أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**i_Am_Legend** · 14-09-2010 04:20 AM

يا شباب_من رأى منكرا فليغيره..أى بنت هاتتنك هى او مامتها فى الشبكة_يبقى تقولها شكرا _انا اسف_وخليها قاعدة جنبها_ما حدش لاقى جواز_الشباب متفيرس_وماحدش معاه_لما حماتك تتنك_تقولها ايه؟_خليها تصدى وموديلها يعدى_صدقنى هاتوافق فى الأخر_جرام الدهب ب195 جنيه.يعنى اقل دبلة 5 جرام مثلا_تدخلها فى800 جنيه_وهى وصباعها بقى_ممكن تطلع 7 جرام_واشرب انت بقى.

**magyver** · 14-09-2010 04:34 AM

والله انا واصحابي كنا قاعدين النهاردة وبنتكلم في الموضوع دة
وكل كان قاعد يفلص عن نفسة ومعارفين هايعملوا اية
منهم اللي خلص الجيش ومش لاقي شغل ومنهم اللي شغال بمرتب400 جنية يعني ش بيكفية هوة لوحدة وكل ياس من حيااتة ومش عارفين نعمل اية المرحلة اللي جاية دة

**i_Am_Legend** · 14-09-2010 04:37 AM

الشباب مش متخيل الموقف:
مشهد رقم 1:انت قاعد ضارب بدلة وداخل بعلبة شيكولاتة فى سكة سبعيناية ولا حاجة_او هات جاتوة احسن_وقاعد بتشرب شاى بالياسمين_هما بقى هايقولولك انت عايز تجيب ايه _وتبقى مرسى اهلك على
الحوار_علشان ماحدش هايتدبس غيرك_كلة هايخلع_وانت اللى هاتدفع_بص هما هايحاولوا يدبسوك_بشياكة_هايقولك الشبكة هدية من العريس_انت بقى شاب من نايل موتورز _مش شاب زغلولى_تقولة ياعمى_الدهب_غالى_والجرام بكذا_يعنى حتى لو دفعت 1000_مش_هايبانوا_وانا لسة متخرج_وبتاع_مامتها طبعا_هاتبقى قاعدة بتأمرك وتعمل دريفتات فى الكرسى_قولة دبلة وخاتم ومحبس ب2500_هايبقوا تقال_وحلوين_الاتفاق على العفش_لازم تبقى قدة_ماترميش كلام_الغلطة بفلوس_والعفش غالى_نصيحة من اخوكم_ركز فى غرفة النوم والانتريه_وهما يشيلوا الاجهزة.دة لو شقتك غرفتين_لو3_ابقى شيل حاجة معاهم_غرفة اطفال_او سفرة_والحاجة دى هاتتنفخ فيها لانها غلية_وهاكتب تانى واقولكم متوسط الاسعار.بس ايدى وجعتنى_وانا بكتبلكم من الموبايل.

**adel1414** · 14-09-2010 07:09 AM

المشاركة الأصلية كتبت بواسطة i_Am_Legend

الشباب مش متخيل الموقف:
مشهد رقم 1:انت قاعد ضارب بدلة وداخل بعلبة شيكولاتة فى سكة سبعيناية ولا حاجة_او هات جاتوة احسن_وقاعد بتشرب شاى بالياسمين_هما بقى هايقولولك انت عايز تجيب ايه _وتبقى مرسى اهلك على
الحوار_علشان ماحدش هايتدبس غيرك_كلة هايخلع_وانت اللى هاتدفع_بص هما هايحاولوا يدبسوك_بشياكة_هايقولك الشبكة هدية من العريس_انت بقى شاب من نايل موتورز _مش شاب زغلولى_تقولة ياعمى_الدهب_غالى_والجرام بكذا_يعنى حتى لو دفعت 1000_مش_هايبانوا_وانا لسة متخرج_وبتاع_مامتها طبعا_هاتبقى قاعدة بتأمرك وتعمل دريفتات فى الكرسى_قولة دبلة وخاتم ومحبس ب2500_هايبقوا تقال_وحلوين_الاتفاق على العفش_لازم تبقى قدة_ماترميش كلام_الغلطة بفلوس_والعفش غالى_نصيحة من اخوكم_ركز فى غرفة النوم والانتريه_وهما يشيلوا الاجهزة.دة لو شقتك غرفتين_لو3_ابقى شيل حاجة معاهم_غرفة اطفال_او سفرة_والحاجة دى هاتتنفخ فيها لانها غلية_وهاكتب تانى واقولكم متوسط الاسعار.بس ايدى وجعتنى_وانا بكتبلكم من الموبايل.

**i_Am_Legend** · 17-09-2010 03:27 AM

كنت قاعد مع واحد صاحبى فقرى_الولد شغال شغلنتين_وشكلة بقى عامل زى ابو الليف _بتاع انا كينج كونج_بقولة يابنى مالك ايه القرف دة_قالى بكرة تتجوز وتعرف_قالى يادوب المرتبين بيقضوا_ايجار_وأكل_ومواصلات. قالى كلمتين :صعب ان شاب_يفتح بيت بمفردة_لازم يبقى حد فى ضهرك_سندك لو وقعت_ولازم تعرف انك هاتستغنى عن حاجت كتييير كنت متعود عليها فى حياتك.

**i_Am_Legend** · 17-09-2010 03:39 AM

واحد تانى معاه عربية 127توب _كان مظبطها قبل الجواز_على طول تتخبط يسمكرها _خربوش يترش_أى قرد يظهر فيها بيتصلح_غير بقى الاكسسوارات_والبنزين ال90 وساعات 92.دلوقتى تشوفة بعدها ب6 شهور_العربية بقى دايس عليها قطر_الفوانيس الخلفية مافيش بدون وش_حاشر الزجاج بمفك_شبكة حقيرة على السقف_ما بتتغسلش تقريبا_بنزين 80 طول الوقت_البوجيهات يفكها وصنفرها_ العربية بقت زى العبد_متسخرة للخدمة الشاقة_ليه ومراتة وحماتة وشنط السوق_ومراتة بتخمس فيها معاه.حبيب قلبى_يجى يبص على عربيتى ويقولى اضحك اضحك_بكرة هاتنزلها على اسمك فى البطاقة.

**amir** · 17-09-2010 03:45 AM

المشاركة الأصلية كتبت بواسطة i_am_legend

كنت قاعد مع واحد صاحبى فقرى_الولد شغال شغلنتين_وشكلة بقى عامل زى ابو الليف _بتاع انا كينج كونج_بقولة يابنى مالك ايه القرف دة_قالى بكرة تتجوز وتعرف_قالى يادوب المرتبين بيقضوا_ايجار_وأكل_ومواصلات. قالى كلمتين :صعب ان شاب_يفتح بيت بمفردة_لازم يبقى حد فى ضهرك_سندك لو وقعت_ولازم تعرف انك هاتستغنى عن حاجت كتييير كنت متعود عليها فى حياتك.

المشاركة الأصلية كتبت بواسطة i_am_legend

واحد تانى معاه عربية 127توب _كان مظبطها قبل الجواز_على طول تتخبط يسمكرها _خربوش يترش_أى قرد يظهر فيها بيتصلح_غير بقى الاكسسوارات_والبنزين ال90 وساعات 92.دلوقتى تشوفة بعدها ب6 شهور_العربية بقى دايس عليها قطر_الفوانيس الخلفية مافيش بدون وش_حاشر الزجاج بمفك_شبكة حقيرة على السقف_ما بتتغسلش تقريبا_بنزين 80 طول الوقت_البوجيهات يفكها وصنفرها_ العربية بقت زى العبد_متسخرة للخدمة الشاقة_ليه ومراتة وحماتة وشنط السوق_ومراتة بتخمس فيها معاه.حبيب قلبى_يجى يبص على عربيتى ويقولى اضحك اضحك_بكرة هاتنزلها على اسمك فى البطاقة.

كلامك و اصحابك يشجعو جدا جدا
بس مش علي الجواز
فرفش شويه و هاتلنا شويه اخبار حلوه

**i_Am_Legend** · 17-09-2010 04:06 AM

صدقونى انا شكلى هاكبر_واسيبها زى ما تيجى تيجى.انا معقد نفسى ليه_بلا جواز بلا قرد.انا كدة زى الفل ياعم الحاج.

**i_Am_Legend** · 17-09-2010 04:08 AM

اللى ايدة فى المياه مش زى اللى أيدة فى النار.

-

الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لما تقبض مرتبك بتعمل ايه

النتائج المترتبة على الزواج الثاني ردا على موضوع منافع الزواج الثاني

لسة بتاخد مساعدات مادية من أهلك؟

قسط السيارة كم % من مرتبك

الكلمات الدلالية لهذا الموضوع

المفضلات

المفضلات

ضوابط المشاركة