مش بس للرجال فقط لا والمتجوزيين بس
عيزيين نناقش قضية مهمة وحيوية جدا جدا الا وهى الوش الخشب:11:
الراجل يعمل اية فى بيتة علشان ميشوفش الوش الخشب:11: (بدون تنازلات) ؟
عرض للطباعة
مش بس للرجال فقط لا والمتجوزيين بس
عيزيين نناقش قضية مهمة وحيوية جدا جدا الا وهى الوش الخشب:11:
الراجل يعمل اية فى بيتة علشان ميشوفش الوش الخشب:11: (بدون تنازلات) ؟
ignooooooooooooooooooore it
تدى وش اخشب منه
و المعامله بالمثل
وش حلو بوش حلو
وش خشب بوش خشب
و تدى الوش و تعيش حياتك متعكننش على نفسك
واللى يجيى يتكلم
ياخد وش برضه
أختلاف الطبائع والميول .. بتخلي ده لازم يحصل .. لحد ما الزوجين يقدروا يوصلوا لتوليفة الحياه تمشي معاها .
لو ركزت شوية حتلاقي أنت كمان بتعمل وش خشب من غير ما تدرى هههههههههههههههههههههههه .
و النبي لما نعمل اية :brn: !!! حانشوفة حانشوفة :11:
هو احنا لينا الا الوش دة :8954[1]:
احنا ممكن نهرج للصبح في هذا الموضوع
بس الصح انك تعاملها بالحسنى و بما يرضي الله تعالى سواء بوش خشب او غيره
لانه الواحد بيعامل ربنا في الاول و الاخر
بذكائك ممكن تبقى فى جنة و ممكن تبقى فى نار يا باشا انت قبل ما تتجوز مش كنت لطيف و ظريف و على طول بتضحك لية وزنك زاد بعد الزواج و عجزت 20 سنة كدة لأدام و بقى الهم راكبك هههههههههههه علشان مش بتستعمل ذكائك
الست اسهل واحدة يتضحك عليها بكلمتين واصعب واحدة يتضحك عليها بكلمتين وانت وشطارتك
طب جربت لما تعمل الوش الخشب ده تسالها ايه اللى مزعل....بوش مبتسم شوية وتحاول تسمعلها عشان تفضفضلك انت بس من غير ما تفتح على نفسك فتحة؟
جربت تتناقش معاها ولو على الاقل بنفس اسلوب مناقشتك مع مديرك فى الشغل او والدتك؟
جربت تقول معلش بلاش الوش ده يتغير عشان ربنا خلقه فى احسن صورة وهو جميل يحب الجمال؟
جربت تعرف ايه اللى غير وشها وتحاول تبسط الامور؟
وخد باللك ان الوش ده حسب ما يشوف هيوريك فى البيت يعنى لترجع وانت عاوز ترجع البيت يا تنزل وترجع لما تنام.
وساعات احنا بنبقى تعبانين فى الشغل-مخنوقين من الزحمة-متخانقين فى الشارع\الشغل بس هما فعلا ملهمش ذنب لانهم مش طرف فى اللى حصل وده اولا وثانيا ديه مستنياك طول النهار ومحضرة اكل وهدومك وحمامك واخبارك ايه.
وزى ما قالك ابو مريم صعب تضحك عليهم واضيفلك الا لما تكون مجهزها.والعملية ولا هى طويلة ولا صعبة العملية تعامل مع موقف وبيتبنى عليه كتير فخد بالك انك بتتعامل مع شريكة حياة وبمشيئة الله طويلة وام اطفال وحبيبةومدرسةومع احترامى شغالةوغسالةوكناسةوطباخة.... ...الخ
شكرا بتبسطهم اوى وربنا يوفقك
يا جدعان الردود بتاعتكم بتقول انكم ماتجوزتوش لسة
الست لما بتحط الوش دة يستحسن ماتحاولش تتكلم معاها اساساً
يا اما مش حاترد عليك
يا ما حاتنفجر فيك
لا متجوز والحمد لله وبحاول على قد ما اقدر اعدل فى بيتى زى ما بتعامل برة بيتى.ولو طنشنا وقلنا شوية وهتهدى برده هتفضل متخشبة من جوة وده وحش لانه بيفضل يكبر مع كل زعلة من جوة لبرة واعتقد ده الانفجار الكبير ويارب يبعدنا كلنا عنه وتتستقر حياتنا
في حاجة كمان او 6 شهور في الجواز بيكونو كلهكم مشاكل لغاية ما الزوجين يتاقلمو مع بعض متهيالي كمان ممكن المدة تطول لسنة
ايوة يا ادهم باش انتا معايا على الخط
لما الوش بيتلبس الله لا يوريك
س: مالك يا حبيبتى
ج:مفيش
س:امال اية الو ش الخشب دة
ج:مفيش
س:فية اية متنطقى انتى هتنيكى لبسالى الوش الخشب دة هو انا ناقص
ج:استغفر الله العظيم هو انا اتكلمت علشان تزعقلى
:I_angr1[1]::I_angr1[1]::I_angr1[1]::I_angr1[1]::I_angr1[1]:
ممكن اسال هو الوش الخشب اللى تقصدوه النكد والخناق ولا لما تلاقيها متضايقة وموش بتتكلم
اصل التعامل فى الحالتين يختلف ؟
لا هو مزيج بين دة و دة :8954[1]:
زي ماتقولي كدة وش النكد :brn:
يعني وش مقلوب :11: و من غير كلام
احنا عاوزين الحاج متولى معانا ....كان بيبلف اجدعها ست بالكلام ...
طب ما هى قالتلك على اللى فيها واللى انت طنشته قبل كدة(مع احترامى).واضح انك لما بتتنرفز بتفرغ فيها واكيد هى قالتلك او وضحتلك بلاش زعيق.يبقى تحاول تتناقش معاها فى ساعة روقان كدة ويارب يكون قريب بصوت هادى وتعالى لما اقولك على حاجة......وابدا اتكلم معاها زى ما بتكلم وتحتضن طفل صغير واللى مضايقك منها برده قوله بعد ما تسمعلها.ولما تلاقى المور بدات تصفى وقالتلك اللى مضايقها يلاش ياه انا عملت كل ده عشان هى مش هتكدب فى اللحظة ديه خالص وحاول معلش هحاول اظبط ده وده وانتى معايا تساعدينى هو انا ليا غيرك.
اصل هههه مينفعش تبدا تعرف مالها وتقولها واللى هى هتفهمه كدة ايه الوش الخشب ده.طب ما تجرب تقول مال الجميل مين اللى قدر يزعله ويغير وشه.
انا مش دكتور نفسى ولا مولف ولا روميو.بس بختلط بستات فى شغلى كتير شوية وبستمع لمراتى كويس والحمد لله
اتجاهل يا معلم هى تلبس وش خشب اوكى . انت بقة تروح مديها الطرشة وبييييييييييس العملية خالص اتعامل عادى جدا لغاية لما هى تييجى تقوللك انت مسالتنيش ماللك تروح قايل لية هو فى اية ؟؟؟ بكل برود هتبتدى هى تشعلل تروح انت رازعهملها .تروح قايل ماهو انا لما ااجى من الشغل قرفان ومن الطريق اللى زى الزفت والاقى سعادتك قالبالى بوزك المفروض انى اترمى تحت رجللك واعيط واقوللك ماللك؟؟؟؟ هى هتحس انها غلطط والدنيا هتبقى تماااااااام
لما يكون الوش ليه سبب تعرفه حاول تعالج السبب.
اما لومالوش ... او سبب تافه يبقى تدى الوش الخشب ... وزان كمان مش اى خشب ...
بصراحة الاراء كلها جميلة بس لو عاوز تعرف الحقيقة والحل القاطع في الموضوع ده
اتفرج على الفيديو دة وانت حتفهم كل حاجة
YouTube - Mark Gungor - Men's Brain Women's Brain
http://www.youtube.com/watch?v=AQ9L9YBJkk8
تقبل تحياتي
يا جماعة الوش الخشب ده أساسي في أي بيت .. وأسأل والدك وجدك ...إلخ هو ده الطبع الغالب في الستات .
بس هنا فيه سؤال هل الوش الخشب ده ليه أسباب ولا طبع .. لأن الاتنين يفرقوا جداً .. لو طبع والنكد في دمها يبقى عليه العوض ومنه العوض ومفيش أمل (والكلام ده ينطبق على الرجالة برضه)
إنما الوش ده لو ليه أسباب حاول تشوف الأسباب دي أيه وتعالجها بقدر الإمكان .. لأنه في الأول والأخر أنتم الاتنين عايشين مع بعض ولو القصة قلبت بعند والكرامة والرجولة بتنقح عليك يبقى حتعيش في نكد على طول واللي تبات فيه تصبح فيه خاصة لو الزوجة عندية .
المسايسة هي الحل .. وبالشد مرة وباللين مرة وبنفس الوش الخشب مرة .. لحد ما تقدروا توصلوا لبروتوكول غير معلن بينكم لطريقة التعامل من غير وشوش ومن غير نكد .
أدعولي أوصل للبروتوكول ده هههههههههه .. ولو حد وصل للبروتوكول ده يقول عمل أيه .
على الرغم من انه فيديو ستاند اب كوميدى بس قال جملة جميلة اوى عن عقل المراءة وهو ان عقلها مليان بكل الاحداث ولما تربطها بما حست بيه وقت حدوث الحدوث فبيتخزن جواها لان معظم حركات عقلها مرتبطة بالعاطفة وللاسف عشان يضحك الناس قال بينما عقل الراجل خالى لانه بما معناه او اللى فهمته انه لا يربطه بمشاعر او لا توجد عنده مشاعر وهقول زى الست يخزن معاها الاحداث.
فكرنى بواحد امريكى ومراته عندهم و75 73 سنة وعارفين الكناريا كانوا كده.سالته ايه سبب الشعور بالسعاده بعد كل ده قاللى لاننا اصحاب بعد ما الحب بدا يخلص او بمعنى اصح بقت لنا العشرة ولما كان يحصلنا مشكلة نمسك ايد بعض ونحلها
البروتوكول غير المعلن بيجى بعد مدة زى ما بيجى البروتوكول بتاعك مع اصحابك لما يقولوا لا ديه مش طباعه لا بلاش المكان ده عشان باسم مش عاوزه وده اللى الاصحاب المقربيين بيوصلوا ليه لما بيبصوا فى عيون بعض لما بيتشاوروا فى حاجة واللى جدى رحمه الله كان بيقول ابصلها تعرف انا عاوز ايه
هو المعنى المقصود قريب بس موش بالظبط اقلك مثال انت ممكن جدا يحصل موقف ويزعلك تنفعل فى وقته وتنساه على العكس احنا بنخزن ولما الزعل ده بيطلع بيطلع فى وقت الست نفسها ساعات ما تبقاش عارفة السبب لانا نسيته واترمى وسط حاجات كتير بس اللى طفى على السطح (او بمعنى اصح انفجر حالة الزعل موش السبب الاصلى )
وعقل الراجل اكثر تنظيما فعلا يبقى عارف ايه اللى مزعله ويطلع على طول غير الست ودى خلقة ربنا نعمل ايه وربنا بيعوض النقص ده بقدر اكبر من الحنان موش عند الراجل
بمعنى يا حضرات ان هى نفسها موش عارفة سبب الوش الخشب عشان كده بقولكم سيبها شوية هاتهدى
انا بقصد الجملة اللى قال فيها ان مخ الست زى الطريق السريع لشبكة الانترنت بس اللى بيربطه العاطفة واعتقد الجمله كانت فى الفيديو فى الدقيقة التاتلتة بحاجة بسيطة وقبل ما يقول ان عقل الراجل او الراجل لا يهتم:11:
وتعليقا على كلامك(او بمعنى اصح انفجر حالة الزعل موش السبب الاصلى ) فده برده بيرجع انها مخزنة موقف حصل ربطته باللى حسته وقتها وبيتكرر نفس الموقف فبترجع تحس بنفس الاحساس القديم.
والراجل معندوش حنان زى الست.انا مش معاك هنا لان مش كل الرجالة عاوزة تزود حسناتها بنفس القدر وممكن مش كل الرجالة عارفة ازاى تعدل من نفسها.لكن الحنان موجود والا اصبحت طريقة تعامل الرجل مع الست ولو معجبوش كلامها يبقى هيضربها و.........ومكانش العريس يستحمل مضايقات فترة الخطوبة ومكانش الراجل يحضن مراته لما تعيط بس اللى لسة مقدرش راجل يعمله فى اعتقادى انه يستحمل جنين جواه وتعبه والامه و هنا تتميز الام بحنيتها الجبارة واللى الرسول عليه الصلاة والاسلام اوصانا بالام 3 مرات
ده مش استاند اب كوميدي ... ده كان سمينار عن الزواج والحلقة كلها موجودة على الانترنت ممكن تنزلها حوالي 700ميجا
على العموم ده السايت بتاعة Attend a Marriage Seminar
وده الحل السحري لكل المشاكل اللي ممكن نقابلها وفي فيديوهات تانية كتير ممكن تفيد
YouTube - The Reset Button
تقبل تحياتي
مشكور على التوضيح اصل طريقة العرض فكرتنى بالاستاند اب كوميدى زى
Russell Peters
George Carlin
Jerry Seinfeld
معلش محدش يقول دور على السبب وحاول ومش عارف ايه بدون خبرة وهو لسة على البر
انا رايي
هي معادلة بسيطة تديك وش خشب وفى الغالب بسبب تافه تروح مديها وشين خشب ومش متصنفر كمان بلا ارف
انا مع اني متجوزتش بس ليا راي في الموضوع ده
اول ما يتلبسلك الوش الخشب
تحاول تصالح وتفك الوش وتلم الدور علشان الحياه تمشي ومش ناقصه نكد
بعد كده تسكت شويه وتحاول تكلم صلح
بعد كده
تلبس الوش الخشب وتقولها انا نازل يا حبيبتي رايح اقابل اصحابي اهزر معاهم واضحك ولما تفكي كلميني
وتشيب وشك الخشب علي عتبه البيت وتنزل تروح تتفسح وتقابل اصحابك وتلبسه تاني علي باب الشقه وانت داخل
ساعتها حتعرف ان وشها الخشب محدش مضرور منه غيرها
فيه ناس بتتصالح بكلمه حلوه
فيه ناس بتاخدلها وقت بسيط علي ما تروق
وفيه ناس حتعرف تعلمك النكد كويس اوي وتشربهولك من كيعانك وتكويك بيه
بس طبعا دي بتكون طبيعه بني ادم
واتمني اني لو حصل واتجوزت ملاقيش وش خشب جامد
علشان انا حعمل الخطوات الي قولت عليها حرفيا
لو حبت تتصالح ونتراضي والحياه تمشي كان به واشطه وزي الفل
لو مش بتتصالح فبرضه الحياه اشطه وزي الفل
اصل انا ممكن ارضي اعيش في ادني مستوي وانام علي الرصيف بس ارتاح نفسيا
ولا اني اعيش في مستوي كويس وانا باكل وبشرب نكد ليل ونهار