سؤال عن ثبات هوندا جاز ؟؟

**Miss_Pharma** · 11-09-2010 11:09 AM

حقيقي انا معرفش ليه مفيش اي مواضيع عنها وليه مش منتشرة خالص ..
مع انها عربية كويسة جدا ..

وكنت من فترة سألت عنها ودلوقتي عملت بحث عشان اشوف المواضيع المتعلقة بيها ملقتش الا موضوعين فقط مفيهومش معلومات كافية ..

طيب انا بس عايزة اسأل لو فيه حد عارفها او مجربها .. عايزة اعرف الثبات بتاعها اخباره ايه ؟
ثباتها زي الياباني عموما ولا متماسكة زي الاوروبي ؟

لاني ان شاء الله كام شهر وناوية اغير عربيتي وعموما مش برتاح في الياباني او الكوري خالص (كورولا - لانسر- هيونداي تحديدا ) بحس اني لو عطست ولا كحيت وانا ماسكة الدريكسيون العربية بتحود مني .. فعايزة عربية تقيلة وثباتها كويس جدا مع السرعة ومع الملفات ..

ياريت لو حد يعرف ثبات الجاز يفيدني ..
وميرسي جدا

**M_Nabil** · 11-09-2010 12:31 PM

العربية أصلاً مش منتشرة وقطع غيارها كذلك وأخر موديل نزل منها مصر كان سنة 2005 فا السؤال ليه جاز تحديداً؟ عشان صغيرة شوية و هاتش باك؟ عموماً أنا مجربتش العربية ومعلوماتي عنها قليلة لكن أعتقد ان ثباتها متوسط عشان حجمها ووزنها وتصميمها انما عاوزة ثبات كويس مع السرعات والملفات يبقى السيفيك بموديلاتة المختلفة

**ramy01011** · 11-09-2010 01:46 PM

الجاز عربية واسعه جدا من جوة تقفيلها فوق الممتاز سريعه جداااااااا جدااااااااااااا استهلاكها للبنزين فوق الممتاز ثباتها موش اد اكده لانها خفيفة اوي

**M.almaghraby** · 11-09-2010 01:49 PM

انا مجربتهاش قبل كدا ..... بس الي اعرفه ان العربية دي مظلومة جدا

لانها ناجحة جدا برا و دايما كل سنة واخدة تقييمات عالية فاوروبا و بيحترموها جدا هناك ........و بتحقق مبيعات عالية

**SAMEH_FOUAD** · 11-09-2010 02:49 PM

هوندا جاز عيبها ان قطع غيارها نااااااااااااااااااااار بمعنى الكلمة ونادرة مش موجودة

ثباتها بعد 140 بيقل

السيارة شيك فيها كل وسائل الرفاهية مريحة ومش ناشفة فى المطبات ومساحتها معقولة جدا من الداخل قريبة جدا للماتريكس فى الاتساع الداخلى
ماتور وجرى لا خلاف علية بس المشكلة انها خفيفة بعد 140

**Miss_Pharma** · 14-09-2010 12:59 PM

متشكرة جدا على الردود ..
بس الفكرة اني فعلا عايزاها هاتش باك مش سيدان فيمنفعش السيفيك ولا السيتي .. خصوصا السيفيك عشان ابعادها صعبة جدا بالنسبة لي ..

انا قلقانة فعلا من موضوع انها تكون خفيفة وثباتها مش عالي ..
لو لحد 140 كويسة فعلا يبقى حلو جدا ..

بس العربية دي فعلا مظلومة جدا في مصر

**M_Nabil** · 14-09-2010 05:15 PM

في هوندا سيفيك هاتش باك كوبيه موديلات قديمة شوية

موديل 92-95

موديل 96-00

**medo_2060** · 14-09-2010 06:56 PM

استاذ M_Nabil متهيالى العربيات دى مش جو البنات
بس البنت الى تشتريها تبقى بتفهم والله

**M_Nabil** · 14-09-2010 09:16 PM

المشاركة الأصلية كتبت بواسطة medo_2060

استاذ M_Nabil متهيالى العربيات دى مش جو البنات
بس البنت الى تشتريها تبقى بتفهم والله

هو فعلاً في نسبة قليلة بس من البنات اللى دماغها بتكون في تظبيط العربيات وفئة الكوبيه عكس الولاد

والعربيات دى بتستحمل وثبات عالى و محترمة جداً ولما بتتعدل بماتور SiR بتبقى حكاية عشان خفيفة عشان كدة مسمينها سيفيك الطلقة بالاضافة لشكلها، بس تلقى اللى معه حالة نظيفة ومتظبطة منهم صعب انه يفرط فيها تحسها حد من عياله ههههه ويقول لك اصلى هركب اية بعدها لو بعتها والكلام ده ..

بس ده كان اقتراح مني على سيرة السيارات الهاتش باك في الهوندا ليس أكثر.

-

الموضوع: سؤال عن ثبات هوندا جاز ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

سؤال حول تغيير مقاس الكاوتش هل يؤثر علي ثبات المكنة؟

سؤال عن ثبات الbmw

سؤال بخصوص ثبات الانترا على الطريق

سؤال بخصوص ثبات اللوجان .. أرجو المساعدة

سؤال عن ثبات و فرامل أبيزا 2009

الكلمات الدلالية لهذا الموضوع

المفضلات

المفضلات

ضوابط المشاركة