جدا سواء قدام أو الكنبة اللي ورا, حتى مع السفر محدش اشتكي من الراحة أبدًا
عربية مميزة وشكلها حلو قوي وبتديني برستيج كده وانا نازل منها قدام الناس. بجد عربية أوروبية شيك بشكل رياضي. أنا بعشق شكلها وبرستيجها
كل حاجة تانية فالعربية كويسة مفيش حاجة باشتكي منها

وفعلا أنا موجهنيش فيها أي اعطال هي الIbiza اصلا حتى القديم اعطاله قليلة أنا قبل مااجيبها كان عندي واحد صاحبي عندهم 2002 لما سألته عليها قاللي عمرنا ما عملنا حاجة فيها غير الصيانة الدورية ولا عمرنا اشتكينا من حاجة.
بجد عربية ممتازة وعمرك ماهتحسي إن هتعرفي تركبي بعديها غير Seat Ibiza برده

اتكلي علي الله وربنا يوفق حضرتك.