ممكن اركب تكييف لابيزا1994

**tahayt** · 09-09-2010 01:41 AM

السلام عليكم
اولا كل سنة و انتم طيبين بمناسبة عيد الفطر المبارك
ممكن يا جماعة حد يقوللى هل ممكن اركب تكييف لعربية ابيزا 94 (كاربراتير) بصراحة مش عارف هية 1000 ولا 1300 (لسة بفكر اشتريها ) وهى عاملة اكتر من 250 الف كيلو بس حالة الماتور كويسة (بتاعة اخويا) يعنى عاوز اعرف :
1-هل الموضوع ممكن اصلا و لا لا
2- لو الموتور 1000cc هيستحمل التكييف مع المافة المقطوعة بالعربية
3-التكييف هيتكلف كام و اية النوع المناسب و عند مين
4- لو الموضوع اثر على العربية اية هى الخسائر المتوقعة
5-هل يفضل عمل عمرة للعربية قبل تركيب التكييف و هتتكلف كام
اسف على الاسئلة الكتير دى بس انا عشمان ان حد يرد عليا عشان اخويا عارضها عليا بسعر كويس بس انا كان نفسى اركب عربية مكيفة
و اية رايكم فى العربية دى هل لو عاملتها كويس و صرفت عليها ممكن تعيش معايا لو ربنا ادانا عمر مثلا 5 سنين من غير ما تتعبنى ....و جزاكم الله كل خير

**grumby78** · 09-09-2010 05:06 AM

اولا الموضوع طبعا ممكن بس بعد الكشف على كفاءة الموتور ولو اني اعتقد شخصيا ان الموتور ده ماشي كتير وما يستحملش عبء اضافي
والموتور بتاع ال 1994 كربيراتير بيكون 1300
التكييف يستحسن انك تجيب بتاع العربيه الاصلي استعمال الخارج بكل مشتملاته وبيكلف حوالي 2500 او اكتر حاجه بسيطه
وتاثير الموضوع على المحرك هو اجهاد اضافي له قد يعجل بموضوع العمره في حالة احتياجه لها
ومش عارف مين الافضل في حالتك هل تعمير او تسقيط موتور استعمال انجكشن احدث بتكييفه بضفيرته بكل شئ
ده يعتمد على امكانياتك الماديه
استشير ميكانيكي محترم متخصص في الابيزا والفولكس فاجن وكمان حد كويس بتاع تكييف
كل سنه وانت طيب

**tahayt** · 09-09-2010 06:40 AM

المشاركة الأصلية كتبت بواسطة grumby78

اولا الموضوع طبعا ممكن بس بعد الكشف على كفاءة الموتور ولو اني اعتقد شخصيا ان الموتور ده ماشي كتير وما يستحملش عبء اضافي
والموتور بتاع ال 1994 كربيراتير بيكون 1300
التكييف يستحسن انك تجيب بتاع العربيه الاصلي استعمال الخارج بكل مشتملاته وبيكلف حوالي 2500 او اكتر حاجه بسيطه
وتاثير الموضوع على المحرك هو اجهاد اضافي له قد يعجل بموضوع العمره في حالة احتياجه لها
ومش عارف مين الافضل في حالتك هل تعمير او تسقيط موتور استعمال انجكشن احدث بتكييفه بضفيرته بكل شئ
ده يعتمد على امكانياتك الماديه
استشير ميكانيكي محترم متخصص في الابيزا والفولكس فاجن وكمان حد كويس بتاع تكييف
كل سنه وانت طيب

الف شكر يا باشا على الرد و الاهتمام
بالنسبة للفلوس فانا ممكن اصرف عليها 5 او 6 الاف تانى بس طبعا لو تكلفة اقل و نفس النتيجة يبقى افضل بس فى نفس الوقت انا عاوز العربية تقعد معايا اطول فترة ممكنة و لو زهقت منها بعد سنة ولا اتنين بردو ماخسرش كتير
و كل سنة و انت و باقى الاخوة بصحة و سلام