الموضوع: مشاكل فى فتيس dsg

المشاركة الأصلية كتبت بواسطة umoussa

هو السعر مش مظبوط والجزء الي بيتغير مش الكنترول بس
وسعر التكلفة في التوكيل 55.000 جنيه

الفتيس ده من أسوء الفتايس الي عملتها فولكس، تصنيع ياباني ونزل مع المواتير ال tsi

ياااااااااااااااااااه. فينك يا باشمهندس أسامة من زمان ؟ مفتقدينك ككبير للفولكساوية ذو رأى سديد مبنى على العلم و التجربة.
أتمنى أن اراك فى منتدى الفولكس كثيرا مثل زمان لأن كلنا متشوقين لسماع آرائك القيمة فى مواضيع كثيرة فلا تحرمنا منك كثيرا مثل السنة الماضية.

المشاركة الأصلية كتبت بواسطة معتز

زعل ايه بس.............توكل على الله وهات 2011 ومفيش حد بيجرى كل شوية!!!

ايوة يا معتز بس 2011 لسة متجربتش قوى عشان نقدر نحكم اذا كانت المشكلة اتحلت و لا لا

مش معنى إن بعض السيارات حصلها مشكلة والله أعلم مين سبب المشكلة (المستخدم ولا عيب صناعة) يبقى نعمم ونقول الفتيس فيه مشاكل . أنا عندى الفتيس 2008 ما شاء الله ما فيهوش مشاكل

الفتيس تم تقديمة فى 2003 يعنى من 8 سنين تفتكروا مجموعة VAG (Audi , VW, Seat, Skoda) باعت كام مليون عربية فيهم الفتيس ده ، تفتكروا كده ب الله عليكم أرخصلهم يلغوه ولا يتكلفوا عشرات المليارات من الدولارات فى تغيير الفتيس .

يا جماعة ما تهولوش الموضوع

المشاركة الأصلية كتبت بواسطة معتز

مع موديلات 2011 متوقع زيرو شكوى تستلزم التغيير .فى نظرى السوفت وير تم تحديثة عدة مرات والامر اصبح فى حكم المعالجه النهائية..اللى ناوى على الباسات يتوكل على الله ويشترى 2011

المشاركة الأصلية كتبت بواسطة mshamy

الموضوع ده من 2007 و الشركة بتعالج القصة دي من وقتها
بس بدأظهوره في مصر مع طرح الموديلات 2009
انا عربيتي 2010 والحمدلله لايوجد بها مشاكل في الفتيس حتى الأن
لكن في 2 من زملائنا كان عندهم مشاكل و التوكيل غير لهم ناقل الحركة في الضمان و عربياتهم كانت موديلات 2009

المشاركة الأصلية كتبت بواسطة Sherlock

أنا برضه متأكد ان موديلات 2010 و 2011 فيها زيرو مشاكل فى الفتيس , بالإضافه ان التوكيل عنده علم بالمشكله لو لاقدر الله حصلت و هيتم استبداله .

السلام عليكم جميعا
اتا عربيتى مو 2009 و غيرت الفتيس كامل بعد 45 الف كم فى التوكيل والفتيس الجديد من مو 2010 ومشيت بيه حوالى 12 الف كم
فى فرق فى الفتيس والبرنامج بتاعه عن 2009 , بمعنى اخر انا تقريبا فى ال 2009 لم يكن هناك فرق ملحوظ بين ال D & S من ناحيه التجميع و تتابع النقلات و تسقيطها , بمعنى أخر كأنك ماشى على ال S على طول فى الفتيس الجديد الانتقال للشيفت الاعلى اسرع من الاول كتير يعنى ممكن ابقى ماشى 70 وهى على السابع و لو دوست البنزين يتأخد وقت علشان تسقط نقلات و التسقيط ايضا بحرص يعنى على ال d مابقتش بنفس الاستعداد (RESPONSIVE ) زى اللى كان فى ال 2009 ال s تقريبا نفس الشىء تجميع و سرعه عاليه
عاوز اقول لكم ان الفتيس القديم كان بيفصل على البانل من اول 10000 الف وكان بيرجع تانى بعد غلق العربيه و أعاده تدويرها وده حصل معايا م ثلاثه او اربع ممكن 6 مرات حتى 35 الف لغايه لما فصل نهائى على 45 الف
انا عندى اعتقاد ان مو 2010 محسن كتيير عن 2009 كفتيس و كبرنامج تشغيل

المشاركة الأصلية كتبت بواسطة umoussa

هو السعر مش مظبوط والجزء الي بيتغير مش الكنترول بس
وسعر التكلفة في التوكيل 55.000 جنيه

الفتيس ده من أسوء الفتايس الي عملتها فولكس، تصنيع ياباني ونزل مع المواتير ال tsi

اسامه واحشنا ياراجل , فعلا 55 الف جم ده سعر التكلفه فى التوكيل و السعر للبيع 70 الف
طبعا هأختلف معاك . الفتيس ال dsg 7 SHIFT ده من أفضل و أمتع الجيربوكس اللى ممكن تركبه فى عربيه , تصنيع المانى فى مصنع فولكس فى كاسل او فى مصنع فولكس فى أيطاليا على حسب كلام التوكيل (اشك فيه) , ابتداء من 2010 يصنع فى الصين للاستخدام المحلى فى سيارات فولكس بالصين لكن اليابان دى مش راكبه خالص طبعا مش بقول كده علشان معايا عربيه بالفتيس ده ,لكن الفتيس ده مع ال tsi متعه ,
بالمناسبه أخبار المعادى ايه ؟

المشاركة الأصلية كتبت بواسطة mimohsen

انا واحد صحبي معاه باسات ستيشن مغير الفتيس مرتين والعربيه لسه في اول سنه

المشاركة الأصلية كتبت بواسطة foshiahmed

طيب ال 2006 ظهر فيها نفس العيب ده ولا أيه أنا قدامي عربيه باسات 2006 كامله فتحه سقف جنط كل حاجه ب 150 ألف أتكل علي الله ولا أيه ولا الفتيس أيه ظروفو

المشاركة الأصلية كتبت بواسطة mohamedmmm2

ال 2006 اصلا مانزلش منها فتيس dsg..
ايه المشكله؟؟؟

فيه فرق كبير بين ال dsg 6 SHIFT الموجود فى موديلات 2006 حتى أخر 2008 و اول 2009 و بين ال منdsg 7 SHIFT من اول 2009 مش قصه نقله واحده زياده لكن أختلاف كلى فى كل حاجه التكنولوجيا والحجم و الاداء فرق كبير
الباسات فارينت (استيشن) لا تسوق فى مصر حتى الان بفتيس dsg 7 SHIFT لان موتورها fsi مش tsi

المشاركة الأصلية كتبت بواسطة Ahmed Hassan

و ده معناه عيب صناعه و لا عيب تصميم؟

لاعيب صناعه و لاعيب تصنيع لان الانتاج مستمر انواع العربيات اللى بيركب لها بقى أكتر ممكن يكون سوء اختيار بعض المكونات