الموضوع: أفضل الطرق لغسيل السيارة

المشاركة الأصلية كتبت بواسطة Megane

السلام عليكم
معلومات مفيدة يا باشا و شكرا لتعبك :):):)

المشاركة الأصلية كتبت بواسطة AYMANEZZE

انا جربته من يومان والنتيجة كانت ممتاذ جداجدا وشكرا لك

المشاركة الأصلية كتبت بواسطة faisal1975

انا جبته امبارح من رويال هاوس اللى جنب الميرلاند فى مصر الجديدة ب 3.85 جنيه ولسة مجربه انهارده بعد ما رجت من الشغل متشكر للأستاذ توت على الموضوع الجميل المفيد ده وان شاء الله تكون النتيجة كويسه وهو باين عليه ممتاز لما جربته ؟ كمان فى سفنج مخصوص لغسيل العربية ب حوالى 6 جنيه وجبت قطعة جلد غزال صناعى ب 16.75 جنيه المانى ممتازه هى اكيد مش زى الطبيعى اللى لاقته ب 45 جنيه بصراحه استغليته
؟

المشاركة الأصلية كتبت بواسطة okmijn

توت بية مسا ء الجمال


انتة باشا وعشرة علي عشرة
بجد ةاشكرك علي اهتمامك في كل المجالات

Many thanks for that nice topic and keen advice

العفو يا رجالة و الحمد لله أنه المنتج كويس و عجبكم و جاب نتيجة معاكم
ربنا يباركلكم في عربياتكم و يحفظ طريقكم

اولا شكرا لتوت باشا علي مواضيعه المتميزة دايما

العفو يا أستاذي الفاضل ...........

لكن استاذ عمرو اتأكد من البواب بيعمل ايه بالظبط لان فيه طريقة اسمها الفوطة الزفرة و هي طريقة تتلخص في وضع فوطة في الجاز لفترة ثم يتم شطفها بالماء ثم تترك لتجف و بعد ذلك تستخدم في تلميع السيارة بعد الغسيل و بالفعل بتلمع العربية و هي طريقة رخيصة و مش بطالة

الفوطة الزفرة دي ......... متعاصه جاز قديم و الجاز مش بيطلع بالمياه ......... و بقايا الجاز اللي هاتفضل في الفوطة برضه مع الوقت هاتقلل لمعة الدهان و تضيعه تدريجيا

انما بالنسبة لموضوع الشامبو معهلش يا جماعة و ان اختلف معي كثيرون لان مواضيع car care دي احنا لسه بدري علينا فيها و بعدين بلاش نجيب المنتج الامريكي فيه السوناكس الالماني مالوش حل لكن يا جماعة عشان حد يقنعني ان بالسعر ده 4,5 و مافيش فرق بينه و بين 45 جنيه اعتقد صعب جدا و بعدين السوناكس ابو 45 بيقعد سنة كاملة يعني حتلاقيه اوفر انمات بتاخد منتج معتمد و خاضع لاختبارات جودة عالية جدا و نتيجة استخدامه بتظهر فورا

بالنسبة لموضوع الشامبو المصري و المستورد
طبعا أدام المصري بيجيب نتيجة كويسة
يبقى ليه أدفع فلوسي علشان تخرج بره بلدي و منستفدش بيها ؟؟؟
و لو كلنا مشينا بمبدأ أحنا لسة بدري علينا
يبقى عمرنا ما هانتقدم ابدا لأن أنا و أنت نروح نشتري المستورد و نسيب المصري يبقى المصنع المصري هايقفل و مش هايتقدم و الأجانب يفضلوا أحسن مننا على طول

فرق السعر جاي منين ؟؟؟؟؟؟؟؟؟

منتج مصري ........... معلوهش جمرك و الأجنبي عليه جمرك
منتج مصري مصنوع بايدي عاملة أرخص و الألماني أغلى بكتــــــــــــــــــــــ ــير طبعا ( الأيدي العاملة في أوروبا ولعة )
منتج مصري مش مدفوع عليه شحن كبير
الأجنبي مدفوع عليه شحن و ضرائب في بلاده و جمارك و أيدي عاملة أغلى


مش دايما الأغلى أحسن ............... و مش دايما الأرخص أقل


و شوف زملائنا الأعضاء ..... كلهم مبسوطين منه و الحمد لله

على فكرة المنتج ده تم إنتاجه بالشراكة البريطانية
يعني برضه فيه شركة ذات خبرة مشاركة في المشروع

أشترى منتج بلدك الكويس و شجعه علشان نعلى بالبلد دي بدل عقدة الخواجة اللي هاتخليهم أحسن مننا على طول
و أشترى الكويس بس ............ السئ سيبه و متشتريهوش و بكدا تشجع الكويس أنه يتقدم و تعلم السئ الأدب


و تحياتي لك ........... و لكل من شكرني و لكل أعضاء المنتدى و إدارته :) :) :)

تسلم على الموضوع الجامد ده ,
انا كنت بدور على نوع الشامبو اللي أجيبه علشان احافظ على البوية ,
انا هشوفه في كارفور و ان شاء الله يكون كويس .

طب شكرا ليك يا استاذ توت بس بصراحة انا عمري ما غسلت العربية في القاهرة لما بنروح البلد اروح راكنها وغاسلها غسلة محترمة مية بس طبعا بسيبنب من كلام الاومو والاريل والبرريل طبعا


المهم انا لوجبته وشرحت للبواب البواب هايطفش اكيييييييييد طبعا فا ايه الحل في المشكلة ده

اقل البواب ويطفش ولا ايه وممكن يافهم بس هايخلص العلبة على العمارة اصله بيغسل كله على كله كل العربيات لو قعدت افهم فيه واقلي لا اعمل اضربه مع العلم هو بيغسل بامو او اي حاجة تعمل رغوة


اعمل ايه معااااااااااااااه

المشاركة الأصلية كتبت بواسطة Akram

تسلم على الموضوع الجامد ده ,
انا كنت بدور على نوع الشامبو اللي أجيبه علشان احافظ على البوية ,
انا هشوفه في كارفور و ان شاء الله يكون كويس .

اهلا بيك يا أستاذ أكرم .............
إن شاء الله هو كويس ...... و ربنا يباركلك

المشاركة الأصلية كتبت بواسطة cobraa2008

طب شكرا ليك يا استاذ توت بس بصراحة انا عمري ما غسلت العربية في القاهرة لما بنروح البلد اروح راكنها وغاسلها غسلة محترمة مية بس طبعا بسيبنب من كلام الاومو والاريل والبرريل طبعا


المهم انا لوجبته وشرحت للبواب البواب هايطفش اكيييييييييد طبعا فا ايه الحل في المشكلة ده

اقل البواب ويطفش ولا ايه وممكن يافهم بس هايخلص العلبة على العمارة اصله بيغسل كله على كله كل العربيات لو قعدت افهم فيه واقلي لا اعمل اضربه مع العلم هو بيغسل بامو او اي حاجة تعمل رغوة


اعمل ايه معااااااااااااااه

طبعا ما ينفعش البواب في الحوار ده خالص
لأنه بيبقى عايز يكروت الحاجة في دقيقتين و خلاص

أنت تنزل بنفسك تغسل العربية كل 15 يوم بالطريقة دي
و تسيب بقية الأيام للبواب يغسلها بمية عادية فقط بدون صابون أو أي منظفات ملابس أو أطباق
يعني مرتين في الشهر و الباقي سيبه للبواب بمية بس

و إن مسمعش الكلام

موضوع جاااااااااااااااااااااامد جدا جدا جدا.........

انا جربت رابيدو انهاردة يا استاذ توت ممتااااااااز .. و خلا العربية بتملع لمعان جميل و حسسني انها رجعت زيرو .. منتج مصري يستحق الإحترام .. شكرا علي النصيحة و الموضوع