الموضوع: انا عايزة اتجوز واجيب بيبى واطلق!!!!!!!!!!!!!

المشاركة الأصلية كتبت بواسطة bmya

طيب خودو دي بقه كمااان
بنت معرفه (صديقه اختي الكبيره وكانت اخت خطيبتي السابقه وكانت من اسباب فشكله الموضوع)المهم البنت دي سنها حاليا 29 سنه وداخله في ال 30
وبيتقدم لها عرسان كتيير ( او كان يعني ) وكلهم بيتفرضو لمجرد الرفض لحد ما اختي كانت جايبلها عريس محترم وابن ناس وشغال في وظيفه محترمه في مصر وكمان مسافر الامارات يعني 100 100 وهو صديق جوز اختي الشخصي
المهم رفضته من غير حتى ماتشوفواا !!
واختي قعدت تتحايل عليها عشان تقابله حتى جايز تغيير رأيها ودي مفيش فايده
فأختي ليه كده طيب وليه بتعملي كده
تقوم تقولها هو انا يعني لازم اتجوز هعمل ايه يعني بالجواز مانا عايشه اهو من غير جواز ايه المشكله بقه مش هموت يعني
فأختي بتقولها طيب حتى مش نفسك تكوني ام وعندك طفل حتى
تقوم بقه تقولها الرد المثالي والمقنع فعلا
تقولها ايه بقه بسيطه خالص أتبنى طفل

مستحيل تكون بترفض لمجرد الرفض ممكن بتاع الأمارات ده لأنها رافضةو تسافر بره مصر وتبعد عن اهلها

وممكن تكون اتعقدت من الجواز بسبب حاجة شافت ناس كتير منفصلين فى اصحابها او عيلتها مثلا
اما حكاية اتبنى دى هى بتقولها كده عشان تسكتها ومتخليهاش تتناقش وتكمل حوار جايز هما اصحاب كده بس فى حاجات فى القلب انت متعرفش صحوبيا ت البنات بتبقى فيها دخليات عملة ازاى غير الشباب خالص

المشاركة الأصلية كتبت بواسطة bmya

اولا هي اصلا عايشه لوحدها وهي واخوتها البنات في مصر والدها والدتها عايشين في الكويت وهي مقضياها سفر رايح جاي
يعني الرفض مش عشان السفر خالص
لا الرفض لمجرد الرفض :b4_388:
حكايه التبني دي مفيش بنت عاقله تفكر فيها اصلااااا (على فكره دي صحبه اختي الوحيده يعني الانتيم المفروض يعني) وبعدين انا كنت خاطب اختها الصغيره كماان وبفضل مجهودها الوفير وعبقريتها فزه وحاسه كرومبو السادسه بتاعتها هي اللي بوظظت الموضوع
وبعدين هو اختي كانت بتضربها ده يدوب قالت لها في واحخد حالته كذا وشغال في كذا ايه رأيك نتقابل في البيت عندي وتشوفوا بعض (هي اصلا كانت لاجئه عن اختي في بيتها ماهي صحبتها الوحيده بقه)
راحت دي رافضاه وششششش من غير حتى اي كلام وراحت قايله البوقين ايهم بتوع التبني وانها عايشه اهو من غير راجل مش هتموت يعني

وربنا يشفي

على فكرة أنا عمالة اتفرج على المناقشات الظريفة بتاعتكوا من أول الموضوع ما أتفتح و مش عايزة أتدخل خالص لأن أغلب اللي بيرد واخدها فرصة عشان يهاجم الستات و الزوجات و خلاص. بس بصراحة أنا مندهشة من كلام حضرتك جدااااااااااا.

يعني نص الرجالة اللي أتكلموا في الموضوع ده اللي مش متجوزين بيقولوا مش عايزين جواز و لا وجع دماغ و المتزوجين برضه بيشجعوهم على كدة, لكن لما واحدة تقول مش عايزة أتجوز تبقى مجنونة و ربنا يشفيها؟؟؟؟ ليه؟ هو حضرتك متخيل أن الجواز ده جنة للستات؟؟ و لا متخيل أن اللي عمالين يشتموا و يحكوا و يتحاكوا على زوجاتهم و الخلافات الي بينهم دول هما ملايكة و مهنيين زوجاتهم والستات هما الي شياطين؟؟؟

أكيد هى كمان متعقدة من اللي شايفاه من الرجالة في الزيجات اللي حواليها فمش عايزة تتجوز, براحتها هي مش بتضر حد. و بعدين حتى موضوع التبنى ده - رغم ان واضح انه مش نية حقيقية قد ما هو رد على حكاية انها تتجوز عشان تبقى أم - ايه المشكلة فيه؟ يعني هي لو قدرت تكفل طفلة يتيمة و تربيها في بيتها تبقى غلطانة في أيه أنا مش فاهمة؟؟ هو الراجل اللي مش عايز يتجوز حر في تصرفاته و الست اللي مش عايزة تتجوز كفرت؟ بصراحة منطق غريب.

و بالمرة نفسي أوجه تساؤل للرجالة المتجوزة اللي بتهاجم الجواز, أنتوا ليه مش بتنهوا الجوازة دي؟ بجد و الله مش تريقة أنا نفسي أفهم بجد. يعني لو العشرة ما بينكم بالسوء ده و مفيش أي سعادة أو تفاهم, مستمرين ليه؟ و يا ريت محدش يقول لي عشان الأولاد لأن مش منطق أبدا ان اتنين مش طايقين بعض يفضلوا متجوزين بحجة ولادهم, رغم أن أكيد الخلافات المستمرة دي تأثيرها السلبي أفظع كتير على الطفل من الانفصال.

المشاركة الأصلية كتبت بواسطة hh

على فكرة أنا عمالة اتفرج على المناقشات الظريفة بتاعتكوا من أول الموضوع ما أتفتح و مش عايزة أتدخل خالص لأن أغلب اللي بيرد واخدها فرصة عشان يهاجم الستات و الزوجات و خلاص. بس بصراحة أنا مندهشة من كلام حضرتك جدااااااااااا.

يعني نص الرجالة اللي أتكلموا في الموضوع ده اللي مش متجوزين بيقولوا مش عايزين جواز و لا وجع دماغ و المتزوجين برضه بيشجعوهم على كدة, لكن لما واحدة تقول مش عايزة أتجوز تبقى مجنونة و ربنا يشفيها؟؟؟؟ ليه؟ هو حضرتك متخيل أن الجواز ده جنة للستات؟؟ و لا متخيل أن اللي عمالين يشتموا و يحكوا و يتحاكوا على زوجاتهم و الخلافات الي بينهم دول هما ملايكة و مهنيين زوجاتهم والستات هما الي شياطين؟؟؟

أكيد هى كمان متعقدة من اللي شايفاه من الرجالة في الزيجات اللي حواليها فمش عايزة تتجوز, براحتها هي مش بتضر حد. و بعدين حتى موضوع التبنى ده - رغم ان واضح انه مش نية حقيقية قد ما هو رد على حكاية انها تتجوز عشان تبقى أم - ايه المشكلة فيه؟ يعني هي لو قدرت تكفل طفلة يتيمة و تربيها في بيتها تبقى غلطانة في أيه أنا مش فاهمة؟؟ هو الراجل اللي مش عايز يتجوز حر في تصرفاته و الست اللي مش عايزة تتجوز كفرت؟ بصراحة منطق غريب.

و بالمرة نفسي أوجه تساؤل للرجالة المتجوزة اللي بتهاجم الجواز, أنتوا ليه مش بتنهوا الجوازة دي؟ بجد و الله مش تريقة أنا نفسي أفهم بجد. يعني لو العشرة ما بينكم بالسوء ده و مفيش أي سعادة أو تفاهم, مستمرين ليه؟ و يا ريت محدش يقول لي عشان الأولاد لأن مش منطق أبدا ان اتنين مش طايقين بعض يفضلوا متجوزين بحجة ولادهم, رغم أن أكيد الخلافات المستمرة دي تأثيرها السلبي أفظع كتير على الطفل من الانفصال.

بتتفرجى وسايبانى ليه بس
لا فض فوكى

واسأليهم سؤال تانى ليه مبيحاولوش يلاقوا طريقة يحلوا بيها المشاكل ويحولوا الحياة التعيسة دى لحياة ولو حتى محتملة

اقولك انا لأن الراجل بيتربى على ان الست اللى هيتجوزها لازم تتنازل وتتطبع بطباعه وبالتالى هى بتخش الحياة تلاقى نجاحها متوقف عليها هى لوحدها مع انها مركب وكل واحد فى ايده مجداف لو مكنش فى تناسق لازم تغرق او على الأقل عمرها متمشى بهدؤ وف خط سير طبيعى
بس هو يتعب نفسه ليه
هى لما تبوز هينزل ويسيب البيت لحد متتربى وتعرف ان الوش الخشب بيضرها هى بس زى الأقتراحات الظريفة اللى هنا ده من باب الأمر بالمعروف والأصلاح بين الناس ده ولا ايه!

و بعدين سييهم ينصحوهم ميتجوزوش اللى بيفكر كده يبقى عمل خير فى واحدة كانت هتعيش نموذج مكرر للى بنشوفه هنا كل يوم

المشاركة الأصلية كتبت بواسطة azmeralda

بتتفرجى وسايبانى ليه بس
لا فض فوكى

واسأليهم سؤال تانى ليه مبيحاولوش يلاقوا طريقة يحلوا بيها المشاكل ويحولوا الحياة التعيسة دى لحياة ولو حتى محتملة

اقولك انا لأن الراجل بيتربى على ان الست اللى هيتجوزها لازم تتنازل وتتطبع بطباعه وبالتالى هى بتخش الحياة تلاقى نجاحها متوقف عليها هى لوحدها مع انها مركب وكل واحد فى ايده مجداف لو مكنش فى تناسق لازم تغرق او على الأقل عمرها متمشى بهدؤ وف خط سير طبيعى
بس هو يتعب نفسه ليه
هى لما تبوز هينزل ويسيب البيت لحد متتربى وتعرف ان الوش الخشب بيضرها هى بس زى الأقتراحات الظريفة اللى هنا ده من باب الأمر بالمعروف والأصلاح بين الناس ده ولا ايه!

و بعدين سييهم ينصحوهم ميتجوزوش اللى بيفكر كده يبقى عمل خير فى واحدة كانت هتعيش نموذج مكرر للى بنشوفه هنا كل يوم

بصي أنا قولت الكلام ده في موضوع تاني و باكرره, الزيجة السعيدة هي اللي كل طرف فيها بيحاول يسعد الطرف التاني مش بيدور على اللي هو عايزه و بس. مفيش زوج حيكون سعيد لو هو مش مريح زوجته, و لا زوجة زوجها حيسعدها لو هو مش سعيد معاها.

الجواز شركة, عمرك شفتي شركة فيها اتنين شركا واحد بيكسب و التاني بيخسر؟؟ مستحيل, يا أما الأتنين يكسبوا يا أما الاتنين يبقوا خسرانين. 99% من الزيجات الي فيها مشاكل بيبقى الطرفين فيها غلطانين, مفيش حد عايز يحاول يرضي التاني أو يغير من نفسه عشانه أو حتى يستحمله لما يغلط. قليل قوي لما بتبقى المشاكل بسبب طرف واحد بس هو اللي فعلا متجني على التاني.

و طبعا أنا متفقة معاكي ان اللي يبقى شايف أن الجواز صراع لازم واحد يكون فيه منتصر على التاني ده أحسن له و أحسن لغيره انه ميتجوزش أبدا.

المشاركة الأصلية كتبت بواسطة lion_heart

لأن كل القوانين الحالية مع الزوجة من حضانة و شقة و نفقة يعنى خراب بس على الزوج مش الزوجة و مش كل الناس تقدر تتخلى عن الحاجات دى فبيستسلموا للامر الواقع و يندبوا حظهم فى الدنيا لا اكثر.

على فكرة أغلب القوانين اللي حضرتك و غيرك عمالين تعترضوا عليها دي حقوق شرعية للزوجة ربنا سبحانه و تعالى أقرها مينفعش نقول عليها ظلم أو خراب لا سمح الله.

و بعدين بيتهيألي الزوج اللي قاعد مع مراته بس عشان ملوش مأوى تاني غير بيت الزوجية و مش حيلاقي ياكل لو أقتطع من دخله جزء عشان النفقة ده الاٍستثناء مش القاعدة. بيتهيألي أغلب الأخوة اللي علقوا في الموضوع ده و في غيره منددين بالزواج و معلنين سخطهم التام على حياتهم الزوجية ميسوري الحال - ربنا يبارك لهم - و مش هي دي المشكلة بالنسبة لهم.