معرفش ايه الفكر التخريبي اللى انت بتفكر فيه اليومين دول عايز تطلع علي القسم كل شوية(بتاخد عمولة علي المحاضر ولا ايه مش فاهم) وشوية تقوللي عايز ابني عشوائيات في العبور علي وش الشارع... انت ايه حكايتك بالظبط.:dontudear:
عرض للطباعة
أنا عن نفسي عمري عمري عمري مادفع فلوس في فرح
أجيب الناس يتفرجو عليا و أنا برقص زي الأهبل وبرقص مراتي
و لو مارقصتش أبقا خنيق و الفرح خنقة
لا ياعم الحج
إن شاء الله أنا في دماغي بدل ماعمل فرح هاجيب بفلوسة تكييف وتليفزبون lcd بالسوند أرروند ودش ورسيفر من اللي بيفك الشفره لوحد يامعلم ولو الفلوس كافت هجيب بلاي ستيشن 3 باشا باشا وبكده أنا هروح من الشغل جري على البيت وهي لما تسمع الكلام ده هتوافق إن شاء الله " يا رب "
هو أنا حد هينفعني بعد الفرح و الهيصة والعربيات والزفه و الأفلام دي
وعلى فكره بقى
لو سألت الناس إنت عملت فرح ليه مش هيعرف يرد
الرد اللي أنا باتخنق منه """" عايزين نفرح """" مش فاهم يعني إيه
وبقولك أهو أي واحد عمل فرح وفكر للحظة هيندم
وشكراً
اقول لخطيبى موش عارفة يوافق ولا لا بس من ردود الرجالة هنا بيتهيالى هايقتنع
اهلى تفكيرهم زيى محدش عنده صحة لتعب حفلة الفرح هههههههههه
فرح اختى كان كبير عشان هيا كانت عايزة كده موش احنا وعارف بقى بابا قال (على الرغم من معرفته برغبة اختى ) موش عايزين فرح عملها احلى فرح موش عايزين مؤخر اتكتبلها اكبر مؤخر فى عيلتنا ولاد الاصول بيبانو انما لوطلبت لبنتك واتشرتط هاتعرف منين اذا كان بخيل وابن ناس ولا لا ؟؟
طب حلو إن باباكي متفاهم و هو نفسه مش فارق معاه ..
المشكلة هتكون فى أهل العريس ...
ممكن تعملوا كتب كتاب فى قاعة كبيرة نسبيا و توزعوا مثلا بوفيه صغير كده .. اطباق فيها جاتوه مع كانز بيبسى أو حوادق أو حاجة كده .... أو مش لازم ممكن تبقى حاجات مقفولة و عصير ..
أنا عندي لاءات تلاتة زي لاءات مؤتمر الخرطوم كده :dontudear:
لا للفرح (يستبدل بعشاء لعشرين فرد على أقصى حد فى أي باخرة نيلية، وتبقى تلبس الفستان ساعتها)
لا للنيش والبوفيه والصالون الدمياطي المدهب (كل العفش هيبقى أمريكان)
لا للمضي على قايمة (وهفرش الشقة من أولها لآخرها ومش عايز منهم حتى منديل)
المهم إني لسه مجربتش الشروط دي على أرض الواقع لحد دلوقتي...ومش عارف هثبت على موقفي ولا لأ!
ربنا يستر :C_laugh[1]:
انا فعلا مظبط نفسي اني ان شاء الله هعمل حاجة كدا عائلية ... و بعد كدا شهر عسل يكون برة مصر .... بس مش عارف ساعتها الكلام هيتغير ولا لأ
المشكلة اني لما اتكلم مع اي حد اكبر مني يقوللي وقتها هتلاقيك بتحجز القاعة و بتعمل كل حاجة غصب عنك :(
انا بقول لصاحب الموضوع
عرفت كام واحد مقتنع بفكرتى:36_6_3[1]::36_6_3[1]:
انا شخصيا مش مقتنع بموضوع الفرح دا وشايل هم اليوم دا والله لانى مبطيقش جو الافراح.. بس للاسف بعد كل الكلام دا كلنا هنعمل افراح فى الاخر بسبب
1- العائله والاهل هيزنوا عليك زن ويقولوا يابنى عايزين نفرح بيك دا اليوم الى مستنينه..الخ الخ الخ.
2- ان 99.99% من البنات يوم الفرح دا عندهم بيبقى يومهم من الاخر ومن ساعه ما عرفوا ان فى فستان ابيض بيتلبس بيستنوا اليوم دا مخصوص كأن الفستان هياخدهم رحله عبر الزمن الى جزيره عم شخيشع بتاع المعيز.