الموضوع: ارجوكم المساعده فى هزه جامده فى العربيه بتبتدى من 80كم

اعتقد عندك بوش فى علبة الاسكترا ) الدركسيون ) ام الهزة لو كانت فى الطوالي مع بداية السحب من بداية انطلاق السيارة يبقي كبالن والله اعلم

اولا كل عام وحضراتكم جميعا وسياراتكم بخير .... والف شكر لكل من ساهم فى هذا الموضوع

المشاركة الأصلية كتبت بواسطة maged george

انا رايي ان ده ممكن يكون من لوحة في جنط من الجنوط بس كانت هتبان ساعة الترصيص او لوحة في طنبورة من الطنابير وديه مش هتبان من الترصيص وابقى طمنا لما المشكلة تتحل.

احتمال وارد وخاصه ان العربيه لما كنت برصصها قبل كده عمرها ماكانت بتتظبط 100% وكان العامل يقولى ان الجنوط فيها حاجه وكمان انا روحت لميكانيكى امبارح رفع العربيه من قدام دورت العربيه وبص على العجل وهو بيلف وعلى كلامه ان في رفه فى العجل بسبب الجنوط

المشاركة الأصلية كتبت بواسطة m3touk_85

اعتقد عندك بوش فى علبة الاسكترا ) الدركسيون ) ام الهزة لو كانت فى الطوالي مع بداية السحب من بداية انطلاق السيارة يبقي كبالن والله اعلم

ممكن تكون من الأسكترا وربنا يستر وخاصه ان فيه خبط بسيط فى علبه الدركسيون فى الأماكن المكسره اما بالنسبه للكبالن ففعلا غيرتها عند الميكانيكى ولم يتغير شئ

المشاركة الأصلية كتبت بواسطة meero_boy2000

شوف كده ممكن يكون ترصيص والله اعلم

بيتهالى الموضوع مش ترصيص لأنى شوفت الجهاز وهو جايب صفر على العجل الأمامى والله اعلم

المشاركة الأصلية كتبت بواسطة john_samy_1

يعني لما حضرتك جبت طقم الكاوتش الهذة اختفت. وبعد أما رصصت رجعت في العربية كلها ؟

انا مجربتش العربيه قبل ما أرصص ... انا ركبت الكاوتش ورصصت على طول ... بس بالمناسبه العربيه من مده كبيره وهى فيها هزه من الدركسيون بس هزه بسيطه وبتتغير لما أرصص او أغير وضع العجل بس مكانتش بتختفى 100% .... بس بعد الكاوتش الهزه بقت جامده اوى من بعد 80 ومن العربيه كلها مش من الدركسيون وغيرت وضع العجل وغيرت كوبلن ولم يتغير شئ

بعد اذنكم هل ممكن تكون الهزه دى من قواعد الموتور او ما شابه؟ وشكرا