لانسر متجمعه هنا فى مصر ولا اليابان

**Ahmed Anwer** · 12-03-2008 03:51 AM

بص هيا اشاعة قوية جدا في السوق ،،

و منتشرة ،، من زمان

انها مش انتاج ياباني أو علي الأقل مكوناتها مش بالكامل ياباني ،،

بس لازالت اشاعة و لا يوجد عليها دليل ،،

و ان كنت شخصيا عندي شوية ميل نحو تصديقها ،،

لأن عمرنا ما سمعنا عن مصنع ياباني بينتج الموديل القديم و الموديل الجديد في نفس الوقت

زي اللانسر حاليا

بس ده طبعا تكهنات بحتة ،،

**hazem_khidr** · 12-03-2008 06:30 AM

اللانسر ياباني و متقفله في اليابان
حكايه خليجي و مصري دي اختصار لكون العربيه جايه مستورده عن طريق دول الخليج او مصري بمعني جايه من توكيل ميتسوبيشي في مصر.
حتت ان 2008 متقفله في اليابان و لا لاء ممكن تشوف اي واحد شاري جديد و تشوف ورق الافراج الجمركي او ورقه الشحن اللي بتبقي علي الزجاج الامامي

**مصراوي جدا** · 12-03-2008 09:40 AM

الحقيقة في مصر للأسف الناس بتعشق الاشاعات واشاعة ان اللانسر مش ياباني دي اشاعة قديمة وموجودة من زمان رغم ان النهارده النت أصبحت بتتيح لأي واحد انه يتأكد من الموضوع ده بنفسه

أنا يا باشا باشتغل في التوكيل (شركة مصرية) ولو كانت اللانسر بتتجمع في مصر كنا اعلنا ده من زمان ودي حاجه متستخباش

موديلات الميتسوبيشي تجميعها كالتالي :

- الباجيرو - اللانسر 1300 و 1600 - اللانسر 1500 EX - أوت لاندر - جرانديز

كلها صناعة يابانية 100 %

- النص نقل L200 تجميع تايلاند

- الكولت صناعة أوروبية (هولندا)

بالنسبة للانسر فكونها في 2008 أصبحت موديلين لانسر عادية 1300 و 1600 ولانسر Ex محرك 1500 فده ميتسوبيشي اليابان اللي عملته مش الوكيل في مصر والدليل على كده ان لانسر 1300 و 1600 موديل 2008 بتتصدر لكل دول العالم والتجار في مصر بيجيبوها من الخليج

كلمة لانسر مصري ولانسر خليجي ولانسر أردني لا تعني تجميع مصر وتجميع الخليج انما عبارة مختصرة للتعبير عن اللانسر اللي بيستوردها الوكيل في مصر (شركة مصرية) من اليابان فهي لانسر مصري ، و لانسر خليجي يعني التجار في مصر بيشتروها من دول الخليج اللي شاريها بدروها من اليابان ، وكذلك الأردن مثل الخليجي.

أرجو تكون الصورة وضحت

مرفق صورة للورقة المعلقة على الزجاج الأمامي لعربية لانسر 1500 EX زيرو قادمة من اليابان بتوضح اسم الوكيل وبلده وميناء النزول والصناعة ثم بيانات العربية التفصيلية

**Xpert** · 12-03-2008 10:45 AM

ببساطه بص علي الاستيكر اللي عند القايم او علي الباب و شوف مكتوب عليه ايه .. المفروض بيكون مكتوب عليه ...

**CryptonX** · 12-03-2008 12:13 PM

تصليح بسيط لاستاذ a3reda

لفظ مصري او خليلي لا يعني انها مش ياباني

الانسر كلها ياباني - لما بنقول مصري معناها انها مواصفات مصرية و دي الي بيبعها التوكيل
لما نقول خليجي دي معناه بمواصفات خليجية ( دول الخليج ) ودي الي بتباع خارج التوكيل
بس الاتنين ياباني 100%

و في سيارات كتير كدة .. البيجو 307 و الكورولا مثلا .

**CryptonX** · 12-03-2008 12:16 PM

المشاركة الأصلية كتبت بواسطة Xpert

ببساطه بص علي الاستيكر اللي عند القايم او علي الباب و شوف مكتوب عليه ايه .. المفروض بيكون مكتوب عليه ...

او تحت الكبوت في بعد السيارات
بيبقى فيها لوحة معدنية " محفور " عليها شوية معلومات
زي وزن السيارة و رقم الموتور و شوية ارقام كدة و في الاخر بلد المنشأ .