و الله العظيم حضرتك راجل طيب أوي
4 مرات في الاسبوع؟
قصدك 4 مرات في اليوم !!!
مانا عامل حساب الكلام ده...ووالله ماهستحملها يوم لانى لما باتنرفز (آجارك الله)...وماظنش انى هاكمل معاها
وبستغرب اوى من الازواج اللى مستحملين الستات دى ولما باقترح عليهم انهم يقولولهم انتى طالق(مرة واحدة بس عشان يعرفها قيمته)..يقولولى بنخاف من الفضيحة..ايه الفضيحة فى الطلاق..الست رجعت عن اللى فى دماغها اهلا وسهلا ..مارجعتش يبقى هى الخسراانة اكيد
ومتخافش انا لا عامل فيها برم ولا حاجة ..بس انا من النوع العقلانى اللى مابسمحش للعواطف انها تتدخل فى حياتى اى كان مع اى مخلوق و بجد كلمة طالق هاتخليها تفكر 1000 مرة قبل ماتعمل حاجة بعد كدة
انا مش باقول ان الكلمة دى تبقى زى اللبانة فى اللسان..انا قصدى تتقال مرة واحدة بس
واطمن خالص انا لا باجبر حد انه يحبنى ولا هابرمجه...وبحترم آراء الجميع و مؤمن بتضارب الافكار
والحمد لله الواحد عنده خبرة جامدة جدا فى الحاجات دىوعارف الستات بيفكروا ازاى من كتر ماسمعت طريقة تفكيرهم عن ازواجهم...اللى معظم الرجالة عمرهم ما سمعوها منهم
فكرة الموضوع حلوة جدا ة فعلا دى مشكلة بتواجة ناس كتير
بس الموضوع دةلية جوانب كتيرة جداااااااااااا ومتفرع و بترجع لشخصيات ناس كتير
وعلى حسب شخصيات كل فرد
لو هنتكلم عن جانب الزوى دايما بتقارن نفسها بأهل زوجها او فاهمة ان قراراتة كلها منهم
فا اللى وصلها المعلومة دى زوجها نفسة
لوهو شخصية قوية وهى واثقة انة مش بياخد رأى حد فا مش هتكون فى مشكلة
لكن سعات بردة ام الزوج بتقول كلام يوحى بكدة ودة لمجرد مضايقة الزوجة وخلاص
بس فى كلمة اقولها لكل طرف :
الزوجة : افتكرى دايما ان دى ام وانتى هتكونى مكانها فيوم من الأيام ولازم تعامليها على انها امك وتستحمليها ولو استحملتيها زوجك هيقدرلك دة ومترهقييش زوجك بكلام فاضى لأن فى الأخر دى امة واللى مالهوش خير فأمة مالهوش خير فجد وخليكى دايما الجانب اللى يرتاح نفسيا لية و الجانب اللى مش بيعمل مشاكل...
الزوج : عليك مسؤلية جامدة عشان انت اللى بتكون فى الوسط فا لازم تراضى الطرفين ومتجيش على طرف على حساب التانى عشان هيخلق مشاكل كتيرة جدا
ولازم تعرف ازاى تسايس امورك هنا وهناك وازاى تحبب الطرفين فبعض
أم الزوج : لازم تعرفى ان ليكى بنت هتتحط فمكان مرات ابنك وهيتعمل فيها زى ما هى بتعمل فى مرات ابنها
وكمان هى بكدة بتضايق ابنها مش بتريحة وبتخلقلة مشاكل وهدف اى ام هى سعادة وراحة ابنائها فا لازم تراعى كل دة
وبقول لو كل واحد اتقى الله وحط فبالة انه بيعامل ربنا وان فيوم من الأيام هيكون مكان الشخص التانى والله الكل هيرتاح
اناقايل( على الاقل) عشان محدش يغلطنى :C_laugh[1]:..مع ان اللى باشوفه قصاد عينى زى ماحضرتك بتقول بالظبط
جه الوقت اللى هاقولكوا فيه عالسر
فى الاجازات كلنا بنروح بيت العيلة بتاع والدى وعمامى وهناك بيبقى فيه 6 اسر وحماتهم
من ال6 اسر دول مش عاجبنى غير والدى لانه بيحب الهدوء جدا وعقلانى(وانا طالعله) و قليل جدا لما صوته بيعلى ومابيوصلش لزعيق كمان
والحمد لله ياما سمعت كلام الزوجات فى غياب ازواجهم لغاية مابنيت خبرة لا بأس بها...والله لو سمعتوا كلامهم لتشدوا فى شعوركوا وهاتتنقطوا من طريقة تفكيرهم..اللى ماتتوصفش غير بعقل ناقص وتفكير طفولى ساذج من غير مايتوقعوا ايه اللى ممكن يحصل من ورا التفكير ده...وعشان كدة باقول ان الحل هى تربيتهم بكلمة (طالق)
ربنا مايوريكوا الحاجات دى...الحمد لله انهم بيفكروا من وراكوا:C_laugh[1]:
بعض المشاركات الكلام فيها معقول و بعضها بره الموضوع
الراجل اتجوز و اللي كان كان و خلاص ........
بس فكرة شقة ايجار دي مش مقبولة خالص
الممكن دور في الفيلا بتاعته أو شقة في العمارة اللي قريبة منهم
حتة انه قراراته مش من دماغه دي هوه مش عارف يطلعها من دماغ مراته ....... يعمل ايه عشان تصدق ؟؟
مع ان فعلا الراجل قراراته من دماغه .......... بجد حاجة تغيظ ... طيب حتى لو كان هيه ايه اللي مضايقها قوي كده !!
برضه ليه دايما و طول الوقت هوه متهم بانه مهتم بوالدته و اخواته على حسابها ؟؟ طيب ما هيه اللي مش عايزه تروح بلدهم و تقعد فيها شوية و تروح مصر شوية ... يعني هوه اقترح انها تقعد مع عيلته اسبوعين تلاتة و تروح مصر اسبوعين تلاتة كحل وسط لحد ما ربنا يرزقهم اولاد و يبقوا في سن مدارس ساعتها يكون ربنا حلها بقى أصل مش معقول المواضيع هتطول لحد كده ... لكن برضه مش موافقة ...........
حاجة تحير مش كده برضه
اقولك على حاجه بجد و الله العظيم انا من اول الجواز باتصل بمامتى تلات مرات بس فى الاسبوع و المكالمه لا تتعدى ربع ساعه نص ساعه بالكتير ... مجرد اطمئنان على الامور و الصحه و بس لان انا الحمد لله اسرارى و اسرار جوزى بيننا و اصلا مامتى بترفض اى كلام يتحكى لها لانها ست متدينه و بتعتبر ان ده نميمه و غيبه و ان دى اسرار بيوت ما يصحش تتحكى .. حتى لو خلافات بسيطه .. هى نفسها مش بتحكى اى مشاكل تحصل لها غير نادر جداااااااا
و مش هاقولك الحياه بينى و بين جوزى وردى ... لا فيه خلافات و احيانا بتحصل مواقف سخيفه من ناحيه اهله
و حصللى مشكله جامده جدااااااااااااا مع احد الافراد اول جوازى و لم يتم التدخل من اهلى نهاااااااااائى الى جانب انى ماكنتش باحكى اصلا .. و الحمد لله رب العالمين اى موقف وحش من اهله باقبله بابتسامه او صمت و بالاقى الموقف بيعدى و اللى بيفضل ان مرات فلان مهذبه ... انا باخدها من منطلق ان ليه انكد على جوزى بسبب شخص سخيف مثلا تصادف انه من اهل زوجى .. ما العائلات فيها و فيها ... و الحمد لله يا رب على نعمتك انا جوزى مقدر جدا علاقتى الممتازه باهله و عارف انى باستحمل و باسكت علشان خاطره و ده بيخلينى اكبر فى نظره
الخلاصه ان اللى بيزرع حب عمره ما هيلاقى غير الحب .. صحيح فيه ناس رخمه و غلسه بس الخير دايما هو اللى بيبقى ده قانون ربنا فى الارض
و ربنا يهدى كل الازواج و الزوجات على بعض و ينور طريقهم
هو ممكن السؤال يبقه عكسي
اي تصرف هتعمله يخص حياتك انت وهياثر على حياتك انت بالايجاب او السلب وزوجتك شريكة حياتك يعني اي تاثير هايصيبك هايصيبها هي كمان ومش هايصيب لا والدتك ولا اختك وخصوصا الاخت لانها في الاخر ليها راجل او هيكون ليها راجل
اذن لما تكون محتاج رأي او مشورة مين اولى بالمشورة فيما يخص حياتك وحياة شريكة حياتك ؟؟؟ مين اولى بأتخاذ القرار من بعدك ؟؟؟ مين هيتأثر بقراراتك ؟؟؟
هاسيبلك الاجابة
سؤال تاني
اختك لو هتتصرف في حاجة معينة هتشور مين أنت ؟؟؟؟ ولا جوزها ؟؟؟ ومين اللي هايمشي عليها كلامه انت ؟؟؟ ولا جوزها ؟؟