سؤال عن ثبات هوندا جاز ؟؟

حقيقي انا معرفش ليه مفيش اي مواضيع عنها وليه مش منتشرة خالص ..
مع انها عربية كويسة جدا ..

وكنت من فترة سألت عنها ودلوقتي عملت بحث عشان اشوف المواضيع المتعلقة بيها ملقتش الا موضوعين فقط مفيهومش معلومات كافية ..

طيب انا بس عايزة اسأل لو فيه حد عارفها او مجربها .. عايزة اعرف الثبات بتاعها اخباره ايه ؟
ثباتها زي الياباني عموما ولا متماسكة زي الاوروبي ؟

لاني ان شاء الله كام شهر وناوية اغير عربيتي وعموما مش برتاح في الياباني او الكوري خالص (كورولا - لانسر- هيونداي تحديدا ) بحس اني لو عطست ولا كحيت وانا ماسكة الدريكسيون العربية بتحود مني .. فعايزة عربية تقيلة وثباتها كويس جدا مع السرعة ومع الملفات ..

ياريت لو حد يعرف ثبات الجاز يفيدني ..
وميرسي جدا

العربية أصلاً مش منتشرة وقطع غيارها كذلك وأخر موديل نزل منها مصر كان سنة 2005 فا السؤال ليه جاز تحديداً؟ عشان صغيرة شوية و هاتش باك؟ عموماً أنا مجربتش العربية ومعلوماتي عنها قليلة لكن أعتقد ان ثباتها متوسط عشان حجمها ووزنها وتصميمها انما عاوزة ثبات كويس مع السرعات والملفات يبقى السيفيك بموديلاتة المختلفة

الجاز عربية واسعه جدا من جوة تقفيلها فوق الممتاز سريعه جداااااااا جدااااااااااااا استهلاكها للبنزين فوق الممتاز ثباتها موش اد اكده لانها خفيفة اوي

انا مجربتهاش قبل كدا ..... بس الي اعرفه ان العربية دي مظلومة جدا


لانها ناجحة جدا برا و دايما كل سنة واخدة تقييمات عالية فاوروبا و بيحترموها جدا هناك ........و بتحقق مبيعات عالية

هوندا جاز عيبها ان قطع غيارها نااااااااااااااااااااار بمعنى الكلمة ونادرة مش موجودة

ثباتها بعد 140 بيقل

السيارة شيك فيها كل وسائل الرفاهية مريحة ومش ناشفة فى المطبات ومساحتها معقولة جدا من الداخل قريبة جدا للماتريكس فى الاتساع الداخلى
ماتور وجرى لا خلاف علية بس المشكلة انها خفيفة بعد 140

زى ما الاخوه قالوا العربيه ملهاش سوق فى مصر مع انها عربيه لا غبار عليها بره وخصوصا اوروبا...
ولو عاجباكى اوى ممكن تجيبى هوندا سيتى 2007 مثلا لانها تعتبر جاز بس سيدان

متشكرة جدا على الردود ..
بس الفكرة اني فعلا عايزاها هاتش باك مش سيدان فيمنفعش السيفيك ولا السيتي .. خصوصا السيفيك عشان ابعادها صعبة جدا بالنسبة لي ..

انا قلقانة فعلا من موضوع انها تكون خفيفة وثباتها مش عالي ..
لو لحد 140 كويسة فعلا يبقى حلو جدا ..

بس العربية دي فعلا مظلومة جدا في مصر

في هوندا سيفيك هاتش باك كوبيه موديلات قديمة شوية

موديل 92-95

http://www3.0zz0.com/2010/09/14/14/485186653.jpg

موديل 96-00

http://www3.0zz0.com/2010/09/14/14/421912926.jpg

استاذ M_Nabil متهيالى العربيات دى مش جو البنات
بس البنت الى تشتريها تبقى بتفهم والله

اقتباس:

---

المشاركة الأصلية كتبت بواسطة medo_2060

استاذ M_Nabil متهيالى العربيات دى مش جو البنات
بس البنت الى تشتريها تبقى بتفهم والله

---

هو فعلاً في نسبة قليلة بس من البنات اللى دماغها بتكون في تظبيط العربيات وفئة الكوبيه عكس الولاد

والعربيات دى بتستحمل وثبات عالى و محترمة جداً ولما بتتعدل بماتور SiR بتبقى حكاية عشان خفيفة عشان كدة مسمينها سيفيك الطلقة بالاضافة لشكلها، بس تلقى اللى معه حالة نظيفة ومتظبطة منهم صعب انه يفرط فيها تحسها حد من عياله ههههه ويقول لك اصلى هركب اية بعدها لو بعتها والكلام ده ..

بس ده كان اقتراح مني على سيرة السيارات الهاتش باك في الهوندا ليس أكثر.

ههههههه .. لا ماليش في جو الكوبيه والحركات ..
وبعدين بعد ماجربت اليوسد مرة توووووبة ..
المرة الجاية هتكون زيرو ان شاء الله ..