وكماااااااااااااااان معانا راي بناتي بيقول انه وسيلة زي اي وسيلة:wink:. طب ماتفتحي باب من الالف باب دول واتكلمي عنه باستفاضة عشان نفهم وجهة نظرك؟
النت أصعب طريقة للبحث عن شريك للحياه، لأن ما يمكن معرفته خلال دقائق من لقاء وجها لوجه قد يحتاج شهور لمعرفته عن طريق النت، لكن ممكن إستخدامه كحلقة وصل، للتعارف المبدائي جدا، وتنتقل العلاقة للشكل المعتاد دون أن يحدث أي إرتباط عاطفي أو حتى إعجاب من خلال النت لأن هذا قد يكون عامل سلبي في تقييم الطرف الأخر (الحب أعمى)
هقول لحضرتك مثلا انا اعرف زيجات كتير جدا تمت من خلال النت ومعظمها ناجح جدا
ابسطهم مثلا ..كان فيه احد المواقع بتعمل اجتماع شهري لمشرفي الموقع والاجتماع دا بيكون في احدا الاماكن الخاصة بالاجتماعات والموقع دا موقع اسلامي... بعد فترة واحد زميلي في الكلية تقدم لبنت مشرفة معانا بالرغم من انه فلحقيقة لم يكن بينهم اي حوار وميعرفش عن شخصيتها اكتر من اللي شافه منها فلموقع او فحوارها اثناء الاجتماع
والاتنين ملتزمين دينيا جدا ودلوقتي معاهم احلي بنوته اسمها فرح
----------------نتكلم فنقطة تانية
واحدة مثلا اعرفها اتعرفت علي واحد ف شات رووم وكانوا بيتكلموا يوميا واتفقوا ع الزواج وطبعا اتقابلوا فلحقيقة تلات اربع مرات
وخلاص وثقت فيه وتقدم لها رسمي فعلا واكتشفوا بعد شهر انه نصاب فعلا بدون الدخول في تفاصيل...
بس دا ع الاقل راح واتقدم لها.. في ناس كتير اغلبهم بيكونوا واخدين الموضوع تسلية وضحك وهزار وتضييع وقت
---------------------
اقلك مثال تالت ...
في واحدة برده اعرفها سيدة محترمة جدا كانت علي علاقة بي وباصحابي من خلال الانترنت عن طريق احد المنتديات برده ولما كانت بتدور علي عروسة لاخوها رشحتهلها واحدة معانا برده متعرفهاش شخصيا ولا حتي أنا وفعلا الموضوع تم ودا زيه زي زواج الصالونات
---------------------
دي امثلة صغنتوتة اوي من ميت مثال بيحصل فلحقيقة يبقي مينفعش نساوي بين المواقف دي كلها ونقول عليه فلمطلق جواز النت..!!
انا كنت كاتبة موضوع مرة عن الحكاية دي هدعبس واجبهولكم
الكلام ده صح مية ف المية بس لو كان الشخص داخل اصلا يبحث عن شريك حياته ( يعني لابس الحتة اللي عالحبل ومسرح وفالق شعره وحاطط فيزلين وكالونيا:C_laugh[1]: بقي وداخل) انما اللي اقصده انه داخل تعارف عادي جدااااااااااااااا ومن خلال التعارف والكلام الصفات الاساسية للشخصية بتظهر من خلال كتابته وبعد كدة بيتحول لصديق وبعدين يبقي التعود علي الشخص سبب مهم في التعلق بيه ويحصل التطور الطبيعي للموضوع اللي بردووووووووووووو ممكن يحصل في اي مكان ( مدرسة او جامعة او شغل...........) اكيد مش كل اللي بيرتبطو من الاماكن ده كانو قاصدين ومتعمدين الارتباط بزميلتهم اكيد كان نازل في يوم لا بيه ولا عليه وشافها وكلمها وبدءت كصداقة وارتياح وتعود وبعد كدة تحولت لاتجاه الارتباط.
صح ولا كلامي فيه حاجة غلط؟؟؟؟؟؟
هو إنك تتكلم مع واحدة بنت حرام ؟؟؟ لو الكلام نفسه مافيهوش أى حرمانية يبقى حرام بردوا ؟؟؟
و إيه الدليل؟
شكرا لردك طبعا وللامثلة اللي قولتيها. وانا عايز اتكلم عن نقطتين: الاولي : ان اهو فعلا في زيجات بتتم وبيكون اساس تعارفهم نت ( منتدي او شات او موقع زواج ............. وعلي فكرة انتي مش اول حد اسمع منه كلمة ان فيه ناس اتجوزو من النت وزواجهم ناجح جدااااااااااااااااااااا.
ثانيا: بخصوص المثال اللي فشل ( لانه طلع نصاب ) طبعا منقدرش نحكم انه فشل لانه من الشات والمثال الاولاني نجح عشان من منتدي ( بحكم ان راي الناس في الشات روم انه مش كويس ) ماهو كان ممكن نفسسسسسسسسس الشخص ( النصاب ) كان يبقي معاكو في المنتدي ( اللي حصلت عليه حالة زواج ناجحة ) وبرده يشوفله حد ينصب عليه.
يعني زي ماقولت في بعض المشاركات الاولي انه وسيلة والمستخدم هو اللي بيستخدمها يااما صح او غلط ( بس عيبنا اننا بنستخدم الحاجة غلط لحد مانكره الناس فيها).
وبعيد عن النت خاااااااااااااااااااالص ممكن اي بنت يتقدملها عريس عن طريق العيلة وبرده يطلع نصاب او فيه صفات تبان بعد كدة يعني بردو هو وسيلة زي اي وسيلة ( ابتدائية ) وبعد كدة الصفات بتبان لما نتعامل وش لان مفيش حد يقدر يكدب علي طول او يقدر يتجمل علي طول.
واخيرا اسف لو كنت اخدت فكرة موضوع قديم ليكي بس اعتبريه احياء للفكرة ( لان بصراحة حسيت انها بقت ظاهرة ) فقولت نطرحها للمشاركة ونشوف وجهة نظر الناس فيها سواء كانو الطرفين ( البنت والولد ) او الاهالي ( اللي اكيد هيرفضو ( ووضح كدة من بعض المشاركات من الاعضاء انهم رافضين الموضوع ومن سياق الكلام عرفنا انهم اكبر مننا سنا ( يعني بمثابة اولاياء امور لولاد ولبنات) عموما الاختلاف فالراي لا يفسد للود قضية.
وفي انتظار لينك موضوعك اللي كنتي كتباه عن الحوار ده
مش شايف فيها أي حاجة طبعا,,الواحد بيتعرف على واحدة ...وبيتكلموا وبيتناقشوا وإذا حصل قبول بين الطرفين يبقى يتقابلو والمقبلة بتكشف إذا كان في أي طرف من الالطرف بيهزر أو بيتصنع أو بيكذب.وطبعا ميبقاش الحب و كده على النت عشان مستحيل تحب حد إنت حتى مشفتوش .النت وسيلة تعرف زيها زي إنك عجبتك بنت في الكلية وبدأت تكلمها مثلا ( وفي بنات كتير مبتتكلمش مع ولاد أصلا ) وأنا أصلا مش بحب أروح كده على واحدة وأقولها أنا عايز اتعرف عليكي ..ممكن عشان مجربتهاش :$ :d بس مش حاسسها ظريفة إلا مثلا إذا في الشغل أو حاجة..انما في الشارع وال كلام ده لأ ..واين كان مفيش سبب يقول إن النت وسيلة فاشلة...عشان زيه زي أي حاجة ..وال أخ اللي بيقول تضيع وقت ..فـبرده إنك تروح الجامعة وتفضل بس تدور على بنت ..ده اكبر تضيع وقت وده اللي بشوفه.فا العقل في كل حاجة حلو يعني متعدش على النت ليل نهار تدور على بنت ولا تخرج كليتك أو شغلك بس علشان تدور على بنت.اللي ربنا كاتبهولك هيحصل.فـمترفضش حاجة زي النت على أساس إن اللي فيها بنات وحشين وبس .
ههههههه لا ياباشا مش كده.:C_laugh[1]:..اصل انا شايف ان فى اراء كتير اوى اتقالت والموضوع بصيناله من كل الزوايا...فمفيش حاجه جديده....يعنى ممكن اقول فى النهايه الموضوع ممكن يصلح بس فى استثنائات ....ودى بتبقى حسب الموقف.....يعنى الحوار مش فاشل بنسبه 100 فى 100 ومش ناجح بنسبه 100 فى 100.....بس عموما نسبه فشله اعلى ومعظم مواضبع النت بتبوظ....وربنا يوفق الجميع للخير
تقبل مرورى...
يا شباب الجيل هههههههههههه أهم حاجة عندى فى المناقشة دى كلها عارين اية ان مفيش حد زعلان دة عندى أهم من الموضوع كلة انا مش بحب حد بكون زعلان منى و انا عمرى لعلمكم ما بحاول اضايق حد او أغلس على حد من الباب للطاق كدة ابدا بحب الهزار جدا و بحب الناس الى بتشارك معاهم يكونو فرش كدة هههههههههههههههههههههههه :S_thum1[1]::C_laugh[1]: