اذا كان مافيش اختلاف في استهلاك البنزين بين الماتور 1600 و 2000 cc ( لنفس نوع العربية و الموديل ) ، يبقى ايه مبرر تصنيع مواتير بسعات مختلفة ؟!
طب افرا مشاركتي بس و انت تفهم
بس طبعا المواتير المختلفة عشان القدرات المختلفة في الاساس
اعتقد تكنولوجيا تصنيع المواتيرهي العامل الاساسي وراء استهلاك او توفير الوقود ..فمثلا وده واقع صحيح ,موتور الفيكترا ال2000سي سي الايكوتك موفر في البنزين اكتر من ال1600 سي سي العادي مع تساوي الظروف وطريقه القياده .فالموتور الاول 16 صباب-2كامه -حقن متعدد اما الثاني ف8صباب-كامه واحده-سنجل بوينت انجكتور ..
يا جماعة الراجل صاحب الموضوع تفضل و ثبت المدرسة بتاع الموتورين و التكنولوجيا بتاعة تصنيعهم .. ده حتي ثبت العربية نفسها .. محدش يقول بقي اللادا 1200 بتستهلك اكتر من هوندا سيتي .. عشان نعمل مقارنة في نقطة معينة .. نثبت باقي النقط
طيب ازاى نقارن لما الاتنين مختلفين
نقارن و نقول افضل او لأ لما المحركين يكونوا 2 كامه و 16 صمام و حقن متعدد و على نفس العربية
فى الحالة دى هتلاقى ال 1600 اوفر فى الاستهلاك بالمنطق و ال 2000 بيحرق اكتر بس بنسبة اقل من الفرق بين السعة
يعنى مثلا ال 1600 يعتبر حجمه بنسبة 80% من المحرك ال 2000
يعنى المحرك ال 1600 حجمه اقل بنسبة 20% من ال 2000... نستنتج انه هيستهلك بنزين اقل بس مش اقل بنسبة قيمة الفرق يعنى هنلاقيه افضل من ال 2000 بنسبة 15% فقط و ليس 20%
كلام حضرتك صحيح يعني مثلا الفكترا ال2000سي سي موتور ايكوتك بيستهلك بنزين اقل من الموتور ال 1600
ودا عن تجربه الاعضاء
ايوننننن فادي باشا سبقني بس انا مختش بالي
مش عارف اقول ايه بصراحة غير ان العربية مصاريفها زي بيت تاني مفتوح وياتدفع في الاول كتير وبعدين تدفع شوية لمدة طويلة (عربية جديدة)او تدفع شوية وبعدين تقعد تدفع كتير لمدة طويلة(عربية قديمة) ولولا اختلاف الاذواق والقدرات والاحتياجات لبارت السلع
هنا مربط الفرس
اتفقنا ان نسبة خليط الهواء والبنزين واحده،
نفرض ان السرعة ثابته 120 كم/س
ال 1600 حيكون rpm 4000
ال 2000 حيكون 3300 rpm
حنفترض ان الدورة الواحد حتستهلك قيمة السعة ، يعني ال 1600 حتستهلك 1.6 جزء وال 2000 حتستهلك 2 جزء في كل دورة
يبقى عشان تمشي بسرعة 120 كم/ الساعة حيكون الاستهلاك كالتالي:
ال 1600:
1.6*4000 = 6400 وحده/دقيقة
ال 2000
2.0*3300 = 6600 وحده/دقيقة
طبعا الارقام دي افتراضية وملهاش اي علاقة بالواقع، لأني معرفش عند سرعة 120 ال rpm بيكون كام فعلا في ال 1600 وال 2000، بس لو حد عمل تجربة وجابلنا عدد اللفات عند نفس السرعة ، ممكن نوصل لحسبة تقريبية