الموضوع: كيا سيفيا /لانوس جولييت/فيرنا

الكيا سيفيااحسن ما فيهم عربية بجد وعمرها ماتحرجج ابدا فى الطريق غير انها واسعة موتور قوى جدا عفشة نعمة باور ناعم تكييف تلاجة شكل شبابى قطع غيارها متوفره جديد وقديم مش غالية وان كانت اغلى من قطع غيار الجوليت لو بتقارن بس فرق متعة القيادة يشفع للكيا انت لما تسوقها متعرفش تركب لا جوليت ولحتى الفرنا انا كان معايا السيفيا ونزلت منها بس علشان اركب بى ام بس عايز اقولك انى جربت فيرنا زيرو بتاعت واحد صاحبى كنبة فى السواقة بالرغم من انها زيرو مقارنة بالسيفيا 99 ملهاش لازمة وان كان موتور الفيرنا جبار وتكيفها حلو اوى بس غير كده متلاقيش. وربنا يوفقك فى الاختيار وارشحلك سيفيا 99 علشان كورى مش مصرى الى بعد 99 تقفيل مصرى

المشاركة الأصلية كتبت بواسطة RimonWagdy

أهم حاجة فى الموضوع حاااااالة العربية ... أنا شخصيا بحب الكيا سيفيا بس المشكلة انه صعب تلافى عربية بحالة جيدة و سعر مناسب .

دى حقيقة فعلا لازم تدوخ حبه لحد ماتلاقى عربية نضيفة بس موجود واكيد سعرها بيبقى اعلى شوية.انا بعد ما بعت عربيتى هفنى الشوق عليها تانى وقولت اجيب واحدة تانى ونزلت السوق اتفرج ملقيتش حالة نضيفة زى الى كانت معايا ولما لاقيت الحالة النضيفة كان بيتكلم فى 45000 ج وان بايع عربيتى لصاحبى محبه كدة ب40000 ج بس وحالتها زى الزيرو وكان فى 3 اصحابى بيتخانقوه مع بعض علشان كل واحد كان عايز ياخدها من نضافتها ومحافظتى عليها

المشاركة الأصلية كتبت بواسطة karim_mohy

عن نفسي مقتنع بالسيفيا............اما انك تلاقي حاجة نضيفة وبسعر كويس هي دي النقطة.......

خش على كونتكت كار فى عربيتين معروضين على 47 شكلهم كده بيقول انهم نضاف وفابريقة بره بس حاول تنزل فى سعرهم شويتين يعنى لحد 43 ممكن يكون السعر معقول ده لو فعلا نضاف