وساعات بيبقى فيه عروض فى ايام الشتا وبتنزل اسعارهم كمان وكل واحد وامكانياته عملت فرح غالى حيتريقو عملت رخيص حيترقو
يبقى اعمل الى يفرحك انت وعروستك
عرض للطباعة
هو دة الصح اعمل حااجة علي قدي ومش لازم يكون مباالغ فيها قوي
يعنش مش اروح اعمل فرح ب20 الف جنية في ساعتين حرااااااااااااام
انا كنت هتجوز من غير فرح لان زوجي ماكنش معاه فلوس و كان عادي عندي جدا , المهم ان احنا كنا نكون مع بعض
هي الزوجه لما تحب زوجها ممكن تتنازل عن اي شئ
لكن اغلب البنات دلوئتي يقولوا اللي يتاخد رخيص يتباع رخيص
و للاسف ما بقيت عارفه ايه الصح
ان الزوجه تتقي الله في زوجها و تقف جنبه و لا لازم يكون تعب في انه يتجوزها علشان يعرف قيمتها ؟
بجد حضرتك قولتى المفيد
" المهم ان احنا نكون مع بعض" " الزوجه لما تحب زوجها ممكن تتنازل عن اي شئ "لو العريس عنده ظروف يبقى لازم البنت (الأصيله) تستحمله و تقف جنبه و تهون عليه, الظروف مش لازم تكون انه مش معاه فلوس ممكن يكون معاه فلوس و تكاليف الفرح بس عنده حاجه اهم او مفيده يعنى
" ان الزوجه تتقي الله في زوجها و تقف جنبه " اكيـــــــــد ده الصح و للأسف قليل جدا اللى بيفكروا كده و للأسف بيقولوا " اللي يتاخد رخيص يتباع رخيص " "لازم يكون تعب في انه يتجوزها علشان يعرف قيمتها" على فكره انا اعرف جوازه فشلت بعد اقل من شهر و كان الطلاق هو الحل الوحيد على الرغم من ان العريس كان متكلف فالشقه و فرشها و شبكه و مهر و و و و كان عمل فرح اقل ما يقال عليه انه خرافى بمبلغ ضخم جدا جدا و بعد كل ده الجواز فشل (و اكيــد كلنا بنشوف ده كتير)
مش الفرح او المصاريف اللى هتخلى الزوج يصون الزوجه, الموده و العشره و تمسكهم ببعض هو الحل
و بعد كده تلاقى الزوجه بتشتكى ان زوجها مش مهتم بها و بيعملها كأنها قطعه موبيليا, طيب ما انت اللى خلتيه يحس بكده من الأول, بقى عنده احساس انك جزء من ديكور الشقه (بس غالى شويه)
البنت و اهلها لازم يعرفوا انها مش سلعه تتباع و تشترى بالفلوس و يا ريت كل اب و كل ام قبل ما يطلبوا و يبالغوا قوى يفتكروا هما اتجوزا ازاى و بكام و فين ؟؟ و هل كان عندهم كل اللى بيطلبوه من العريس ؟؟ ولا ابتدوا بالمعقول او اقل من المعقول و بعد كده ربنا كرمهم ؟؟
حد سأل نفسه ليه جوزات زمان كانت بتستمر و بتصمد قدام ظروف الحياه الصعبه و جوزات دلوقتى لأ ؟؟!!
حرام الواحد يضيع كام الف علشان 3 اربع ساعات ملهومش اي لازمه بتخلي الناس تتفرج علي العريس والعروسه وهم بيرقصوا وفي الاخر محدش من المعازيم بيعجبوا حاجه
انا بنصح اي واحد داخل على جواز انه يروح احسن بفلوس الفرح اي مكان يتفسح فيه
لما 90 % منكم بيقول كدا
امال الافراح اللي مالية القاعات دي ايييييييييييييييييييييييي يييي
ناس تانية ملمريخ؟؟؟
ولاحنا بنتكلم بمنطق ونتصرف بمنطق تاني
احنا بجد فينا حاجة غلط
وبعدين ظروف اي اللي تلغي الفرح
اللي عنده ظروف يبقي لايقدر يعمل فرح ولا يسافر يعمل شهر عسل
في الحالة دي ممكن نتنازل عن الفرح لظروفه
انما انتم ملبداية بتخيرونا بين الفرح وبين شهر العسل فمكان كويس..
ودا معتقدش هتبقي ظروفه وحشة...يبقي اللي يتفقوا عليه الطرفين واهلهم كمان يمشي لان دي مش حاجة شخصية بين طرفين
لان مينفعش نقول دي حياتنا والاهل ميتدخلوش... لاطبعا
دي فرحة للاهل قبل متكون فرحة للعروسين..وحرام احرمهم منها
بكرة لما ولادكم تتجوز وتقولكم كدا هتحسوا بجد
سؤال بسيط,
ايه افيد انك تشترى عربيه او تغير عربيتك و ترحم نفسك و مراتك من البهدله ولا تعمل فرح ساعتين ؟؟
الظروف اللى كنت بقول عليها, كنت اقصد اى حاجه مفيده ممكن تستغل الفلوس فيها و تبقى استثمار و فنفس الوقت تنفع لو لا قدر الله حاجه حصلت
الأفراح اللى ماليه القاعات دى مش مقياس, شوف كام واحد متجوزش لسه علشان الظروف
و انا شايف ان كل اللى قالوا لا الفرح مش مهم (انا واحد منهم) بيتكلموا و بيعبروا عن وجهه نظرهم و محدش قال نمنع الأفراح اللى عايز يعمل فرح يعمل هو حر واللى مش عايز مش المفروض يبقى ضحيه لأسلوب تفكير معيين
هو ايه فالفرح يتماشى مع الدين ؟؟؟ بلاش عايز افهم الأستفاده من الفرح ايه ؟؟؟
على فكره انا كنت ففرح واحد صحبى و بصراحه الفرح كان متكلف كتير
و انا قاعد كنت مركز على المدعويين و بشوف بيعملوا ايه
ناس مش مركزه اصلا, ناس معترضه على افراح دلوقتى و حكايات بقى عن زمان و ايام زمان, ناس مش عجباها الدوشه, ناس قاعده ترغى مع بعض فأى مواضيع, زملاء العريس فالشغل قاعدين يتكلموا على الشغل, الأقارب و خلافتهم, النقاد و المقارنين, و حاجات كتير قوى و للأسف المشهد دا بيتكرر فكل فرح
ميين بقى اللى بيفرح ؟؟
تمام
يبقي دي مسمهاش ظروف يفندم دا يبقي اسمه deal
وللطرف الاخر حرية اختيار عربية جديدة او فرح ومتسخرش من طلبها دا
مش لازم اولوياتك فلحياة تبقي هي نفس اولوياتها
ومش معني انها اختارت فرح وبدته عن شهر عسل او عربية جديدة تبقي هي بنت تافهة ودماغها فاضية