تحذير واجب من محطة بنزين التعاون أسفل كوبري الدقي

**mohamedrabia** · 13-09-2010 11:05 AM

اولا مبروك لتغيير الاسم مع اني شايف اسم ابو اسر سابقا كان تمام وثانيا بدون زعل انا شايف ان بنزينة التعاون من اسوء البنزينات بمصر كفاية منظرها الخارجي متغيرش من ساعة ما عملوها ولا بيفكروا يغيروه وثالثا انا مدخلش بنزينة فيها بنزين 80 لسبب والله اعلم انهم بيخلطوا البنزين وكمان سرعة التغيير البنزين في الخزانات بيسبب حركة الرواساب يعني همون بنزين مخلط وكمان فيه شوائب يعني خراب من كل جانب وبعدين يا اشرف باشا انت جانبك بنزينة الامارات محترمة والي تعرفة احسن من الي متعرفوش وكفايه وانت داخل بتحس انك فعلا في بنزينة بره مصر

**SkyBird** · 13-09-2010 09:15 PM

وايه السبب ي ترى
طالما العربية تتفول
بتحصل معايا احيانا بحس ان تفويلة بتفرق عن تفويلة تانية بس مش عارف ايه السبب!!!!
حد عنده فكرة؟

**abogogo** · 13-09-2010 11:26 PM

بنزينة موبيل اللى في جسر السويس ناصية احمد عصمت امام بوابة نادي الشمس لصوص ونصابين عن تجربة

**factorialx** · 13-09-2010 11:29 PM

على فكره أنا لسه ممون منها قريب و محستش بفرق

أنا ساكن هناك بس أغلب تعاملي مع موبيل اللي في البطل أحمد

**maka** · 14-09-2010 01:14 AM

المحطة دى على طول بعدى عليها و عمرى ما فكرت امون فيها .... شكلها ميطمنش

المشاركة الأصلية كتبت بواسطة msafa

عليكم و على بنزينة موبيل اللي في صلاح سالم
هتفضل ماشي لحد ما تلاقيها على ايدك الشمال و هتلف من تحت الكوبري (اوعى تطلعه) و ترجع تاني و هتدعولي

انا باجي من فيصل مخصوص و الفرق يستاهل

جرب شل البحر الاعظم هتعجبك باذن الله

**msafa** · 14-09-2010 01:42 PM

المشاركة الأصلية كتبت بواسطة maka

المحطة دى على طول بعدى عليها و عمرى ما فكرت امون فيها .... شكلها ميطمنش

جرب شل البحر الاعظم هتعجبك باذن الله

**kh_talaat** · 15-09-2010 11:07 AM

شكرا على التخذير

وفعلا انا من زمان مبطمنش للمحطة دي يعني اذا كان منظرها من فوق بالشكل البالي دة امال خزانات البنزين تحت هتبقى عاملة ازاي

بس لازم ناخد بالنا من نقطة تانية مهمة

الحكم على عدد اللترات المستهلكة مع المسافة المقطوعه لا يصلح الا على الطرق السريعة لأنك داخل المدينة ممكن تاخد المشوار الـ 20 كيلو مره في 10 دقايق ومره في ساعة كاملة حسب الزحمة

يعني العربية دايرة لمدة ساعة ومشيت نفس المسافة اللي مشيتها في 10 دقائق فالحكم على استهلاك البنزين بالمسافة المقطوعة داخل المدينة هيبقى غير صحيح

**أشرف العدوي** · 15-09-2010 11:17 AM

هو انا لاحظت فرق الأستهلاك الرهيب
لاني بعمل نفس المشاوير كل يوم من نفس الطرق و الفرق فعلاً كان رهيب
يعني انا مفول دلوقتي من امارات مصر عامل تقريباً 230 كم و المؤشر لسة ما وصلش للنص هبقى اصوره
و ساعات بتفرق في موبيل بس مش الفرق الرهيب بتاع بنزينة التعاون دي يعني علشان اوضح الأمر العربية تقريباً كانت بتستهلك الضعف او أقل قليلاً

**أشرف العدوي** · 15-09-2010 12:07 PM

المشاركة الأصلية كتبت بواسطة ralliart

لا والاسوأ انه كان مع واحد صاحبي بيجرب العربيه بعد ظبط الزوايا وصاحبي اللي سايق وقام الراجل مادد ايده على الدركسيون بدون سبب ولفه والعربيه اتدمرت واتكلف كتير وكان مبرره انه بيفادي بلاعه !!! مع انه مش هو اللي سايق !
واكتشفت بعد كده انه مبيعرفش يسوق اصلاً !

يا خبر ابيض
ده طلع نصاب و متخلف
حسبي الله و نعم الوكيل فيه

الموضوع: تحذير واجب من محطة بنزين التعاون أسفل كوبري الدقي

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تحذير من محطة بنزين في اسكندرية -عد فلوسك كويس قوي

تحذير من محطة التعاون بالقصر العيني

إحترسوا من ظبط زوايا فى محطة التعاون - صلاح سالم

تحذير من محطة بنزين

الكلمات الدلالية لهذا الموضوع

المفضلات

المفضلات

ضوابط المشاركة