يا جماعة حد يفيدنى

**hamada2u2000** · 10-09-2010 08:42 PM

[overline]يا جماعه انا معايا بولو 2001 فضى انا اللى راششها بره نضافة من جوه فابريكة وماتورها ممتاز واستهلاكها فى البنزين حكايةالمهم العربيه فاضية ما فيش فيها كماليات انا محتاج تكييف فا ايه رايكوا عايز حد يفيدنى اركب ليها تكييف والا ابيعها واجيب عربيه مكيفة وياريت لو هاكيفها اعرف تتكلف ايه وهل هاتبقى كويسة وسحبها على الطريق هايبقى فيه فرق كبير والا التكييف هايسحب كتير من عزم العربيه[/overline]

**moooooomooo** · 11-09-2010 12:53 AM

شوف ياباشا أنا معايا بولو 2001 مكيفة لكن التكييف بتعها بيخلى السحب ضعيف جداً وهو نازل فيها مابالك انك هتركبة وعلشان تركبة وممكن يبقى كويس ياريت يكون فى التوكيل والافضل الافضل تبعها وتجيب مكيف من بلاده أحسن وعموماً ممكن تبعها على الصيف اللى جاى فى شهر 4 ولا حاجة لأننا دخلين على الشتاء خلاص والسوق بيضعف فى الشتاء شويه خليها فى الصيف وأهو تستفيد منها فى الفترة دى وده رأى الخاص وممكن نسمع آراء الاخوه وك عام والجميع بخير

**mesho_kimi** · 11-09-2010 03:09 AM

المشاركة الأصلية كتبت بواسطة moooooomooo

شوف ياباشا أنا معايا بولو 2001 مكيفة لكن التكييف بتعها بيخلى السحب ضعيف جداً وهو نازل فيها مابالك انك هتركبة وعلشان تركبة وممكن يبقى كويس ياريت يكون فى التوكيل والافضل الافضل تبعها وتجيب مكيف من بلاده أحسن وعموماً ممكن تبعها على الصيف اللى جاى فى شهر 4 ولا حاجة لأننا دخلين على الشتاء خلاص والسوق بيضعف فى الشتاء شويه خليها فى الصيف وأهو تستفيد منها فى الفترة دى وده رأى الخاص وممكن نسمع آراء الاخوه وك عام والجميع بخير

معلش انا بختلف معاك أحنا ممكن نطلق كلمة التركيب لو العربيه اساساً ملهاش تكيف واحنا ركبنا واحد فى الحاله دية بيبقه اسمه شغل عك ومالوش لازمه انما العربيه اساساً متجهزه للتكيف وتكيفها الاصلي بيتباع كل اللى حيعمله انه حيشتري واحد أصلي سعره بمواسيره باليله كلها 2500 جنيه وبكده هو اشتري حاجه فبريكه ركبها فى العريبه ذيها ذى اللى عنده عربيه مكيفه وتاكيفها عطل بالظبط

**M.Mostafa80** · 11-09-2010 03:24 AM

المشاركة الأصلية كتبت بواسطة mesho_kimi

معلش انا بختلف معاك أحنا ممكن نطلق كلمة التركيب لو العربيه اساساً ملهاش تكيف واحنا ركبنا واحد فى الحاله دية بيبقه اسمه شغل عك ومالوش لازمه انما العربيه اساساً متجهزه للتكيف وتكيفها الاصلي بيتباع كل اللى حيعمله انه حيشتري واحد أصلي سعره بمواسيره باليله كلها 2500 جنيه وبكده هو اشتري حاجه فبريكه ركبها فى العريبه ذيها ذى اللى عنده عربيه مكيفه وتاكيفها عطل بالظبط

بس خلى بالك ياميشو مش بيبقى معمول حسابه فى الدفيره وبالتالى الكنترول ما بيديش اشاره للبوابه تعلى العربيه مع التكييف وبالتالى المموضوع هيبقى خنقه الا اذا وديت العربيه لحد بيفهم وركبهولك فابريكه

**hamada2u2000** · 11-09-2010 03:50 AM

طيب لو جيت ابيعها تساوى كام ؟

**moooooomooo** · 11-09-2010 08:25 AM

هيه عامله كام كيلو وحالة العربيه من جوه ايه اوصف العربيه بشيئ من الدقة علشان نعرف نثمنهالك كويس بالتفصيل

**hamada2u2000** · 11-09-2010 02:28 PM

اسف على التاخير فى الرد
العربيه رشة بره نضافة انا اللى راششها
وعاملة 137300 كم والعربيه من جوة فبريكة وبفرش الفبريكة وانا لسه مغير ليها طقم الكهربا والكاوتش

**hamada2u2000** · 11-09-2010 08:48 PM

المشاركة الأصلية كتبت بواسطة moooooomooo

هيه عامله كام كيلو وحالة العربيه من جوه ايه اوصف العربيه بشيئ من الدقة علشان نعرف نثمنهالك كويس بالتفصيل

بسم الله الرحمن الرحيم
العربيه 2001 فاضية انا اللى راششها بره نضافة انما من جوة بحالة ممتازة وموتورها ممتاز انا لسه مغير ليها طقم الكهربا والكاوتش والله العربيه ما زعلتنى فى حاجه بس انتوا عارفين يومين الحر اللى فاتوا كانوا صعبين جدا وانا لسه عريس جديد ومكنتش عارف اخرج بيها خالص
ولكم جزيل الشكر

**hamada2u2000** · 11-09-2010 08:49 PM

والعربيه عامله 137300 كم

**moooooomooo** · 17-09-2010 07:50 AM

انا آسف على التأخير العربية تساوى من 39 إلى 41 حسب شطارطك مع اللى بيشترى وممكن تحطها على موقع كونتكت كار وتشوف الامور هتوصل لفين وكمان ياريت نسمع رأى الاصدقاء على المنتدى ولو محدش استجاب ممكن تكرر الموضوع من تانى وتعرضة للمناقشة وربنا يوفقك ان شاء الله