العربيه ببتأخر فى الدوران الصبح بس !!!!!

يا جماعه انا عربيتي بتتأخر فى الدوران الصبح بس يعني لازم افضل دايس على دواسه البنزين من دقيقه لدقيقتين علشان تدور فى حد ممكن يعرف ده عيب ايه؟
كمان انا ساكن فى زايد بس فى الحي 16 وده لسه مكسر جدا يعني لازم امشي تقؤيبا بتاع 100 متر فى ارض مش متسفلته وده مخليني خايف اوي على عفشه العربيه فهل انا المفروض اربط العفشه كل قد ايه ولا المفروض ان انا اعمل ايه اساسا علشان احافظ على العربيه.
انا كمان قريت فى المنتدي هنا ان من اشهر عيوب 128 انقطاع سلك الدبرياج فممكن حد يشرحلي لو انقطع اركب واحد جديد مكانه ازاي علشان انا هاشتري واحد اخليه فى العربيه احتياطي بس مش عارف اركبه ازاي

ازيكم يا جماعة الموضوع كتير حلو وانا مرة كنت ماشية لقيت سلك الدبرياج اتكسر وكان موقف وحش خالص بالذات انا بنت وانا لسه جديدة فى السوائقةوكمان اتكسر فى وسط الشارع والعربية مش عايز تجيب الاول خالص بس المكانيكى جيه اكيد ومشى على التانى لحد ما ركنا على جنب وبعدين ركب السلك بس اعتقد موضوع انك تركب بنفسك السلك صعب لانى المكانيكى كان بينزل تحت العربية والله انا عايز اى معلومات عن العربية ويعنى ايه عفشة السيارة والمساعدين

سلك دبرياج ال 128 بيركب من الكبوت ومش محتاج تنزل تركبه من تحت العربيه

اقتباس:

---

المشاركة الأصلية كتبت بواسطة ameirnabel1977

يا جماعه انا عربيتي بتتأخر فى الدوران الصبح بس يعني لازم افضل دايس على دواسه البنزين من دقيقه لدقيقتين علشان تدور فى حد ممكن يعرف ده عيب ايه؟

---

هذه مشكلة بسيطة إذا كانت فى الصباح فقط ، لدى نفس المشكلة و لكن فى أى وقت أترك السيارة بدون تشغيل لمدة أكثر من 12 ساعة !!!!!!!!!!!
و لو نسيت و تركتها لمدة يومان مثلا تستغرق منى ربع ساعة (أكارك ) على دواسة البنزين حتى تدور .
المشكلة فى الكاربيراتير إذ أنه غير محكم القفل فيسبب تبخر البنزين أو تنقصه بعض الأجزاء التى تمنع البنزين من الرجوع فى خرطوم التغذية و قد حدثت لى تلك المشكلة بعد أن عهدت بتنظيف الكاربيراتير إلى أحد الفتايين من الميكانيكية الذى أفتى بأن بعض القطع فى الكاربيراتير ليس لها لازمة و قام باستبعادها .

اقتباس:

---

المشاركة الأصلية كتبت بواسطة homme49

هذه مشكلة بسيطة إذا كانت فى الصباح فقط ، لدى نفس المشكلة و لكن فى أى وقت أترك السيارة بدون تشغيل لمدة أكثر من 12 ساعة !!!!!!!!!!!
و لو نسيت و تركتها لمدة يومان مثلا تستغرق منى ربع ساعة (أكارك ) على دواسة البنزين حتى تدور .
المشكلة فى الكاربيراتير إذ أنه غير محكم القفل فيسبب تبخر البنزين أو تنقصه بعض الأجزاء التى تمنع البنزين من الرجوع فى خرطوم التغذية و قد حدثت لى تلك المشكلة بعد أن عهدت بتنظيف الكاربيراتير إلى أحد الفتايين من الميكانيكية الذى أفتى بأن بعض القطع فى الكاربيراتير ليس لها لازمة و قام باستبعادها .

---

طيب هو اية الاجزاء اللى شاله طيب وقال ملهاش لزمة؟

بص يا باشا
العيب ده غالبا في طلمبة البنزين المفروض انها مترجعش بنزين والعربية مش شغالة
بس واضح ان فيها عيب بيخلي البنزين بيرجع تانى في الخراطيم والعربية واقفة ومش دايرة يعنى مش محكمة
غيرها وان شاء الله المشكلة تتحل

متابع باهتمام

الف شكر لكل الناس اللي ردت بس انا فعلا العربيه هاتجننيي الصبح كل يوم مش بتدور اسيبها واروح الشغل مواصلات ارجع من الشغل ادور العربيه تدور عادي جدا و من اول مره انا مش فاهم ايه السبب بس التغيير الوحيد اللي بيحصل ان العربيه بتكون قعدت فى الشمس كذا ساعه.
كمان يا ريت حد يشرح لنا ازاي نغير سلك الدبرياج ده لاني ساكن فى زايد وخايف يتقطع مني مره فى الصحرا اللي انا فيها وتبقي مشكله

متاببععععععععععععععععععع

اقتباس:

---

المشاركة الأصلية كتبت بواسطة doha

ازيكم يا جماعة الموضوع كتير حلو وانا مرة كنت ماشية لقيت سلك الدبرياج اتكسر وكان موقف وحش خالص بالذات انا بنت وانا لسه جديدة فى السوائقةوكمان اتكسر فى وسط الشارع والعربية مش عايز تجيب الاول خالص بس المكانيكى جيه اكيد ومشى على التانى لحد ما ركنا على جنب وبعدين ركب السلك بس اعتقد موضوع انك تركب بنفسك السلك صعب لانى المكانيكى كان بينزل تحت العربية والله انا عايز اى معلومات عن العربية ويعنى ايه عفشة السيارة والمساعدين

---

بصى يا ضحى سلك الدربياج بيتركب من الكبوت زى ما العضو المحترم قال بالظبط لان لو فتحتى الكبوت هتلاقى مكان ليه خارج من السدر بتاع العربية اللى منه واصل للبدال جوا تمام
و بعدين مكانه من ورا العمة بتاعت الكربراتير تحت كده لما توصلى للفتير ليه مكان بيتركب فى حاجى زى مشئبية كده ممكن اللفظ يكون غريب عليكى بس هوة اسمه كده زية زى سلك الاكسلراتير
طبعا الميكانيكى بيركبة و بيظبط البدال تانى لكن لو مع حد ممكن تركبة و تمشى نفسك و السلام لحد اقرب ميكانيكى يبقى يرجعلك البدال و يعليه تانى
العفشة دى الحاجات الكتر اللى ماسكى العجل من قدام و من ورا هى دى
مقصات و سوست و مساعدين المقص بيثبت العجلة فى جسم العربية عن طريق الكرتيرة و المساعد علشان المطبات طبعا و السوست للاحمال علشان تبقى معلية العربية شوية
هى دى العفشة
و طبعا البنات محترفة فى انها تاخد مطبات :B4_388:
فابقى خلى واحد بتاع عفشة يربطلك على العفشة كل ما تسمعى صوت طقطقة جامدة او شخللة فى العربية بس خدى بالك متكونش طقطقة كوبلن يعنى يكون الصوت و انتى ماشية و فى مطبات مش و انتى واقفة و كاسرة العجل و بتطلعى علشان ده يبقى كوبلن:ma:

اقتباس:

---

المشاركة الأصلية كتبت بواسطة ameirnabel1977

يا جماعه انا عربيتي بتتأخر فى الدوران الصبح بس يعني لازم افضل دايس على دواسه البنزين من دقيقه لدقيقتين علشان تدور فى حد ممكن يعرف ده عيب ايه؟
كمان انا ساكن فى زايد بس فى الحي 16 وده لسه مكسر جدا يعني لازم امشي تقؤيبا بتاع 100 متر فى ارض مش متسفلته وده مخليني خايف اوي على عفشه العربيه فهل انا المفروض اربط العفشه كل قد ايه ولا المفروض ان انا اعمل ايه اساسا علشان احافظ على العربيه.
انا كمان قريت فى المنتدي هنا ان من اشهر عيوب 128 انقطاع سلك الدبرياج فممكن حد يشرحلي لو انقطع اركب واحد جديد مكانه ازاي علشان انا هاشتري واحد اخليه فى العربيه احتياطي بس مش عارف اركبه ازاي

---

بتتاخر فى الدوران دى ليها كذا حاجة يا باشا ممكن يكون الابلاتين و الكوندنسر
البطارية ضعيفة و لو البطارية ضعيفة يبقى طبيعى الدينامو فيه حاجة
يعنى التاخير فى الدوراة الصبح ده من طقم الكهربا ابلاتين و كوندنسر و بوجيهات و اتاكد ان البوبينة شغالة ولا لا راجع على شحن البطارية
و لو هتجيب ابلاتين و كوندنسر هات الفرنساوى ابو ورقة زرقا ده حلو و بيستحمل شوية هتلاقيه فى حدود 18 جنيه:E_braces[1]:
و راجع على كهربة العربية مش شرط يكون فى حاجة بايظة ممكن يبقى كله سليم بس كهربة الموتور عاوزة تعلى سنة ولا حاجة عاوزة سنة كهربا يعنى
اما بالنسبة للطريق المكسر فواحدة واحدة خالص علشان دى 28 علب يعنى يا معلم
و حاول تبص على العفشة و تراجع عليها كل فترة و تابع لو فى صوت تزيق ولا حاجة و انت ماشى فى المطبات دى تابع بودنك اى صوت فى العربية و شوفة جى منين مساعدين مقصات ممكن يكونوا عاوزين يتربط عليهم و يتشحموا بس و تحت امرك لو فى اى حاجة:colsmil:

ممكن يكون عندك خرطوم من خراطيم البنزين عايز الكولية بتاعة يتربط كويس ولو فى خرطوم مرشح ولا حاجة اقطع حتة منة وركبة تانى
وكمان لو عندك طلمبة البنزين مربوطة بمسامير (هى عبارة عن جزئين مربوطين مع بعض يا اما ببرشام يا اما بمسامير)
جرب تربط على المسامير دى

الف شكر يا جماعه على كل ردودكوا الجميله
الحمد الله انا خدت العربيه عند الميكانيكي وغير طقم بوجيهات وكشف على الابلاتين والكونسدر كلو تمام وبعد كده رحت على الكهربائي غير الموبينه وكشف تاني على الابلاتين والكونسدر والحمد الله كله تمام وزي الفل دلوقتي :36_1_1[1]:

العفو على ايه يا باشا المهم ان عربيتك تمام و الحمد لله

طب اقوللك انا حل اسهل كتير.. ماتدورهاش الصبح (بقلش هههههههه):36_1_2[1]: