العربيه ببتأخر فى الدوران الصبح بس !!!!!

**ameirnabel1977** · 09-09-2010 01:02 PM

يا جماعه انا عربيتي بتتأخر فى الدوران الصبح بس يعني لازم افضل دايس على دواسه البنزين من دقيقه لدقيقتين علشان تدور فى حد ممكن يعرف ده عيب ايه؟
كمان انا ساكن فى زايد بس فى الحي 16 وده لسه مكسر جدا يعني لازم امشي تقؤيبا بتاع 100 متر فى ارض مش متسفلته وده مخليني خايف اوي على عفشه العربيه فهل انا المفروض اربط العفشه كل قد ايه ولا المفروض ان انا اعمل ايه اساسا علشان احافظ على العربيه.
انا كمان قريت فى المنتدي هنا ان من اشهر عيوب 128 انقطاع سلك الدبرياج فممكن حد يشرحلي لو انقطع اركب واحد جديد مكانه ازاي علشان انا هاشتري واحد اخليه فى العربيه احتياطي بس مش عارف اركبه ازاي

**doha** · 10-09-2010 04:00 AM

ازيكم يا جماعة الموضوع كتير حلو وانا مرة كنت ماشية لقيت سلك الدبرياج اتكسر وكان موقف وحش خالص بالذات انا بنت وانا لسه جديدة فى السوائقةوكمان اتكسر فى وسط الشارع والعربية مش عايز تجيب الاول خالص بس المكانيكى جيه اكيد ومشى على التانى لحد ما ركنا على جنب وبعدين ركب السلك بس اعتقد موضوع انك تركب بنفسك السلك صعب لانى المكانيكى كان بينزل تحت العربية والله انا عايز اى معلومات عن العربية ويعنى ايه عفشة السيارة والمساعدين

**lameey** · 11-09-2010 02:19 AM

سلك دبرياج ال 128 بيركب من الكبوت ومش محتاج تنزل تركبه من تحت العربيه

**homme49** · 11-09-2010 03:19 AM

المشاركة الأصلية كتبت بواسطة ameirnabel1977

يا جماعه انا عربيتي بتتأخر فى الدوران الصبح بس يعني لازم افضل دايس على دواسه البنزين من دقيقه لدقيقتين علشان تدور فى حد ممكن يعرف ده عيب ايه؟

هذه مشكلة بسيطة إذا كانت فى الصباح فقط ، لدى نفس المشكلة و لكن فى أى وقت أترك السيارة بدون تشغيل لمدة أكثر من 12 ساعة !!!!!!!!!!!
و لو نسيت و تركتها لمدة يومان مثلا تستغرق منى ربع ساعة (أكارك ) على دواسة البنزين حتى تدور .
المشكلة فى الكاربيراتير إذ أنه غير محكم القفل فيسبب تبخر البنزين أو تنقصه بعض الأجزاء التى تمنع البنزين من الرجوع فى خرطوم التغذية و قد حدثت لى تلك المشكلة بعد أن عهدت بتنظيف الكاربيراتير إلى أحد الفتايين من الميكانيكية الذى أفتى بأن بعض القطع فى الكاربيراتير ليس لها لازمة و قام باستبعادها .

**Eng_Mostafa_89** · 11-09-2010 04:55 PM

المشاركة الأصلية كتبت بواسطة homme49

هذه مشكلة بسيطة إذا كانت فى الصباح فقط ، لدى نفس المشكلة و لكن فى أى وقت أترك السيارة بدون تشغيل لمدة أكثر من 12 ساعة !!!!!!!!!!!
و لو نسيت و تركتها لمدة يومان مثلا تستغرق منى ربع ساعة (أكارك ) على دواسة البنزين حتى تدور .
المشكلة فى الكاربيراتير إذ أنه غير محكم القفل فيسبب تبخر البنزين أو تنقصه بعض الأجزاء التى تمنع البنزين من الرجوع فى خرطوم التغذية و قد حدثت لى تلك المشكلة بعد أن عهدت بتنظيف الكاربيراتير إلى أحد الفتايين من الميكانيكية الذى أفتى بأن بعض القطع فى الكاربيراتير ليس لها لازمة و قام باستبعادها .

طيب هو اية الاجزاء اللى شاله طيب وقال ملهاش لزمة؟

**amt** · 14-09-2010 01:54 AM

بص يا باشا
العيب ده غالبا في طلمبة البنزين المفروض انها مترجعش بنزين والعربية مش شغالة
بس واضح ان فيها عيب بيخلي البنزين بيرجع تانى في الخراطيم والعربية واقفة ومش دايرة يعنى مش محكمة
غيرها وان شاء الله المشكلة تتحل

**dramir1** · 14-09-2010 02:31 AM

متابع باهتمام

**mohamed9999** · 14-09-2010 02:35 PM

متاببععععععععععععععععععع

**zenger** · 14-09-2010 05:08 PM

المشاركة الأصلية كتبت بواسطة doha

ازيكم يا جماعة الموضوع كتير حلو وانا مرة كنت ماشية لقيت سلك الدبرياج اتكسر وكان موقف وحش خالص بالذات انا بنت وانا لسه جديدة فى السوائقةوكمان اتكسر فى وسط الشارع والعربية مش عايز تجيب الاول خالص بس المكانيكى جيه اكيد ومشى على التانى لحد ما ركنا على جنب وبعدين ركب السلك بس اعتقد موضوع انك تركب بنفسك السلك صعب لانى المكانيكى كان بينزل تحت العربية والله انا عايز اى معلومات عن العربية ويعنى ايه عفشة السيارة والمساعدين

بصى يا ضحى سلك الدربياج بيتركب من الكبوت زى ما العضو المحترم قال بالظبط لان لو فتحتى الكبوت هتلاقى مكان ليه خارج من السدر بتاع العربية اللى منه واصل للبدال جوا تمام
و بعدين مكانه من ورا العمة بتاعت الكربراتير تحت كده لما توصلى للفتير ليه مكان بيتركب فى حاجى زى مشئبية كده ممكن اللفظ يكون غريب عليكى بس هوة اسمه كده زية زى سلك الاكسلراتير
طبعا الميكانيكى بيركبة و بيظبط البدال تانى لكن لو مع حد ممكن تركبة و تمشى نفسك و السلام لحد اقرب ميكانيكى يبقى يرجعلك البدال و يعليه تانى
العفشة دى الحاجات الكتر اللى ماسكى العجل من قدام و من ورا هى دى
مقصات و سوست و مساعدين المقص بيثبت العجلة فى جسم العربية عن طريق الكرتيرة و المساعد علشان المطبات طبعا و السوست للاحمال علشان تبقى معلية العربية شوية
هى دى العفشة
و طبعا البنات محترفة فى انها تاخد مطبات

فابقى خلى واحد بتاع عفشة يربطلك على العفشة كل ما تسمعى صوت طقطقة جامدة او شخللة فى العربية بس خدى بالك متكونش طقطقة كوبلن يعنى يكون الصوت و انتى ماشية و فى مطبات مش و انتى واقفة و كاسرة العجل و بتطلعى علشان ده يبقى كوبلن

الموضوع: العربيه ببتأخر فى الدوران الصبح بس !!!!!

LinkBack

أدوات الموضوع

عرض

-

-

-

-

المواضيع المتشابهه

ترس الديفازر بدء يعمل صوت فى الدوران الصبح . فاضل اد اية ويبوظ خالص ؟

فلشيا الفرق بين اداء العربيه الصبح واداء العربيه باليل

غياب العربيه في الدوران اذا كانت كاربوريتر

العربيه بتبرجل الصبح!!!!!!!!!!!!!!!!!!!

العربيه بتكركر الصبح

الكلمات الدلالية لهذا الموضوع

المفضلات

المفضلات

ضوابط المشاركة