أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**elassar2010** · 12-09-2010 11:58 AM

المشاركة الأصلية كتبت بواسطة M.almaghraby

الي بيتجوز المفروض يبقي واثق او عامل حسابه بنسبة كبيرة انه يفضل في نفس المستوي المادي الي كان عليه قبل الجواز

و يقدر يعيش شريكته في نفس الوضع دا

"

كلام مستحيل طبعا
لان لو حضرتك مرتبك 1000جنية فى بيت اهلك فاانت بتصرفهم فى الخروجات واللبس فقط وقاعد فى بيت اهلك بتاكل وبتشرب مجانا وبتتامر عليهم كمان

انما لما تروح بيتك 1000جنية دول مصروف البيت كلة
مصاريف الاكل والفواتير واللبس
ومصاريفك ومصاريف زوجتك الشخصية

يعنى مستواك هيقل جداااااااا

**dr.amr** · 12-09-2010 06:17 PM

المشاركة الأصلية كتبت بواسطة zakiali

بصوا يا شباب من رأيي أن الواحد لما ييجي يجوز لازم يبقي أسد .. مكفي بيته ماديا ومعنويا يعني ميبقاش خرع وشكله يكسف قدام مراته وأهاليهم .. غير كده يبقي ميفكرش في الموضوع ده خالص .. وده مش كلامي ده كلام سيد الخلق سيدنا محمد صلي الله عليه وسلم .. ( من استطاع منكم الباءة فليتزوج .. ) .. يعني من الاخر اللي معاه فلوس ويقدر يصرف يتوكل علي الله .. غير كده مايفكرش .. أيوه ميفكرش خالص انه يجوز .. انا ما فكرتش اني أجوز غير لما خلصت امتاحانات الماجستير واشتغلت في مكان محترم وجبت عربية .. الحياة مش ناقصة بؤس أكتر من البؤس اللي الواحد عايشة لوحده .. يعني فعلا أوعي تخلي الهم همين !! مش هتعرف تعيش وهتندم في وقت ميفدش فيه الندم .. وسعتها الخسارة هتبقي كبيرة أوي.

وربنا يرزقنا بالحلال ويوسع علينا جميعا ويخرجنا من هذه البلدة الظالم أهلها .

بس انت كده اتجوزت عندك كام سنه ؟؟

**hazoom2006** · 12-09-2010 06:31 PM

اية يا جماعه حوار الدهب الصينى دة ؟؟؟بكاااام وعامل ازاى

**factorialx** · 12-09-2010 07:17 PM

يعني إيه دهب صيني

هو الدهب القشره يعني و لا إيه

**zakiali** · 12-09-2010 10:54 PM

المشاركة الأصلية كتبت بواسطة dr.amr

:m_yes[1]:

بس انت كده اتجوزت عندك كام سنه ؟؟

30 سنه

**i_Am_Legend** · 13-09-2010 01:07 PM

الدهب الصينى..
انت ممكن تشترى شبكة كاملة غويشتين تلاتة وبدلة وخاتم ومحبس ب200 جنيه ولا حاجة-وهاتلى اجدعها ست ولا بنت تقدر تفرق بينة ومابين الدهب-إلا لو مسكت الغويشة من جوة وبصت على الختم ودة كمان بقى بيتضرب.
انا واحد صاحبى خطب بدبلة وخاتم ومحبس و4 غوايش صينى _طبعا العروسة واهلها عارفين_وكل الناس فى الخطوبة كانوا منبهرين طبعا_وماحدش فاهم حاجة.انا نفسى خطبت بدبلة وخاتم ومحبس_خطيبتى صيدلانية كمان.
علشان ممكن تلاقى واحدة تعملك فيها كاميرون دياز_وتقولك انا دكتورة_مهندسة_مش عارف خريجة جامعة مين_كلة زى بعضة.

**hazoom2006** · 13-09-2010 01:38 PM

شبكة ب200 جنيه طب مالجواز بقا فى تسهيلات اهو

طيب ادى مشكلة الشبكة اتحلت فاضل اية الشقة نستنى شوية الصين هتعمل شقق رخيصة او تعملنا فكرة جديده

وربنا يخليلنا الصين

**blazer** · 13-09-2010 03:14 PM

المشاركة الأصلية كتبت بواسطة hazoom2006

شبكة ب200 جنيه طب مالجواز بقا فى تسهيلات اهو

طيب ادى مشكلة الشبكة اتحلت فاضل اية الشقة نستنى شوية الصين هتعمل شقق رخيصة او تعملنا فكرة جديده

وربنا يخليلنا الصين

ياريته كان بقى ب 2000 والناس يرضوا بيه
اعتقد اغلب ومعظم العائلت مش هيرضوا بكد الا من رحم ربى

**i_Am_Legend** · 13-09-2010 05:28 PM

يارجااااالة _فهمتوا غلط_دبلة وخاتم ومحبس_دهب اصلى_تمنهم فى حدود_2000-2500_و4غوايش مثلا_او سلسلة_او_اسورة_او_أنسيال_دو� �_لزوم_المنظرة_قدام الناس_فى_حدود_200 جنيه_وماحدش بيعرف يفرق_انتم طيبين قوى_هو فى واحدة هاترضى بشبكة ب200 جنيه برضة.والله يا شباب احنا غلابة قوى.

**power** · 14-09-2010 03:57 AM

لازم تتعب ششويه في اول حياتك

الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

لما تقبض مرتبك بتعمل ايه

النتائج المترتبة على الزواج الثاني ردا على موضوع منافع الزواج الثاني

لسة بتاخد مساعدات مادية من أهلك؟

قسط السيارة كم % من مرتبك

الكلمات الدلالية لهذا الموضوع

المفضلات

المفضلات

ضوابط المشاركة