الموضوع: نصيحة لملاك امبريزا 2008 (تجربتي مع بنزين 92 - 95)

السلام عليكم ورحمة الله وبركاته

اثناء مشكلة الاخ خالد مع امبريزا 2006
جاء في بالي ان يكون السبب ان البنزين اقل من نسبة الاوكتان الموصي بها في الكتالوج
فمعلوم انه بالرغم من ان نسبة انضغاط المحرك حوالي 10:1 الا ان في الكتالوج الموصي به هو 95 او اعلى
طبعا جميع من اعرف من مالكي امبريزا يضعون بنزين 92 لان ما هو اكثر عبء كبير علينا الصراحة
بغض النظر عن مشكلته حبيت اجرب
جاء في خاطري اجرب بنزين 95 و اشوفه هيعد في التنك قد ايه
قلت يمكن يعد اكتر
واليكم الحصاد:

اولا بنزين 92:
فولت العربية حوالي 60 لتر عملت بيهم حوالي 550 كم (طبعا اتبقى من البنزين حوالي 5 لترات مع التفويلة التانية)

1-استهلاك البنزين حوالي 20 لتر لكل 200 كم
2-مؤشر استهلاك البنزين في كمبيوتر العربية تراوح بين 9 لتر الي 10,5 ساعات اقل و ساعات اكتر لما كنت بحرق كتير
3-يعني بالفلوس كل 100 كم يكلفوك 1,4 * 10 = 14 جنيه (غير البقشيش :-P )
4- صوت الموتور بعد ار بي ام 5 عالي


ثانيا بنزين 95:
اول ما تحذير البنزين نور (حطيت بـ 60 جنيه حوالي 34 لتر بنزين 95) مشوني العربية نورت بالضبط بعد 400 كم

1-استهلاك البنزين 17 لتر لكل 200 كم
2-ممعدل استهلاك البنزين في شاشة كمبيوتر العربية تراوح بين 7,2 ولم يزد اطلاقا عن 9,4 لكل 100 كم حتى مع الحرق
وعلى فكرة بعد ما حطيت بنزين 95 عداد الكمبيوتر (استهلاك البنزين ) صفر وبعدين قعد يقل لغاية ما تراوح بين النسبة اللي ذكرتها من قبل
3-بالفلوس كل 100 كم يكلفوك حوالي 1,75 * 8.5 =14,8 جنيه
4-صوت الموتور بعد ار بي ام 5 افضل كثيرا من ذي قبل

ملحوظات عامة:
اسلوب القيادة واحد ساعات شد ساعات لين و عدد الركاب ما قل ابدا عن 4 (بالسائق) الا نادرا
ساعات كنت اوصل لسرعات كبيرة وانا حارق يعني النسبة المذكورة combined بين السواقة الهادية و الرياضية جدا

الخلاصة:
مع السواقة الهادية فعلا بنزين 95 يوفر (لان معدل استهلاك البنزين نزل عندى لحد 7،2) مع سرعات من 90 الي 120 على الغيار الخامس في الطرق السريعة و الار بي ام حوالي من 2750 الي 3500 مع السرعات المذكورة

مع السواقة الرياضية بنزين 95 يمكن يكون مكلف عن 92 حاجات بسيطة بس ضروري خصوصا ان ال red line في المبريزا 2008 عند 7000 لفة يعني اللي يوصل لعدد الفات دي لازم يحافظ على موتوره و يحط 95 و يخليه في المضمون احسن

بالتوفيق لجميع الاعضاء

المشاركة الأصلية كتبت بواسطة mosso

انا بدات احط 95 فعلا و ربنا يسهل
بس عايز اعرف اماكن 95 كويس ميكونش بيطير بسرعه و فيه البركه و في نفس الوقت ميكونش مضروب :d

بص انا ساكن في التجمع الخامس
وبروح الكلية (جامعة القاهرة ) في الجيزة يوم في الأسبوع
احسن بنزين اداني اقل استهلاك للنزين هو:

1- شل اللي في شارع التسعين عند المستشفى الجوي ودي فعلا قراية العداد وصلت الي 6,8 مع القيادة الهادئة (90 على الغيار الخامس) اما المتوسط العادي فحوالي 8,0 الي 8,6 لتر لكل 100 كيلو

2- امارات مصر اللي قبل كارفور المعادي على طول ودي الصراحة مجربتهاش غير مرة واحدة في البنزبن الـ 95 وكان معقول متوسطه حوالي 8،6 لكل 100

اما غير كده فمجربتش الصراحة وياريت لو حد جرب يوضحلنا