عاوز اخد رايكم انا ناويت اشترى بازن الله فيرنا هاف بس ليه سؤال انا لو اشتريت اليومين دول هاتكون موديل 2010 ولا 2011 ولو كانت 2010 مش تبق ى بسعر اقل ولا عادى هى هى نفس الاسعار 65000 جنيه:36_9_4:
عرض للطباعة
عاوز اخد رايكم انا ناويت اشترى بازن الله فيرنا هاف بس ليه سؤال انا لو اشتريت اليومين دول هاتكون موديل 2010 ولا 2011 ولو كانت 2010 مش تبق ى بسعر اقل ولا عادى هى هى نفس الاسعار 65000 جنيه:36_9_4:
هو ايه اللى بيحدد موديل العربيه 2010 لو 2011 هل سنة الصنع ولا طالما الشكل متغيرشى يبقى عادى على حسب تاريخ الترخيص
لو اشتريت دلوقتي يا تشتري 2010 يا تشتري 2011 بس برده الشكل القديم
فنصيحتي هتلاقي فرق سعر بين الاتنين خد بتاعة 2010
وبيكون فيه احتمالات عربيات لموديلات قديمة ماتباعتش وزيرو
يعني ممكن تلاقي 2009 زيرو ماتلمستش اساسا
انا شايف ان لو لقيت حاجة 2009 خدها مفيش مشاكل لأن مفيش أي فرق بينهم خالص -هي بس هتفرق معاك في الضمان تقريبا بتاع العربية-
فكر كدة وشوف الأنسب ليك ايه بالظبط
طيب انا اعرف منين ان دية 2010 ولا 2009 وهل ممكن الاقى لانوس 2009 لانى ان شاء الله حاشترى كمان 3 اسابع
دخلت انصحك بس إنك تشتريها فول أوبشن,,,ماتشتريهاش هاف أوبشن,,,قلة الكماليات هتزهقك من العربيه,,,,و فرق القلوس بينهم تافه
تقبل تحياتي
ويا ترى موضوع فرق الموديل دا ممكن الاقيه فى اى معرض ولا لازم الوكيل
هو الكماليات شيء رائع طبعا ومهم
لكن من وجهة نظري لو يجيبها هاف اوبشن ويركب الكماليات الباقية هيكون اوفر معاه
هتفرق معاك بتاع 3000 جنيه مثلا
عموما ايهما تفضل هيكون الأفضل باذن الله
في الحقيقة معنديش علم عن اللانوس
اسأل عنها في شيفروليه اكيد هيكون فيه شيء جوهري وملحوظ
يعني في الفيرنا اعرف ان كل موديل لون الفرش بتاع الكراسي بيختلف عن التاني -عشان تقريبا العربية ماتغيرش فيها اي حاجة اطلاقا-
الفرق يفترض انه ما يقلش عن 5000 جنيه لكل سنة فرق
في الخليج كان بيكون فيه عربيات زيرو ماتلمستش وموديلات متأخرة سنتين وتلاتة وبتتباع بعروض أسعار مغرية
الفيرنا لسه منزلش منها 2011 اصلا في غبور
انا سألت عليها قبل العيد اخر اسبوع في رمضان قالولي كلها 2010 مفيش منها لسه 2011
يابرنس افضل حاجه خدها موديل 2010 علشان فرق السعر . خد اللون النبيتى او السماوى وفرق السعر جنط العربيه وفيم الزجاج وركب زنيزن تلاقيها فى منتهى الشياكه مع اللونين دول والعربيه حلوة وممتازة ومجربه والكلام عن صيانه وقكع غيار اى ميكانيكى بيصلحها وقطع غيار ببلاش واى حاجه فيها متوفرة .. مبروك
يعنى موديل 2010 دلوقتى يفرق 5000 جنيه يعنى ممكن تعمل 60000جنيه؟
الأسود بيبقوا تنظيفه صعب .. وبتبان فيه الأتربة بشكل بشع .. بالإضافة إلى أنه لون غامق مش بيعكس الحرارة .
عاوز أنصح حضرتك نصيحة - وكل واحد أدرى بظروفه طبعاً - حاول تضغط على نفسك شوية وهات الفول أوبشن .. لأنك لو ركبت الكماليات دي بره بعد كدة حتتكلف أكتر ومش حتطلع بنفس جودة وكفاءة الفبريكة .
متشكر يا باشا على النصيحه وشكرا على اهتمامك
طيب النهارده اسعار الفيرنا 2010 زى ماهى 65000جنيه موجوده فى اخبار السيارات و2011 لسه مانزلتش رايكم استنى شويه؟
لو تقدر تستنى علشان لو فيه تخفيضات على الموديل القديم استنى شوية .. بس فيه حاجة عاوز ألفت نظرك ليها .. أعتقد أن الموديل الجديد ممكن يكون مختلف شوية للأحسن علشان المواصفات القياسية ممكن تتطبق عليه .. وبالتالي حيكون أجود .. والله وأعلم السعر حيكون زي ما هو ولا حيزيد .
ومعتقدش أن وكيل زي غبور بيجمع عربيات حيغلب أنه يغير موديل السنة في الورق بتاع العربية لموديل أعلى .. وخاصة أن الشكل هو هو .. الاحتمال الوحيد للتغيير (وده مش أكيد برضه) حكاية المواصفات القياسية في جودة المكونات فقط لا غير
اللون الأسود رائع جدا في الفيرنا طول ما العربية سليمة وما اتخبطتش او اتخدشت
اول خبطة او خدش فيها بيكون شكل العربية سيء جدا
ناهيك عن ان الفوطة العادية بتجرح صاج العربية اساسا وناهيك عن الأخطاء في اللون الأسود دون غيره
اما بالنسبة للموديل والسعر استنى شوية ينزل موديل 2011 -وهيكون نفس الشكل بنسبة 99.9% لأن مفيش اي اعلانات غبور نزلها بخصوص الشكل الجديد وساعتها تجيب انت 2010 بسعر كويس او دور على 2009 زي ما قلتلك وانت المستفيد برده لأن مفيش أي فرق بينهم خالص بل على العكس 2009 اعتقد انها نازلة بكاوتش لاسا مش نسر ودا أفضل من النسر كمان
غبور دا حرام عليه والله باللي بيعمله فينا وفي العربيات
متشكر قوى على النصائح الغاليه دى وكل عام وانتم بالف خير
معلش انا مش متفق مع حضرتك فالنقطه دى
عربيه زيرو يتفك فرش كل باب و يتعدل فالباب نفسه علشان تركب زجاج كهرباء
تشترى بلاستيك للأبواب كلها علشان تحافظ على شكل العربيه من الداخل (زى الفابريكه)
عداد rpm
فتح الشنطه من الداخل
كل ده انت بتتعامل مع صناعيه اى كلام و وجع قلب و فالأخر هتلاقى نفسك ضيعت وقت و عملت مجهود و بقت العربيه مش فابريكه و اكيد طلعت من الضمان و هتدفع اكتر من فرق السعر الأصلى
و لو فيه فرق فالموتور بين الفل و الهاف يبقى انت كده خسرت اكتر من اللى وفرته
انا متفق معاك في الكلام
بس الموتور بين الهاف اوبشن والفل اوبشن مفيش أي فرق اطلاقا
اكيد بنسبة كبيرة جدا
الموتور واحد بين الهاف أوبشن و الفل أوبشن
انا معايا الهاف ابشن وبعد ما جبتها ..... قولت يارتنى جبت الفل اوبشن
نصيحه اشترى الفل اوبشن احسن وفرق السعر يستاهل
والموتور مفيش اى فرق بين الاتنين
الحمد لله إن كل الناس موافقاني
انا سألت النهارده على فرق الموتور بين الـ هاف و الفل اوبشنز , كان الرد
1- الهاف 12 valve الفل 16
2- الهاف 97 hp الفل 102 او 107 (مش فاكر الرقم بالظبط)
بص يا باشا
كده كده غبور مش بينزل موديلات السنة الجديدة غير فى شهر 11 قصدى على موديلات 2011
لو انت عايز تشترى موديل السنة الجديدة يبقى تستنى لشهر 11
وكده كده العربية متغيرتش لانها بتتقفل فى مصر
يعنى نفس الشكل وكل حاجة
بس لو انت هتشترى فيرنا يبقى خليك فى المصرى وبلاش الهندى
وان شاء الله ربنا يوفقك وبلاش لانوس الفيرنا من وجهت نظرى افضل واحدث وموتورها جبار
يا جماعه انا نزلت النهارده اللف على المعارض عشان اسئل على فيرنا 2010 وقالولى ان الفيرنا 2011 موجوده وهى هى 2010 بس الورق بتاعها هو اللى متعدل ومافيش دلوقتى 2010 كله اتعدل 2011وهى هى العربيه اللى كانت 2010 بتتباع على انها 2011 بس الورق هو اللى اتغير هل الكلام دا مظبوط يا رجاله
زي ما توقعت من توكيل زي غبور .. العربية بتبقى موديل سنة معينة .. وهو بيلعب في الورق بتاعها للموديل الأعلى .. والأسعار أيه يا باشا لو سمحت
اللي كانت مش متوفرة وشاحة قوي كانت اللانوس سواء تاكسي أو ملاكي .. إنما الفيرنا كان فيها ستوكات كتيرة .
وبعدين متنساش أن مشروع التاكسي اتجمد في فترة من الفترات وكانت خطوط الأنتاج بتنتج .. فأكيد حيبقى في وفر .
واللي متوقعه (مجرد توقع) أن المصانع بتنتج وبتقف على اللون (رش العربية) لحد ما تبان الصورة إذا كان الخط ده حيبقى ملاكي ويتم تحديد الألوان على حسب الطلب أو عشوائياً .. ولا حتترش على أساس أنها تاكسي (أبيض) .