هل الافضل الزهراء ثم الدائرى شمال ولا كوبرى اكتوبر ومخرج اسكندرية الزراعى ياريت الرد بسرعه لانى لازم اسافر دلوقت علما انا فى مدينة نصر
عرض للطباعة
هل الافضل الزهراء ثم الدائرى شمال ولا كوبرى اكتوبر ومخرج اسكندرية الزراعى ياريت الرد بسرعه لانى لازم اسافر دلوقت علما انا فى مدينة نصر
الدائرى احسن طبعا فى كام كيلو زيادة بس طريق طوالى ولا لف ولا دوران
الدائرى هيبقى طويل اوى ومعتقدتش دلوقتى زحمة
خد اكتوبر وبعدين اسكندرية الزراعى احسن واقصر كتير
+1111111اقتباس:
المشاركة الأصلية كتبت بواسطة elrasy
انا من طنطا وبنزل مدينة نصر كتير وعلطول باخد اكتوبر وبعدين الزراعى..الدايرى طويل جدا جدا جدا وفى الاوقات اللى مفيهاش ضغط بيبقى اكتوبر اقصر بكتير كمسافة ووقت
انا جربت الدايرى مرة واحدة وحرمت بعدها اخد الدايرى تانى الا لو فى اوقات زحمة بيبقى الدايرى افضل فمعتقدش دلوقت جوه البلد هيبقى زحمة
الف شكر يا رجالة بجد كتر خيركم هتوكل على الله واخد كوبرى اكتوبر وانزل منه على إسكندرية الزراعى
حتى تكتمل الفائدة حد عنده اى معلومة عن الطريق دة من حيث المطبات والمفاجات والرادارات . . الخ
لا ياباشا مفيش مطبات ولا حاجة ...مفيش غير الفواصل بتاعة كوبرى اكتوبر ودى كلو متعود عليها تقريبا :)اقتباس:
المشاركة الأصلية كتبت بواسطة mishmishy
بالنسبة للرادارت معتقدش فى على كوبرى اكتوبر بس الاحتياط واجب عشان بقو بيعملو رادارات جديدة كتير اليومين دول
عموما لو حبيت تختصر اكتر وانت على كوبرى اكتوبر ابقى انزل مخرج شبرا وخد اول يوتيرن وخش النفق على يمينك علطول وخليك ماشى لنهاية الشارع يمين عشان تخش على شارع الترعة ومنو الى شارع شبرا وخد اول يوتين يقابلك بعد اول اشارة فى اول يمين عشان تطلع عالكورنيش ومنو الى الزراعى
شكلك كده توهت منى:vctry:
لو اللى قولتو ده هيتوهك خليك على كوبرى اكتوبر لحد مخرج الشهيد اللى بينزلك فى التحرير وكمل فى الكورنيش لحد متوصل للزراعى..هوه اطول شوية من مخرج شبرا بس مفيهوش لف كتير فخليك فيه لو هتتوه فى الطريق المختصر اللى انا وصفتهولك فوق
وتوصل بالسلامة ان شاء الله
بعد اذنك ياباشا عاوز اضيف حاجهاقتباس:
المشاركة الأصلية كتبت بواسطة drmax
انا شايف انه لو نزل نزله شبرا المفروض يدخل نفق احمد بدوى و ياخد يوتيرن و يرجع من فوق النفق و يوتيرن كمان و يمسك احمد حلمى طوالى لحد الزراعى .. ايه اللى يوديه للترعه و بعدها شبرا و كورنيش ؟؟ كده اقرب كتير
و اقرب نزله كورنيش من اكتوبر ( تطلعك ع الزراعى ) هو مخرج 15 مايو .. و فيه عليه مخرج فرعى لأسكندريه الزراعى .. مش لازم يستنى لحد عبد المنعم رياض ..
وشكرا
وخد بالك ان في رادار علي الزراعي قبل مدخل بنها بـ 5 كيلو تقريبا بعد قرية سندنهور بـ 1 كيلو بالظبط والرادار ده كل يوم الصبح من 8 لـ 1
وبالنسبه للطريق فعلا خد نفق احمد بدوي وممكن تطلع منه وتاخد يوتيرن وترجع ولو زحمه كمل لاخره وخش يمين فشارع الترعه وقدامك حلين تكمل طوالي وهوا حيدخلك احمد حلمي تاني او تاخد اليوتيرن وتدخل شارع شبرا ومنه للكورنيش بس دي لفه وصعب تسلك فيها لاني رحت هناك مره ومعرفتش اعملها
أقصر طريق في الأوقات اللي مش زحمة تاخد شارع اسماعيل الفنجري و تطلع كوبري القبة بعدين ما تفكرش هتروح فين لا يمين ولا شمال خليك في وشك سكة الوايلي و في وشك كوبري أبو وافية (هتلاقي الكوبري بيقطع السكة الحديد بعدين بيقطع شارع أحمد حلمي) و تنزل منه تاخد أول بمين (شارع جانبي) في شمال في يمين هتلاقي شارع كله ورش سمكرة و عربيات نقل و كمان يمين تلاقي نفسك طلعت على شارع أحمد حلمي و تاخد أول يوترن عشان تبقى في اتجاه إسكندرية و ألف مبروك
وأنا لاحظت أن أوقات الزحمة زي ما كوبري أكتوبر بيقف، الطريق اللي قلت لك عليه بيبقى واقف برضه
والدي بيكره الطريق ده مش عارف ليه بيحب الدائري و لو عايز يختصر يعني بياخد شارع شركات الأدوية و السواح و كده بس سيبك من الكلام ده
آه افتكرت خللي بالك بعد كوبري قليوب خد أي حارة غير الحارة الشمال لأن فيها مطبات زي الزفت لو كلتها بسرعة
كلامك مظبوط ياباشا بس انا الصراحة مبحبش احمد حلمى نهائى..كل مترين مطب وياريتها مطبات عادية..لا دى مطبات تقطم الوسط..الواحد والله لو بياخدها حتى والعربية تقريبا مبتتحركش برضو بيحس انها مش مريحةاقتباس:
المشاركة الأصلية كتبت بواسطة m7nsh
فانا عشان كده مبفضلش احمد حلمى لكن هوه فعلا اقصر بكتير