امتى نغيير نقلة العربية للحصول على اعلى سرعة؟

**ahmedyehia515** · 11-09-2010 05:11 PM

المشاركة الأصلية كتبت بواسطة brainstorm

بس أنا هاقول حاجة برده
موضوع ن أعلى عزم للموتور عند rpm قليل ده في العربيات الالماني والعربيات الديزل وال turbo charged بس علشان الناس متاخدهاش قاعدة عامه على كل العربيات علشان معظم أو كل العربية الياباني والكوري أعلى عزم فيهم بيبقى فيrange
4000 ~ 6000 rpm

الكلام ده سليم يعنى مثلاً الهوندا السيفيك أعلى عزم عند 4300 و التويوتا كورولا عند 4800 فى حين الباسات 2500 و البى ام ال316 عند 3000.

**Hegazio** · 11-09-2010 06:58 PM

يا ريتني دخلت في الموضوع من الأول عشان ارد بدون تكرار
طبعا السحب و افضل نقلة بيبقي له علاقة بافضل عزم مش افضل هورس باور
بس اغلب العربيات المتطورة بيبقي المنحني بتاع العزم مافيهوش نقطة وحيدة قوي أو مش علي شكل رقم تمانية يعني .. بس لو كان كده يبقي تعدي قمة التمانية دي ( عند اغلب عربياتنا الغلبانة بتبقي من 3500 ل 4500 ) ب 500 ار بي ام و تنقل .. فتبقي داخل في منحني افضل عزم للنقلة اللي بعدها برضه

اما اللي بيقول قرب الرد زون و حرق علي اخر الموتور .. اعذرني انت مش فاهم الموضوع مظبوط خالص .. و لو لعبت دراج في Need for Speed حتفهم .. لو نقلت متأخر عن نقطة افضل عزم بكتير يبقي بتضيع اللي عملته خالص

**فادى محمد** · 11-09-2010 07:47 PM

اعتقد ان الموضوع ده ينفع مع عربيه بتطلع اقصي عزم ليها عند ار بي ام منخفض زي المواتير الالماني فالفيكترا مثلا ال1600 سي سي عزمها 128 نيوتن عند 2800 ار بي ام انما موتور عزمه بيظهر عند 5500 لفه مثلا محتاجين ننقل الاول عند 10000 لفه علشان لما الغيار يقع للي بعده يبقي 5500 ؟!!..

**shouk_1987** · 12-09-2010 01:20 AM

طب حد يفهمنى إومال الهورس باور بيرمز لإيه بالظبط و الrpm اللى عنده أقصى حصان أعمل بيه إيه
وليه الناس كلها بتتكلم على الحصان و مابيجيبوش سيرة العزم

**فادى محمد** · 12-09-2010 01:55 AM

المشاركة الأصلية كتبت بواسطة ahmed hassan

10000 لفه يا راجل!! هيه عربية فورميولا 1 ولا ايه!!!!

المشاركة الأصلية كتبت بواسطة ahmedyehia515

و الله متهيألى حتى موتور الفورميلا 1 ميقدرش يجيب السرعة الخزعبلية ده:o_stupid[1]:

بس نظرياً الموتور اللى بيجيب أقصى عزم عند ار بى ام قليل هيكون استهلاكه أقل للبنزين من الموتور اللى بيجيب أقصى عزم عند ار بى ام عالى

فهمتوني غلط

...هو في عربيه من اللي في شوارعنا فيها 10000 لفه؟ !!
كله اخره 8000 والرد زون بتبدا عند 7000 لفه ,انا قصدي ان مش كل المواتير هينفع انك تعلي الار بي ام بتاعها علشان توصل لاقصي عزم للدوران من النقله الاولي .

**beetleMOSH** · 12-09-2010 05:58 AM

الموضوع ده جامد جدااااااااااا جدااااااااااا
واللى اعرفه ان الهورس باور هو قدره الموتور للوصول لاقصى سرعه
انما العزم قوه سحب العربيه

**SkyBird** · 12-09-2010 06:41 AM

انا لاحظت حاجة في الاوتوماتيك يمكن تفهمنا الموضوع
الكريستالة اقصى هورس باور عند 6000 لفة واقصى عزم عند 3000 لفة
لما ادوس جامد على البنزين العربية تحس انها محتاجه تسارع فبتأخر نقل الغيارات الى 4.5 او 5 علشان لما تنقل للغيار اللي بعديه يرجع الاربي ام يقف عند 3000 اللي هو اقصى عزم
لكن لما ادوس بنزين عادي ومش محتاج سرعة العربية بتنقل على 3000 وبعد متاخد الغيار بيرجع الاربي ام على 2 او 2.5
فاهمين عايز اقول ايه
يعني انت تشوف ايه اقصى عزم عندك
وتجرب وتشوف انت كنت على اربي ام كام لو نقلت الغيار وورجع الاربي ام واستقر عند اقصى عزم
يعني التجربة تيجي بالعكس

-

الموضوع: امتى نغيير نقلة العربية للحصول على اعلى سرعة؟

LinkBack

أدوات الموضوع

عرض

-

-

-

-

-

-

المواضيع المتشابهه

لسة برضوا ,, 165 كم اعلى سرعة ,,,

امتى نغيير نقلة العربية للحصول على اعلى تسارع

خش شوف اعلى سرعة للسيتروين c4

اه اعلى سرعة جبته بس لسريون ون

مين الى جاب سرعة اعلى من 170 كيلو متر؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة