ارجوكم المساعده فى هزه جامده فى العربيه بتبتدى من 80كم

السلام عليكم .... كل عام وحضراتكم بخير
المشكله ان انا من ساعه ماجبت العربيه او من اول حادث (مش فاكر بالضبط) وهو فى هزه فى الدركسيون على سرعه 90 الى 120 وبدأت تزيد ورصصت كذا مره والعيب مبيروحش .... لحد ما روحت لواحد ( بعد ما وصلت 35000 كم) غيرلى كاوتش لعجله من العجلات بواحد استعمال والحال اتظبط بنسبه 70 % .... المهم لسه مغير طقم كاوتش كامل ميشلان على 45000 كموقلت خلاص وداعا للهزات وررصصت اذ افاجأ بهزه جامده فى العربيه كلها مش من الدركسيون بس من سرعه 80 وطالع وروحت ارصص تانى االراجل ورانى الجهاز وهو جايب صفر على كل عجله .... ياترى ايه الحل انا هتجنن

انا رايي ان ده ممكن يكون من لوحة في جنط من الجنوط بس كانت هتبان ساعة الترصيص او لوحة في طنبورة من الطنابير وديه مش هتبان من الترصيص وابقى طمنا لما المشكلة تتحل.

اعتقد عندك بوش فى علبة الاسكترا ) الدركسيون ) ام الهزة لو كانت فى الطوالي مع بداية السحب من بداية انطلاق السيارة يبقي كبالن والله اعلم

شوف كده ممكن يكون ترصيص والله اعلم

اقتباس:

---

المشاركة الأصلية كتبت بواسطة maged george

انا رايي ان ده ممكن يكون من لوحة في جنط من الجنوط بس كانت هتبان ساعة الترصيص او لوحة في طنبورة من الطنابير وديه مش هتبان من الترصيص وابقى طمنا لما المشكلة تتحل.

---

+11111111111111

يعني لما حضرتك جبت طقم الكاوتش الهذة اختفت. وبعد أما رصصت رجعت في العربية كلها ؟

اولا كل عام وحضراتكم جميعا وسياراتكم بخير .... والف شكر لكل من ساهم فى هذا الموضوع

اقتباس:

---

المشاركة الأصلية كتبت بواسطة maged george

انا رايي ان ده ممكن يكون من لوحة في جنط من الجنوط بس كانت هتبان ساعة الترصيص او لوحة في طنبورة من الطنابير وديه مش هتبان من الترصيص وابقى طمنا لما المشكلة تتحل.

---

احتمال وارد وخاصه ان العربيه لما كنت برصصها قبل كده عمرها ماكانت بتتظبط 100% وكان العامل يقولى ان الجنوط فيها حاجه وكمان انا روحت لميكانيكى امبارح رفع العربيه من قدام دورت العربيه وبص على العجل وهو بيلف وعلى كلامه ان في رفه فى العجل بسبب الجنوط

اقتباس:

---

المشاركة الأصلية كتبت بواسطة m3touk_85

اعتقد عندك بوش فى علبة الاسكترا ) الدركسيون ) ام الهزة لو كانت فى الطوالي مع بداية السحب من بداية انطلاق السيارة يبقي كبالن والله اعلم

---

ممكن تكون من الأسكترا وربنا يستر وخاصه ان فيه خبط بسيط فى علبه الدركسيون فى الأماكن المكسره اما بالنسبه للكبالن ففعلا غيرتها عند الميكانيكى ولم يتغير شئ

اقتباس:

---

المشاركة الأصلية كتبت بواسطة meero_boy2000

شوف كده ممكن يكون ترصيص والله اعلم

---

بيتهالى الموضوع مش ترصيص لأنى شوفت الجهاز وهو جايب صفر على العجل الأمامى والله اعلم

اقتباس:

---

المشاركة الأصلية كتبت بواسطة john_samy_1

يعني لما حضرتك جبت طقم الكاوتش الهذة اختفت. وبعد أما رصصت رجعت في العربية كلها ؟

---

انا مجربتش العربيه قبل ما أرصص ... انا ركبت الكاوتش ورصصت على طول ... بس بالمناسبه العربيه من مده كبيره وهى فيها هزه من الدركسيون بس هزه بسيطه وبتتغير لما أرصص او أغير وضع العجل بس مكانتش بتختفى 100% .... بس بعد الكاوتش الهزه بقت جامده اوى من بعد 80 ومن العربيه كلها مش من الدركسيون وغيرت وضع العجل وغيرت كوبلن ولم يتغير شئ

بعد اذنكم هل ممكن تكون الهزه دى من قواعد الموتور او ما شابه؟ وشكرا

واخيرا والحمد لله تم حل المشكله وكانت مشكله ترصيص ..... الباشا اللى رصصلى بعد ماركبت الكاوتش على طول من الواضح انكان جهازه فسكونيا ..... علشان انا يدوبك رصصت النهارده والعربيه الحمد لله رجعت لطبيعتها (فيها هزه بسيه بين 90 الى 120 ودى بسبب رفه فى جنطين مخليهم ورا) .... وشكرا لكل من مد يده الى بالمساعده ومنجيلكمش فى حاجه وحشه