ايه خبرتك في عصافير الزينة ؟؟؟ياريت تشارك

**M.ABDEEN** · 09-09-2010 12:31 PM

السلام عليكم ورحمة الله وبركاته..... اللهم صل على محمد وعلى آله وصحبه أجمعين

اخوكم كان زمان هاوي موضوع عصافير الزينة الاسترالي والانجليزي واللاتيني والفيشر وطبعا هواية كانت مش في الدماغ ومع الوقت الموضوع كبر وتوسعت وبقيت محترف وكونت عدد كبير جدا من الازواج وخاصة للاسترالي وكمية اقفاص من جميع الاحجام ومليت بيهم بل قفلت البلكونة في بيت الوالدة وبدات ادي للي عايز وابيع لبعض المحلات لدرجة ان انا عديت ابن خالتي مرة هاديته بجوز كناري كده وتكاثروا وكتروا والباشا العملية كبرت معاه وهاتك ياقفاص ويا بيوت وملى الشقة عندهم وكمان بره باب الشقة وعلى السلالم
وبصراحة الواحد شاف نعمة ربنا عز وجل وازاي الكائنات دي بتتاكثر وتربي اطفالها وتلدهم وتاكلهم سبحانك يارب ...
وطبعا كنت على اتصال بسوق الطيور في السيدة عائشة وبعض المحلات في وسط البلد وكمان في جسر السويس بس طبعا مع ازمة وظهور انفلوانزا الطيور اللي تباع واالي مات واللي طار والمشاريع انتهت .....من 3 سنين او اكتر والمهم دلوقتي الفكرة نغشششت في الدماغ تاني وعايز اكررها وابدء تاني بجوز كده من الكناري الاسترالي ياترى الاسعار عاملة ايه ؟؟؟؟وايه المكان اللي ممكن الواحد يجيب منه ولسه سوق السيدة عائشة موجود ولا لسه ؟؟؟؟ وايه رايكم في الموضوع من اساسه وهل انت بتهوي القصة دي ؟؟؟؟؟ياريت نتناقش مع بعض وكل سنة وانتم طيببيين

**MRBEBO** · 09-09-2010 01:21 PM

بس مفهاش خطر دلوقتي يا باشا .... بتهيئلي انفلونزا الطيور مبعدتش عن مصر كتير .... انا لسه سامع ان فيه ناس قريب ماتت بيها

عموما انا كنت بربي استرالي مكنش عندي كتير بتاع 10 تجواز بس كانت فيه حاجة واحد بتدايقني

لما بيبيضوا ولما الكتاكيت تطلع وتفقس العش الخشب بيتملي فاش

اكيد طبعا تعرفه اللي هي الحشرة الرخمة دي اللي بتمص الدم مع اني كنت بنضف على طول

والغريب ان الفاش ده مش بيطلع الا لما البيض يفقس وبيعد فترة وبيمشي بس طبعا بعد ما بيكون كره الواحد في العملية كلها

فهل واجهت المشكلة دي لما كنت بتربي ولا لا ؟ ولو تعرف ايه اسببها وطرق علاجها ؟

موضوع لذيذ وانا متابع معاك

**M.ABDEEN** · 09-09-2010 01:44 PM

لا بصراحة مواجهتنيش الحشرة دي خالص هي المشكلة لما القفص يكون زحمة ويتخانقوا على الاكل فبينكشوا الدنيا ....
وكمان لما يبيضوا ويفقس جسمي كان بيقشعر من شكلهم خاصة وهما صغيريين ومن غير ريش .....

**MRBEBO** · 09-09-2010 01:47 PM

انا اكتر حاجة كانت بتوهمني الكتكوت الصغير اول مرة ليه بينزل من العش للقفص وهو بيعمل محاولاته الاولى..... منظر رهييييييييييييب ورائع بجد

ياريت بس نتاكد ان مفيش خطر من موضوع العصافير ده

**ehabspc** · 09-09-2010 01:48 PM

ربنا يوفقك
هى هواية جميلة جدا انا بقالى حوالى سنة فى الكوكتيلات
بس بصراحة شايف ان التوسع فى الهواية دى ممكن يكون بتغيير النوع يعنى انا سمعت عن بغبغان حلو اوى و صغير و ذكى جدا اسمه صن كنيور و مش غالى اوى

بالنسبة للكوكتيلات فهى سعرها فى السوق زى الدولار كدة شبه معروفة
الجوز القص الاسود 80 الى 90 جنيه
الابيض من 110 الى 120

و مرة تانية ربنا يوفقك و كل عام و انت بخير

**M.ABDEEN** · 09-09-2010 02:46 PM

المشاركة الأصلية كتبت بواسطة ehabspc

ربنا يوفقك
هى هواية جميلة جدا انا بقالى حوالى سنة فى الكوكتيلات
بس بصراحة شايف ان التوسع فى الهواية دى ممكن يكون بتغيير النوع يعنى انا سمعت عن بغبغان حلو اوى و صغير و ذكى جدا اسمه صن كنيور و مش غالى اوى

بالنسبة للكوكتيلات فهى سعرها فى السوق زى الدولار كدة شبه معروفة
الجوز القص الاسود 80 الى 90 جنيه
الابيض من 110 الى 120

و مرة تانية ربنا يوفقك و كل عام و انت بخير

ميرسي لذوقك وكل سنة وحضرتك طيب ....
بس ايه رايك اجيب استرالي ( الشعبي ) ولا فيشر ولاتيني وانجليزي واسعار الاسترالي في اسكندرية عاملة ايه وشكرا لذوقك

الموضوع: ايه خبرتك في عصافير الزينة ؟؟؟ياريت تشارك

LinkBack

أدوات الموضوع

عرض

-

المواضيع المتشابهه

.::بيقولك::.. موضوع جااااااامد ومهم جدآآآ ياريت الناس كلها تشارك من فضلكم

زيت الماتور والبوجيهات للميجان ياريت كل الوحوش تشارك

استفتاء ياريت تشارك

الكلمات الدلالية لهذا الموضوع

المفضلات

المفضلات

ضوابط المشاركة