الموضوع دا فعلا موجود ومضايقني جدا ونا شخصيا مش عارفة اعمل فيه ايه
بس انا فلوجه الآخر
أخت الزوج
الموضوع دا فعلا موجود ومضايقني جدا ونا شخصيا مش عارفة اعمل فيه ايه
بس انا فلوجه الآخر
أخت الزوج
انا ساعات بيتهيالي ان الزوجات عارفة كويس ومتاكدة انه قرار زوجها بس بتبقي مش موافقة علي رايه فتعد تنكد عليه بقي وتضغط عليه ( ده مش كلااااااااااااامك ده كلااااااااااااااام اممم.......... ( والدتك ) وانتا اصلا ملكش كلمة وامممممم.......ز ( والدتك ) هي اللي بتمشيك وبتقولك تعمل ايه ) ده كله عشان عم الشباب يقولها والله ده كلامي حتي اثبتلك ويقوم الغلبان يعمل اللي هي عيزاه. ان كيدهن عظيييييييييييييم
ومن موقعي هذا اقولكم ان مرات الابن عمرها مهتكون زي البنت
أبتاااااااااااااااااااااا اااااااااااااااااااا
ما هو برده البنت بتمشى ورا كلام أمها وصديقاتها وبيأثروا عليها
مربط الفرس فى هذا الموضوع عمق العلاقة والتفاهم بين الزوجين واتفاقهم على ان قراراتهم وما بينهم لايخرج بره البيت
والله عندي مثال مرات الابن اغلي واقرب من البنت ووصلت لدرجة ان حماتها كاتبالها جزء من الميراث عشان بتحبها وبتعزها.
ياااااااااااااااااااااااا اااااه بس لو البنات يبقي عندهم ثقافة حماتك زي مامتك استحمليها زيس مابتستحملي مامتك لانها مش ضرتك. وكمان الام بيبقي صعبان عليها انها خلفت وربت وكبرت وجت واحدة خادته عالجاهز. وهتعرفو كدة وتتاكدو لما ربنا يرزقكو بولاد وتيجو تجوزوهم هنشوف وهنتفرج هتعملو ايه في مرات ابنكو. اصلها سلف ودين وكمان تدين تدان.
انت جبت الي فيها
المشكله ان تاثير كل عائليه الزوج عليه ميجيش 10% من تاثير صديقه وحده للزوجه
بجد والله حسبي الله ونعم الوكيل في بنات وستات كتير جدا بيخربوها خراب مرييب مش فاهم بيستفيدوا ايه
المشكله ان العلاقه بتبقى كويسه سواء ارتباط او خطوبه او زواج تلاقي الصديقه طالعه زي المدفع طب جربي تعملي مش عارف ايه عشان تعرفي بيحبك ولا لا طب جربي مش عارف تعملي ايه شوفي عنده شخصيه ولا لا .................الخ
والله العظيم السؤال ده عدى على 99% من الرجاله والشباب .......... انا عايزه انزل انا زهقانه وانت مشغول
سؤال بيودي في داهيه لو سبتها تنزل عشان انت عايز تفرج عنها
تبقى ولا في دماغك ومش بتغير ومش فارقه وفتحت على نفسك باب جهنم
لا مش هتنزلي تبقى خربت وهاتك يا زن وكلام انت ايه ومش عارف وتتحكم فيا ليه .......الخ
والله عمري ماشوفت شاب مرتبط في الموقف ده الا وانتهت المكالمه بمصيبه
ايوة كده انا بدور على أطراف المشكلة ...............
قولي بقى بصراحة
انتي و مراة أخوكي ايه حكايتكوا مع بعض ؟ مش طايقين بعض ليه ؟ غيرانين من بعض ليه ؟
طيب انتي ليكي كلمة على أخوكي و بيسمع كلامك و بياخد رأيك في كل حاجة حتى لو كانت شخصية و خاصة بيه ؟
و ليه انتي بتغلسي على مراة أخوكي و بتديها كلام سم كده من تحت لتحت ؟ هيه عملتلك ايه ؟
هوه صحيح أخوكي بيرجع لوالدته قبل ما يرجع لمراته في أي قرار ؟
صحيح طلباتك و طلبات والدتك أهم و أقيم من طلبات مراته و ليها الأولوية القصوى حتى على حساب راحته و راحة بيته ؟
معلش آسف اني بسأل في الحاجات الخاصة دي
بس دي شوية من كتير متهمة بيه اخت الزوج و أمه
بص هجاوبك بحيادية تاااااااااااااااااااااامة وكأني من برا الموضوع
انا لو اتمنيت احسن حماة في الدنيا دي كلها مش هتمني احسن من والدتي من كتر حسن معاملتها لزوجة اخي
يمكن بتعاملها احسن مني.,. مش عشان بتحبها احسن مني طبعا لكن عشان بتتقي الله فيها وعارفه اني هتحط فموقفها دا بعد كدا
يعني عمرها متجيب هدية لي غير وليها كمان
عمرها مبتشحنلي موبايلي غير وليها كمان عمرها مبتعمللي اي حاجة غير وليها كمان
طب شفتوا حمة تعمل عيد ميلاد لمرات ابنها وتفاجئها بيه؟.؟؟
ويمكن عمرها مراحت عندهم البيت من 3 سنين غير اربع مرات تقريبا وزيارات سريعة
وديما تغلط اخويا لو اشتكي منها في اي شئ
انا طبعا بكبر وعمري مبغير لاني متأكدة ان المظاهر مش كل حاجة واكيد انا اغلي واحدة عند والدتي
انا كمان بطنش وعمري مبحط فدماغي الكلام الغريب دا
نيجي بقي للاسئلة دي
انا ومرات اخويا ملناش اي حكاية مع بعض المشكلة اني بتعامل معاها بمنتهي التلقائية زي صحابي
وبالتالي بيفتكروني بغلس عليها... يعني ممكن مثلا اقلها اسكتي شوية انا صدعت وعاوزة انام
مش قصدي حاجة بس انا فعلا بتعامل مع صحابي كدا بتلقائية ومبنتجملش مع بعض المشكلة كمان
ان اخويا ووالدتي عاوزيني اخدها معايا فكل مكان وانا اللي اخرجها واناللي اجبلها واناللي اشتريلها
ودا مينفعش لاننا مش اصحاب لاننا اهتماماتنا وشخصياتنا مختلفة تمام الاختلاف
نيجي لاخويا بقي هو فعلا بيرجع لماما فكل حاجة وبياخد رأيها فكل حاجة مش تسلط ولكن ديما ماما رايها بيكون صح وبنكتشف دا بعد كدا
ودا مبيضايقش مرات اخويا خالص... يمكن هي كمان بتبقي ديما حريصة انها تاخد رأي ماما ورأي ماما فعلا هو اللي بيتنفذ لانه بيكون اكثرنا عقلانية
اما طلباتي وطلبات والدتي دا كانت زمان ليها اولوية بسيطة بعد كدا رجعت لورا شويتين وبعد كدا اختفت تماما حتي اندثرت وبقينا عمرنا منطلب اي حاجة نهائي احنا اصلا انا ووالدتي طول عمرنا
معتمدين علي نفسنا... والحمدلله ربنا مبيحوجناش في اي طلب لاي حد
-------------------
نيجي بقي للب الموضوع انا اصلا مرعوبة ملموضوع دا مش متخيلة اني ممكن اتجمل واتكلف فكلامي وتصرفاتي علشان اراضي ام زوجي المستقبلي المغفور له وأخته كمان
فعلا والدته هتقي ربنا فيها مهما عملت وعمري مهتخيل اني اقدر ازعلها او اقل ادبي عليها
هعاملها زي والدتي بظبط ...لكن للاسف اكيد هي مش هتفهم تصرفاتي زي موالدتي هتفهم.. وممكن ابقي بعمل تصرف بعفوية بس يزعلها لانها متعرفنيش كويس زي والدتي
ماذا تفعل لو كنت مكاني:b4_592::b4_592:
الموضوع ده للأسف موجود في بنات كتير فعلاً
ومعظم الحالات اللي صادفتها كانت بتبقى غيره من اخت الزوج حتى في الملابس
وفي كتير العلاقات بين الطرفين سيئه جدا والزوج في الآخر بيكبر دماغه من
الطرفين ويفضل انهم ما يتقابلوش خالص اعرف ناس كده قطع العلاقات ومريح دماغه
وحقيقي مش عارفه ليه البنت ممكن تغير من اخت زوجها او حماتها
ليه اللي بيحب حد ما بيحبش اللي بيحبهم ويراعيهم علشان خاطره
غالبا دي بتكون طبيعة شخصيه ونوع من انواع حب التملك والإستئثار بالزوج
وبعدين ايه المشكله لو أحد الزوجين استشار احد اطراف اسرته في قرار
هو معندوش اي خبره فيه ليه الحساسيه الزياده دي
لو انا مقتنعه او مش مقتنعه بقرار الزوج ايه اهمية هو رأيي مين في الأساس
الحاجه الوحيده اللي ممكن تضايق الزوجه لو الزوج موافق على حاجه خاصه بهم او بها
واتفقوا عليها مع بعض وبعدين بيغير رأيه ويرجع في كلامه نزولاً على كلام الوالده او الوالد
او الأخت والموضوع ده متكرر
ربنا يهدي النفوس