الموضوع: fuel cell vehicles او المركبات العاملة بخلية الوقود

موضوع جديد

من التقنيات الجديدة الجميلة جدا لو اتطبقت ...
احلى حاجة فيها ... ان عادم السيارة هو ماء فقط ... ايوا شوية مية من الشكمان و خلاص ههههههههه
قبل ما نشرح التقنية دي ... نقول تاريخها و امتى ظهرت :

-اول واحد عمل الموضوع ده عمله في جرار .. بس مكانش صالح للمشي على الطريق و يمشي مسافات قليلة اوي و كان اسمه اليس ( Allis-Chalmers Fuel-Cell Tractor)
اول واحد عمل الفكرة دي كان الحاج فرنسواه اسحاق سنة 1807 و عملها في موتور مركب ( شكله كان غاوي صيد)
- بعدين شركة جينيرال موتورز سنة 1966

- بعدين تويوتا في سنة 1992 و بدات تتباع سنة 2002 ( عربية جيب كده ملهاش اسم بس مكتوب عليها FCHV-adv اللي هو اختصارها بالانجليزي)

- و في الاخر هوندا سنة 2008 ( هوندا اف سي اكس كلاريتي) ...


طيب ... حلو الكلام ... ليه الاختراع ده مشفش النور من سنة 66 لحد 2002؟ و ليه مش منتشر ؟

ببساطة ... دي مواتير بتحتاج هيدروجين عشان تشتغل .. كفائة خلايا الوقود محدودة عشان ببساطة : الطاقة اللازمة لفصل الهيدروجين من المركبات الطبيعية (زي الماء و الغاز الطبيعي ... الخ) + ضغط او تسييل الهيدروجين الفصول + نقله للمستخدم + فقدان الطاقة اللذي يحدث عند تحويلها الي كهرباء مفيدة داخل خلية الطاقة يترك حوالي 25% بس للاستخدام العملي ... يعني من الاخر حتدفع اكتر من ما حتستفيد ...

خلية الوقود بتتكون من : اليكترولايت ( منحل كهربائي) و انود و كاثود
طريقة العمل تقريبا زي البطارية العادية بس بدل ما تشحن كهربا اشحن هيدروجين ..
في انواع كتير من خلايا الوقود و منها : ( متوجعوش دماغكم ناس كتير مش حتفهم الحتة دي )
1)Polymer Electrolyte Membrane (PEM) Fuel Cells
2)Direct Methanol Fuel Cells
3)Phosphoric Acid Fuel Cells
4)Molten Carbonate Fuel Cells
5)Solid Oxide Fuel Cells
6)Regenerative Fuel Cells

التقنيات اللي زي العربيات الهجينة و العربيات اللي بتشتغل بخلية الوقود اتعملت عشان احنا بنواجه ازمة كبيرة ...
تعرف مثلا
ان في 2009 60% من البترول في امريكا استخدم بس للسيارات ؟
و ان 30% من الغازات السامة المنبعثة م الاحتراق كان مصدرها السيارات ؟


العربيات دي طبعا ميزتها كبيرة و هي ان مفيش انبعاثات ضارة بس غير العيب اللي قلته قبل كده في عيبين تانيين ممكن التغلب عليهم وهم الحرارة الناتجة و الميه و ممكن نسبة هيدروجين تنبعث برضه مع الميه ...

و اخيرا ... و زي كل مرة : الفيديو اللي يوضح ( اسهل من الرغي الكتير ده كله )


[youtube]http://www.youtube.com/watch?v=sR17PghbhZg[/youtube]


مشكورين على وقتكم ...