هل ممكن نركب غاز في الجين 2 ؟

**mangere90** · 08-09-2010 11:19 PM

السلام عليكم ورحمة الله وبركاته

انا عارف ان كمبويتر العربيه محترم جدا , بس هل لو ركبت غاز ليه اضرار علي الموتور ولا عادي
انا بصراحه بمشي جوه البلد كتير اوي وبستهلك بنزين كتير اوي فمش عارف اعمل ايه بس لو
حاجه هاتأذي جي جي حبيبتي انا مش موافق طبعا !

**ahmedyehia515** · 09-09-2010 12:07 AM

على حد علمى انو تركيب الغاز ملوش تأثير على كومبيوتر العربية عشان انا كنت بدرب فى شركة كانوا مركبين غاز على عربيات جيب شيروكى و مكنش فى أى مشكلة و أغلب التاكسى الأبيض غاز و فيه منه عربيات كورولا و لانسر و مسمعتش السوق بيشتكى منه.

الغاز بيقلل العمر الإفتراضى بتاع الموتور و ده معلومة كانت فى المنتدى هنا بس بصراحة معرفتش اجيبها تانى، اللى فاكره انو تقريباً احتراق الغاز بيكون بدرجة حرارة اعلى من البنزين و ده بيزود الحرارة داخل سلندرات الموتور و بعيد تانى المعلومة انا شفتها مرة واحدة فى المنتدى بس مش فاكر فيين، انا فاكر انو واحد كان عايز يركب غاز فى 128 و الأعضاء نصحوه انو ميعملش كده و سبب ىخر هوا انوا كل ما تييجى تحط غاز هيكون احتكاكك مع سواقين التاكسى و رغم وجود ناس محترمين فيهم إلا ان الأغلبية .................

طبعاً بجانب انو الشنطة خلاص انتهت.

أنا شخصياً سقت مرة الشيروكى ال3700 سى سى و هى غاز و كانت مأساة، يعنى كان لازم الأول لما تدور توكن شغال بنزين و لما الموتور يوصل لدرجة التشغيل تبتدى تقلب لغاز و فعلاً كان سحب العربية بيتأثر جامد. مش عارف اذا كانت ده مشكلة فردية فى العربية و لا مشكلة فى الغاز بس بأمانة العربية كانت بتسحب بنزين زى الغول و بيتحطلها غاز مرة كل 3 اسابيع و ده كانت عربية لف طول اليوم.

رأيى أدرس الموضوع بتأنى و استنى آراء بقية الزملاء

**pedro732000** · 09-09-2010 12:22 AM

هو المشكلة ان سحب العربية هايبقى مأساة
كل سنة وانت طيب
عيزين نشوفوك فى العيد

**ahmed1981** · 09-09-2010 12:54 AM

عادي جداً بدون أي مشكلة
وسيارات بروتون من أكثر السيارات تحويلاً للغاز الطبيعي.
لماذا؟
لأنه في ماليزيا تم التوسع في مضوع التحويل للغاز الطبيعي

ولو حولت غاز ركب النظام الجديد (sequence )
أغلى شوية لكن أداؤه أفضل

المشكلة الحقيقية عندك هو إن الإسطوانة هتاكل مساحة كبيرة من الشنطة

**mangere90** · 09-09-2010 07:11 AM

على حد علمى انو تركيب الغاز ملوش تأثير على كومبيوتر العربية عشان انا كنت بدرب فى شركة كانوا مركبين غاز على عربيات جيب شيروكى و مكنش فى أى مشكلة و أغلب التاكسى الأبيض غاز و فيه منه عربيات كورولا و لانسر و مسمعتش السوق بيشتكى منه.

الغاز بيقلل العمر الإفتراضى بتاع الموتور و ده معلومة كانت فى المنتدى هنا بس بصراحة معرفتش اجيبها تانى، اللى فاكره انو تقريباً احتراق الغاز بيكون بدرجة حرارة اعلى من البنزين و ده بيزود الحرارة داخل سلندرات الموتور و بعيد تانى المعلومة انا شفتها مرة واحدة فى المنتدى بس مش فاكر فيين، انا فاكر انو واحد كان عايز يركب غاز فى 128 و الأعضاء نصحوه انو ميعملش كده و سبب ىخر هوا انوا كل ما تييجى تحط غاز هيكون احتكاكك مع سواقين التاكسى و رغم وجود ناس محترمين فيهم إلا ان الأغلبية .................

طبعاً بجانب انو الشنطة خلاص انتهت.

أنا شخصياً سقت مرة الشيروكى ال3700 سى سى و هى غاز و كانت مأساة، يعنى كان لازم الأول لما تدور توكن شغال بنزين و لما الموتور يوصل لدرجة التشغيل تبتدى تقلب لغاز و فعلاً كان سحب العربية بيتأثر جامد. مش عارف اذا كانت ده مشكلة فردية فى العربية و لا مشكلة فى الغاز بس بأمانة العربية كانت بتسحب بنزين زى الغول و بيتحطلها غاز مرة كل 3 اسابيع و ده كانت عربية لف طول اليوم.

رأيى أدرس الموضوع بتأنى و استنى آراء بقية الزملاء

انا متشكر جدا لأهتمام حضرتك بالوضوع وكل سنه وانت طيب

هو المشكلة ان سحب العربية هايبقى مأساة
كل سنة وانت طيب
عيزين نشوفوك فى العيد

ان شاء الله ياهندسه وكل عيد وانت طيب

عادي جداً بدون أي مشكلة
وسيارات بروتون من أكثر السيارات تحويلاً للغاز الطبيعي.
لماذا؟
لأنه في ماليزيا تم التوسع في مضوع التحويل للغاز الطبيعي

ولو حولت غاز ركب النظام الجديد (sequence )
أغلى شوية لكن أداؤه أفضل

المشكلة الحقيقية عندك هو إن الإسطوانة هتاكل مساحة كبيرة من الشنطة

ايوه انا كنت فاكر ان في فيديو للبيرسونا ماشيه بالغاز وكان علي مااعتقد لونها ابيض , سؤال بقي من فضلك
ايه هو النظام الجديد sequence وايه الفرق مابينه وما بين الأنظمه الأخري
وكام سعره تقريبا ؟

**alarabiya11** · 09-09-2010 08:13 AM

طيب ولى يوفرك 50% من استهلاك البنزين تدفع كام فى منتج انا اثق فى صاحب المنتج بس برده لازم اجرب فى نفسى اولا
وتكلفته 1500 جنيه

لو ساعدتك تقدر تستنى اول الشهر يكون جه وجربه وقول لك اذا كنت تحب تستنى

**M.almaghraby** · 09-09-2010 08:38 AM

اعتقد انه ليه تأثير سلبي عالموتور بشكل كبير

**ahmed1981** · 09-09-2010 07:29 PM

نظام السيكونس سعره 6900 جنيه
والغاز لا يؤثر على الموتور

وحضرتك ممكن تشوف موضوع الغاز في توقيعي هيفيدك

**mmmmgogommmm** · 09-09-2010 07:49 PM

زميل المنتدى العزيز ليس للغاز تاثير على كمبيوتر السيارة ولا مشكلة السحب هى المشكلة المهمة المشكلة الحقيقية ان الغاز هيقصر عمر الموتور النص لاحتوائة على عنصر الكبريت بنسبة عالية وهو ماسيؤدى الى تاكل سبيكة الموتور اما المواتير المصنعة اساسا لاستخدام الغاز كوقود فان عناصر سبيكة الموتور تكون غير متفاعلة مع عنصر الكبريت ولو مهتم باالموضوع فعلا اعرض الامر على بروتون ماليزيا وقولهم على وجهات نظرنا وكلة لصالح الموتور ومصلحتك

**mesho_kimi** · 09-09-2010 07:52 PM

مين اللي اللى قال انى الغاز ملوش ضرر على الماتوراركب مع اي سواق تاكسي وقوله حاجه واحده عملت كام مره طقم شمبر حريق الغاز أعلى بكتير من حريق البنزين وده بيؤدي إلى تلف الماتور سريعاً لأنى المحرك مصنوع فى الاساس للبنزين مش الغاز