المشاركة الأصلية كتبت بواسطة cryptonx
نصيحة اخوية ...
انا عندي 26 سنة داخل على 27 , متزوج بقالي سنة بدون اولاد لسة ...
و كنت في نفس موقفكم بالظبط .. و حجيب منين و حعمل ايه .. , و حعيش ازاي .. ( خصوصا ان اهلي كانوا بيمروا بصروف سيئة جدا و تقريبا انا الي عملت لنفسي كل حاجة بنسبة 95% و البركة في الي جاي في السطور القادمة ... )
طبعا البركة و الرزق الي بييجي و الكلام العسلي ده بصراحة على اد ماهو صح .. بس صدقني مش ده الاساس ...
الاساس كله ,, لا في مرتبك و لو انه سبب برده مهم .. ,لا في عدد ساعات عملك .. ,ولا في نوع عملك و لا شبكتك و لا شقتك ولا حتى دينك اذا كنت مسلم او مسيحي ....
الاساس كله في الزوجة الي انت اخترتها ... و اهل الزوجة الي انت اخترتها و حط تحت الكلمة دي 1000 خط .
دي الي حتفرق معاك .. و دي الي حتحسسك انك لو بتبقبض 10 جنيه زيها زي ال 10000000 جنيه و دي الي حتقف جنبك في الاول لو لسة مش عارف تكون نفسك .
صدقني الست الي حتقف معاك او حتقبل تتزوجك هي الفارق الاساسي و الرئيسي في اي شيء .. حتى انت كنت اغنى الاغنياء و مرتبك فلكي و مش معاك كام عربية و كام مسكن و شاليه ... لو الزوجة مش صالحة او مش مناسبة ليك ... ولا حتحس بقيمة او طعم اي حاجة ....
والحمد الله على كل شيء طبعا - ده اهم اختيار حتختارو في حياتك .. اهم من اي شيء اخر صدقني .