دى واحدة محترمة ومش هضر حد غير نفسها
انما الى انا بتكلم عليهم عايزين يتجوزوا بسرعة جدااااااااااا علشان ينجبوا طفل بسرعة ويطلقوا بسرعة
وطبعا اكيد مش هيقولوا لعريس المستقبل على خططهم دى
عرض للطباعة
انا ملاحظة إن الناس مركزة على إن الراجل في الحالة دي بيبقى ضحية و غلبان و مالوش يد في أي حاجة و مراته هي اللي نصبت عليه و جردته من كل ما يملك و طلبت الطلاق إلخ إلخ..
بس هو يا جماعة مش الجواز ده اختيار؟ يعني مواصفات و معايير بنختار على أساسها؟ و مش فيه فترة خطوبة تعتبر فترة إختبار بنعرف فيها بعض أكتر و نقرر إذا كنا هانكمل و لا لأ؟ فاللي إختار على أساس غير متين و إختار إنه يتجوز واحدة عيلة و مخها فاضي و تافهة و مادية و إختار إن دي تشيل إسمه و تبقى أم أولاده يبقى يتحمل بأه نتيجة إختياره.
فترة الخطوبة بتبقى كلها تمثيل في تمثيل
و لو مايعرفهاش قبل الخطوبة من خلال الجيرة او الجامعه مش حايعرفها على حقيقتها الا بعد الزواج
فيه حاجات ما بينفعش فيها تمثيل يا أدهم، و الراجل بياخد باله منها بس بيطنش عشان عايز يكمل الجوازة.. زي بالظبط ما البنت أحيانا بتشوف حاجات أثناء الخطوبة عارفة إنها هاتتعبها بعد الجواز بس بتكمل عشان ضغوط المجتمع أو عشان ما تحصلش على لقب عانس أو عشان هي عايزة تتجوز الإنسان ده لأسباب مادية أو عاطفية، بس النتيجة في الآخر بيبقى الأطفال همه ضحاياها.
و من الحاجات اللي ما ينفعش تتمثل مثلا لو إن البنت مادية عمرها ما تعرف تمثل غير كده، عمرها مثلا ما ممكن تخفي إنبهارها بهدية غالية أو إنها تقف قدام فاترينة محل كله brand names و تقف تتفرج على أساس إنه هايشتري و يدفع لها. كل الحاجات دي صعب إخفاؤها و اللي بيقع في الفخ دي بيبقى يا إما عبيط رسمي أو واخد باله و مطنش بمزاجه عشان هو عايز يتجوز دي و خلاص.
للاسف للاسف فية فى مصر موروث ثقافى زى الهباب بتتعلمة الفتيات فى سن صغيرة و هو نظرية( الرجل المحفظة) و دة قائم على فهم حق القوامة بشكل خاطىء و اللى انبثق منة المثل الشعبى الراجل ميعيبوش الا جيبة فعشان كدة بتتربى غلط على اساس ان الراجل ملوش اى فائدة غير تدبير الاموال و انجاب الاطفال
فعلاً فية بيتقنوا التمثيل كويس و يعرفوا يخبوا حقيقة مشاعرهم او رغباتهم او حتى رغبتهم في المشتريات و البذخ
بيبقوا عايشين الدور
و على فكرة فية رجالة كتير برضوا بيتقنوا تمثيل الكرم و نبل الاخلاق و الاخلاص و غيرهم يعني الموضوع مش خاص بالبنات و بس و انما فترة الخطوبة دي بتبقى فترة تمثيل من الطرفين غالباً الا من رحم ربي