الموضوع: شقة مكيفة سوبر سوبر لوكس بالحى المتميز فى اكتوبر

دكتور محمد
شكرا عل اهتمامك و الرد نيابه عني
انا فعلا مندهش جدا من اسلوب الاستاذ صاحب الاعلان ... زي ماي كون متعمد فعلا انه ما يردش عليا مش حكايه انه ما شافش الاستفسار (مبعوت مرتين)!!

عموما احنا في مصرنا الحبيبه اتعودنا ده من ناس كتير .. يعلنم عن حاجه و بيبقى بيتخانق مع اللي جاي يتفرج
يا استاذ صاحب الاعلان انا مش زي ما حضرتك قلت :
"
انما الناس اللى غاوية تضيع وقت الناس وتخش علشان بس تعرف السعر ( رغم انه مكتوب ) أو تعلق وخلاص وهى مش جادة فى الامر ، فالمفروض لايلتفت اليها

"
انا مش عار ف اساسا حضرتك وصلت للنتيجه دي ازاي ؟ و عموما البياع الشاطر ممكن يبيع لانصاف المشترين او حتى للي بيسالم و هما مترددين..

انا فعلا كنت بدور على حاجه في زايد او اكتوبر بس رجعت تاني لزايد لانها اقرب لشغلي

عموما انا اتمنالك التوفيق في البيع لان ما فيش اي حاجه بيني و بينيك ....
و شكرا

السلام عليكم

ياجماعة اهدو شوية انا مش عارف انتم صعدتم الموضوع كده ليه

بالنسبة للاخ الدكتور محمد
أولا :-

انا متهيألى ان قوانين المنتدى لو حد من حقه يذكر بها الاعضاء ، فلازم يكون واحد من المشرفين ، وانا مش شايف من بيانات حضرتك انك واحد منهم ، فاذن حضرتك عضو عادى زى حالاتى
فمش من حق حضرتك تدخل تعترض على اسلوبى فى التعامل مع عضو اخر اللى من حقه لو زعل يشتكى لاحد المشرفين وهو اللى ينبهنى

ثانيا :-

ياجماعة انا صاحب الاعلان وانا اكتر واحد يقدر يحدد ظروفه والوسيلة اللى تناسبه ويقدر من خلالها يتواصل مع الراغبين فى الشراء ( اللى هى التليفون والايميل فى حالتى ) علشان انا مش بادخل كتير لظروف انشغالى وعلشان كدة حرصت ان اضع كل ماقدر عليه من بيانات ومعلومات فى الاعلان واللى يرغب فى الاستزادة عليه الاتصال على التليفون او الايميل ودول اللى هاقدر ارد عليهم فوريا ، تبعا لظروفى

بالنسبة للاخ اللى زعل انى مارديتش عليه

لاتوجد منى اى نيه سيئه تجاهك اطلاقا
ولكن من ردك يظهر انه غير جاد فى الشراء حيث انا علقت على مساحة الشقة ولو اردت ردا فوريا لرغبتك فعلا فى الشراء لكان عليك التواصل على وسائل الاتصال اللى انا محددها فى الاعلان
( لو انا مش كاتب وسائل اتصال ، كان يبقى زعلك صحيح لو ماردتش عليك )
وكمان بتسألنى سؤال ماعنديش اجابة له ( سعر المتر نصف تشطيب ) وانا فعلا ماعنديش رد عليه لانى ماعرفش الاجابة وتوقعت انك مادم اتجت فى السؤال عن وضع انا مش عرضه فى الاعلان ( نصف تشطيب )
اذن فانت غير راغب فيما اعرض وتسأل سؤال لا امتلك اجابته
وبالتالى لم ارد عليه توقعتا ان يقوم احد من الاعضاء باعطائك المعلومة التى تريدها

وياما ناس بتكتب فى منتديات ومحدش بيرد عليها والدليل على كده فى موضعات كتيرة اصحابها بيكتوبوها ويدخل ناس كتير يشاهدوها ولا احد يقود بالرد عليها
فهل كل الناس اللى دخلت وشافت الموضوع ولم ترد ، يزعل منهم صاحب الموضوع
متهيألى الاجابة المنطقية لا


على العموم اخى العزيز لاتزعل منى ، وموفق فى كل ماتخطو فيه سواء فى الشيخ زايد او اكتوبر
والدكتور محمد ايضا لاتزعل منى
كلنا اصدقاء واخوان
واطلب منكم عدم التعقيب لان كل واحد عرض وجهه نظره
والله الموفق
وتحياتى للجميع

باشا
بالنسبه ليا و للدكتور محمد -انا معرفوش برضه - ما فيش تكبير و لا حاجه و لا تصعيد .... ده بس نقاش و بصراخه اكتر انك ما تردش علاي تزعل شويه
اللي زعلني و زعل محمد انك ما رديتش عليا في استفساري و ده اتبعت مرتين

بالنسبه للمساحه ان اعتقدت انك اخطات لان ممكن تكتب 172 او 127 مثلا فحبيت استفسر؟
بالنسبه للسؤال التاني -اللي حضرتك فهمت منه اني مش جاد- كان غرضي منه اعرف سعر المتر عندك كام لاني لما سالت في اكتوبر بصراحه ما سالتش في المتميز و سالت في حي 4 و 5 بس
و السؤال ده علشان اعرف فرق التشطيب ده يستاهل سعر المتر و للا لا

معلش برضه كان ممكن توضح مووضع المساحه و تقولي انك ما تعرفش متر نص تشطيب بكام و يبق الموضوع خلص و الله اعلم بالنيات

شكرا ياباش ليك عل تمنياتك ليا بالتوفيق و ربنا يوفقك و يوفق الجميع