انا عندى سماعات التسجيل بتاع البيت عايز اركبهم فى العربية ازاى غشان هما ليهم مخرج عامل واى مخرج الاوديو فديو اكييد فهمتوا قصدى:U_thin1[1]:
عرض للطباعة
انا عندى سماعات التسجيل بتاع البيت عايز اركبهم فى العربية ازاى غشان هما ليهم مخرج عامل واى مخرج الاوديو فديو اكييد فهمتوا قصدى:U_thin1[1]:
ازاى بقى عشان انا اتسوحت ومش عارف فقولت مافيش غير خبراء القسم ده اللى هيفدونى
طيب و انت عايز تحط سماعات فى العربيه ازاى ؟
مش هما السماعات بتاعت الهاى فاى ؟!
دى كبيره اصلا
غبر كده لو عايز توصلها لازم تقطع الوصله
و الوصله وصله اوديو بس
مش اوديو فيديو
يعنى راس واحده مش 2 ولا 3
صح ولا ايه ؟!
صوتهم مش حايعجبك علشان حايبقى ضعيف و مكتوم لان سماعات البيت 8 اوم مش 4 اوم زي سماعات العربيات
و كمان حايبقوا حمل عالكاسيت و لو عليت الصوت عليهم لفترة الاي سي بتاع تكبير القدرة (اي سي الصوت) في الكاسيت حايسخن جامد وممكن يطير
صور السماعات ومداخلها بالموبايل و ارفع صورتهم هنا نشوفهم
و ياريت مواصفاتهم من على ضهر السماعه او من كتالوج الكاسيت مثلا
اولا احب اعرفك اني مهندس اتصالات
ثانيا معني الحمل زاد ان التيار اللي ماشي فلدايره زاد مش المقاومه زادت وانت لو خدت بالك في بعض المواضيع هنا بيتكلموا علي السمعات الجي بي ال وانها 2 اوم وبتسبب تلف ليل هيد يونت وكان في موضوع عن الكلام ده ولو فتحت الكتالوج بتاع الكاسيت البيونيير هيقولك توصل سماعه واحده 2 او و 2 4 اوم او ال4 4 اوم
حاجه تانيه ليه لما تعمل قفله فلبيت مفتاح الفيوز بينزل بلاش العربيه الفيوز بيتحرق لة حصل افله يعني وصلت الطرفين ببعض يعني المقاومه بئت صفر والتيار بقي تقريبا مالانهايه والفيوز بيستحمل 10 امبير مثلا فبيتحرق
وبالتالي نستنتج ان المقاومه لما تزيد التيار يقل يعني السمعات ال8 اوم هيمر فيها تيار اقل من ال4 يعني الصوت هيضعف
ارجو ان تكون الفكره وضحت
وانا اولا احب اعرفك اني متخصص صوتيات و Harman - Audio Solutions certified
و اني شغال في مجال ال Consumer Electronics & Car and Home Audio من سنة 99 منهم 3 سنين مدير مبيعات جي بي ال لشمال افريقيا وكان من مهام شغلى تدريب موظفي المبيعات و فنيين التركيبات و مدهم بالمعلومات التقنية و تحديثهم و متابعه مشاكل العملاء و الصيانة وخلافة بجانب متابعه الوكلاء و مبيعات منتجات الشركه, بخلاف كذا ماركة تانية غير منتجات Harman (JBL, Infinity & harman/kardon زي Peeker Sound, Gem Sound, AKG , Extreme Audio
يعني كلامي مش من فراغ و انما من دراسة و خبرة سنين في الصوتيات و بشهادات وكورسات حاصل عليها من كبرى شركات الصوتيات برة
فية فرق كبير بين انك تتكلم على تيار البيت و انك تعمل قفلة عن انك تتكلم عن سماعات ليها مقاومة ووات, و ان السماعه لما تكون 2 اوم انا معاك انها ممكن تسبب مشاكل لانها لو القدرة اللي داخلة عليها عالية حاتسبب سخونة الملفات بسرعه عن ال 4 او ال 8 اوم و سخونة الملف تسبب ان الورنيش اللي عازل للملف النحاس يبتدي يسيح و يبتدي تكتر التلامسات بين نقاط في الملف تؤدي ان الملف يسخن زيادة و مقاومتة تقل نتيجه التلامسات دي و تزداد السخونة زيادة و لغاية ما يتحرق الملف
لكن السماعه لما تبقى 8 اوم مقاومتها العالية تبقى حمل عالكاسيت او الهيد يونيت اللي مش قادر ديها التيار الكافي للتشغيل يعني ان لو الهيد يونيت او الامبليفير بيطلع 100 وات قدرة تناسب سماعه 4 اوم
لكن انت لو وصلت سماعه 8 اوم بالتالي هنا انت اقصى قدرة تحصل عليها هي 50 وات فقط و العكس بالعكس لو سماعه 2 اوم يبقى تقدر تشغل سماعه 200 وات على نفس الامبليفير لان ال 100 وات لتشغيل سماعه 4 اوم يعني انة على سماعه 2 اوم انت تقدر تشغل الضعف 200 وات و بالتالي هنا لو السماعه مقاومتها عالية يبقى الامبليفير مايقدرش يديها القدرة المطلوبة و تبتدي IC الباور في الامبليفير تسخن و ممكن تفلت DC لو الامبليفير مش MOSFT
الخلاصة انة انت لما بتوصل سماعه 8 اوم انت بتحصل فقط على نص القدرة اللي ممكن تحصل عليها من نفس الامبليفير عند توصيلة بسماعه أوم
يا رجالة فككوا من التخصصات فيه حل بس مجازفة شوية و منصحش بيه لأنى لسه مجربتوش و هوا جهاز بـ150 جنيه إلى 250 جنيه بياخد من العربيه و بيطلع 220 فولت بس بيشغل حاجات بسيطة كدة ممكن يشتغل عليه سماعات كمبيوتر و سى دى بلاير يكون بتاع فيه جاك على نفس حجم وصله السماعات و كل عام و أنتم بخير
ياجماعو انا ركبت السماعات والمفاجاة صوتخم تحفة ومدينى بييز وكمان لو جبت جى ام هتبقى خرااب بجد
مبدئيا أهلا بيك
لكن عندى شوية أستفسارات
أولا : نوع السماعات إلى عندك أية (كرييتف - هامر - تايجر - ....... إلخ)
ثانيا : نوع الكاسيت
ثالثا : أزاى ركبتهم و أية الأسلاك و الجاكات إلى أحتاجتها فى التركيب
رابعا : أزاى جى أم يركب على سماعات كمبيوتر ؟
خامسا : الموضوع دة أتكلف كام (السماعات - الكاسيت - التركيب) و هل النتيجة زى الساوند سيستيم الكينود و البايونير و هكذا؟
سادسا: لو فيه حاجة تانيه نسيت أقولها قولهالنا عشان الأفادة تعم على الجميع
و ألف ألف شكر مقدما لأنى مش بدخل الأيام دى كتير
bos ya kbeeeeeeeeeeeeer elno3 ma3rfoosh 3shan ma5abeesh 3leeeeeeee
الحاجات اللى احتاجتها سلك كهرباء اللى هو بتاع التوصيل بس والكاسيت بتاع العربية
وكمان الراجل خد 10 جنييه وخليته كمان يركبلى لمبة ليدات وكل ده بعشرة جنيه وكمان السمعات تحفة مديانى بييييز وصووت نقى ده انا ياجدع كنت بسنع صوت زبالة لما اعلى دلوقتى صووت نقى وجامد ولو انت جوا العربية اكنك قاعد فى دجى الجى ام انت ممكن تركبوا فى الكمبيوتر ومعلومات انى ممكن يركب فى اى حاجة بطلع صووت اوك بس ازاى معرفش التركيب بس هجييب الراجل اللى عملى السماعات دى اوك
وانا مركب سماعات عادية فى البيبان جيبهم 100 جنيه ب سجامدين بردو